|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
164. 7. Lomasakangiyattheragathavannana
dabbam kusanti ayasmato lomasakangiyattherassa 3- gatha. Ka uppatti?
so kira ito ekanavute kappe vipassim bhagavantam passitva pasannamanaso
nanapupphehi 4- pujetva tena punnakammena devaloke nibbatto puna aparaparam
punnani katva sugatisuyeva samsaranto kassapassa bhagavato sasane pabbajitva
samanadhammam karoti. Tena ca samayena satthara bhaddekarattapatipadaya kathitaya
annataro bhikkhu bhaddekarattasuttavasena tena sakaccham karoti. So tam na sampayasi.
Asampayanto "aham anagate tuyham bhaddekarattam kathetum samattho bhaveyyan"ti
panidhanam akasi, itaro "puccheyyan"ti. Etesu pathamo ekam buddhantaram devamanussesu
samsaritva amhakam bhagavato kale kapilavatthusmim sakiyarajakule nibbatti. Tassa
sukhumalabhavena sonassa viya padatalesu lomani jatani, tenassa lomasakangiyoti
namam ahosi. Itaro devaloke nibbattitva candanoti pannayittha. Lomasakangiyo
@Footnote: 1 Si. yasma so paccabyadhi 2 Si. kotisu sikkhito 3 Ma. lomasankiyattherassa
@4 Si. nagapupphehi
---------------------------------------------------------------------------------------------
page130.
Anuruddhadisu sakyakumaresu pabbajantesu pabbajitum na icchi. Atha nam samvejetum
candano devaputto upasankamitva bhaddekarattam pucchi. Itaro "na janami"ti. 1-
Puna devaputto "atha kasma taya `bhaddekarattam katheyyan'ti sangaro kato, idani
pana namamattampi na janasi"ti codesi. Itaro tena saddhim bhagavantam
upasankamitva "maya kira bhante pubbe `imassa bhaddekarattam kathessami'ti sangaro
kato"ti pucchi. Bhagava "ama kulaputta kassapassa bhagavato kale taya evam
katan"ti aha. Svayamattho uparipannasake 2- agatanayena vittharato veditabbo.
Atha lomasakangiyo "tenahi bhante pabbajetha man"ti aha. Bhagava "na kho
tathagata matapituhi ananunnatam puttam pabbajenti"ti patikkhipi. So matu
santikam gantva "anujanahi mam amma pabbajitum, pabbajissamahan"ti vatva
matara "tata sukhumalo tvam katham pabbajissasi"ti vutte attano parissayasahanabhavam
pakasento:-
3- "dabbam kusam potakilam usiram munjapabbajam
urasa panudissami vivekamanubruhayan"ti
gatham abhasi. 3-
[27] Tattha dabbanti dibbatinamaha, yam "saddulo"tipi vuccati. Kusanti
kusatinam, yo "kaso"ti vuccati. Potakilanti sakantakam akantakanca gaccham. Idha
pana sakantakameva adhippetam. Usiradini suvinneyyani. Dabbadini tinani
biranatinani padehi akkantassapi dukkhajanakani gamanantarayakarani ca, tani
ca panaham urasa panudissami 4- urasapi apanessami. Evam apanento tam nimittam
dukkham sahanto arannayatane gumbantaram pavisitva samanadhammam katum sakkhissami.
@Footnote: 1 Si. na janati 2 Ma.upari. 14/286/257 vibhangavagga
@3-3 cha.Ma. "dabbam kusam potakilan"ti gatham abhasi 4 Si. apanudissami
---------------------------------------------------------------------------------------------
page131.
So pana vado padehi akkamaneti dasseti. Vivekamanubruhayanti kayavivekam cittavivekam
upadhivivekanca anubruhayanto. Ganasanganikam hi pahaya kayavivekam anubruhayantasseva
atthatimsaya arammanesu yattha katthaci cittam samadahantassa cittaviveko, na sanganika-
ratassa. Samahitasseva vipassanaya kammam karontassa samathavipassananca yuganaddham
karontassa kilesanam khepanena upadhivivekadhigamo, na asamahitassa. Tena vuttam
"vivekamanubruhayanti kayavivekam cittavivekam upadhivivekanca anubruhayanto"ti. Evam
pana puttena vutte 1- mata "tenahi tata pabbaja"ti anujani. So bhagavantam
upasankamitva pabbajjam yaci. Tam sattha pabbajesi. Tam pabbajitva katapubbakiccam
kammatthanam gahetva arannam pavisantam bhikkhu ahamsu "avuso tvam sukhumalo
kim sakkhissasi aranne vasitun"ti. So tesampi tameva gatham vatva arannam
pavisitva bhavanam anuyunjanto na cirasseva chalabhinno ahosi. Tena vuttam
apadane 2-:-
"suvannavannam sambuddham ahutinam patiggaham
rathiyam patipajjantam nanapupphehi 3- pujayim.
Ekanavutito kappe yam pupphamabhipujayim
duggatim nabhijanami buddhapujayidam 4- phalam.
Kilesa jhapita mayham .pe. Katam buddhassa sasanan"ti.
Arahattam pana patva thero annam byakaronto tamyeva gatham abhasiti.
Lomasakangiyattheragathavannana nitthita.
@Footnote: 1 Si. evam pana vutte 2 khu.apa. 33/105/155 nagapupphiyattherapadana
@3 Si. nagapupphehi 4 Si. pupphapujayidam
The Pali Atthakatha in Roman Book 32 page 129-131.
http://84000.org/tipitaka/atthapali/read_rm.php?B=32&A=2920&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=2920&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=26&i=164
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5135
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5419
The Pali Tipitaka in Roman Character :-
http://84000.org/tipitaka/read/roman_read.php?B=26&A=5419
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]