|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
171. 4. Posiyattheragathavannana anasannavarati ayasmato posiyattherassa gatha. Ka uppatti? so kira purimabuddhesu katadhikaro tattha tattha vivattupanissayam bahum kusalam upacinitva sugatisueva samsaranto ito dvenavute 1- kappe tissassa bhagavato kale migaluddo hutva aranne vicarati. Atha bhagava tassa anuggaham katum arannam gantva tassa cakkhupathe attanam dassesi. So bhagavantam disva pasannacitto avudham nikkhipitva upasankamitva anjalim paggayha atthasi. Bhagava nisiditukamatam dassesi. So tavadeva tinamutthiyo gahetva same bhumibhage sakkaccam santharitva adasi. Nisidi tattha bhagava anukampam upadaya. Nisinne pana bhagavati anappakam pitisomanassam patisamvedento bhagavantam vanditva sayampi ekamantam nisidi. Atha bhagava "ettakam vattati imassa kusalabijan"ti utthayasana pakkami. Acirapakkante bhagavati tam siho migaraja ghatesi. So kalankato devaloke nibbatti. "so kira bhagavati anupagacchante 2- sihena ghatito niraye nibbattissati"ti tam disva bhagava sugatiyam nibbattanattham kusalabijaropanatthanca upasankami. So tattha yavatayukam thatva tato devalokato cavitva sugatisuyeva parivattento imasmim buddhuppade savatthiyam annatarassa mahavibhavassa setthino putto sangamajitattherassa kanitthabhata hutva nibbatti. Posiyotissa namam ahosi. So vayappatto darapariggaham katva ekam puttam labhitva antimabhavikataya dhammataya codiyamano jatiadim paticca uppannasamvego pabbajitva arannam pavisitva vupakattho hutva catusaccakammatthanabhavanam 3- anuyunjanto na cirasseva vipassanam @Footnote: 1 Si. catunavute 2 Si. anagacchante 3 Si. tacapancakakammatthanabhavanam--------------------------------------------------------------------------------------------- page150.
Ussukkapetva arahattam papuni. Tena vuttam apadane 1- :- "himavantassavidure lambako nama pabbato tattheva tisso sambuddho abbhokasamhi cankami. Migaluddo tada asim aranne kanane aham disvana tam 2- devadevam tinamutthimadasaham. Nisidanattham buddhassa datva cittam pasadayim sambuddham abhivadetva pakkamim uttaramukho. Aciram gatamattam mam 3- migaraja ahethayi 4- sihena pothito 5- santo tattha kalankato aham. Asanne me katam kammam buddhasetthe anasave sumutto saravegova devalokamagacchaham. Yupo tattha subho asi punnakammabhinimmito sahassakando satabhendu dhajalu haritamayo. Pabha niddhavate tassa sataramsiva uggato akinno devakannahi amodim kamakamiham. Devaloka cavitvana sukkamulena codito agantvana manussattam pattomhi asavakkhayam. Catunavute ito 6- kappe nisidanamadasaham duggatim nabhijanami tinamutthe idam phalam. Kilesa jhapita mayham .pe. katam buddhassa sasanan"ti. Arahattam pana patva bhagavantam vanditum savatthim agato natim 7- anukampaya @Footnote: 1 khu.apa. 33/111/163 tinamutthidayakattherapadana (sya) 2 pali. disvanaham 3 cha.Ma. @ gatamattassa 4 cha.Ma. apothayi 5 Si. patito 6 cha.Ma. catunnavutito 7 Si. natinam--------------------------------------------------------------------------------------------- page151.
Natigeham agamasi. Tattha nam puranadutiyika vanditva asanadanadina pathamam upasika viya vattam dassetva therassa ajjhasayam ajananti paccha itthikuttadihi palobhetukama ahosi. Thero "aho andhabala madisepi nama evam patipajjati"ti cintetva kinci avatva utthayasana arannameva gato. Tam arannaka bhikkhu "kim avuso atilahum nivattosi, 1- natakehi na ditthosi"ti pucchimsu. Thero tattha pavattim acikkhanto:- 2- "anasannavara eta niccameva vijanata gama arannamagamma tato geham upavisim tato utthaya pakkamim anamantetva posiyo"ti gatham abhasi. 2- [34] Tattha anasannavarati eta itthiyo na asanna anupagata, dureeva va thita hutva vara purisassa settha hitavaha, tanca kho niccameva sabbakalameva, na rattimeva, na divapi, na rahovelayapi. Vijanatati vijanantena. "anasannapara"tipi pali, so evattho. Ayam hettha adhippayo:- candahatthi- assamahimsasihabyagghayakkharakkhasapisacapi manussanam anupasankamanta vara settha, na anatthavaha, te pana upasankamanta ditthadhammikamyeva anattham kareyyum. Itthiyo pana upasankamitva ditthadhammikam samparayikam vimokkhanissitampi attham vinasetva mahantam anattham apadenti, tasma anasannavara eta niccameva vijanatati. Idani tamattham attupanayikam katva dassento "gama"tiadimaha. Tattha gamati gamam. Upayogatthe hi etam nissakkavacanam. Arannamagammati arannato agantva. Makaro padasandhikaro, nissakke cetam upayogavacanam. Tatoti mancakato. Anamantetvati analapitva puranadutiyikam "appamatta hohi"ti ettakampi avatva. @Footnote: 1 Si. anivattosi 2-2 cha.Ma. "anasannavara eta"ti gatham abhasi--------------------------------------------------------------------------------------------- page152.
Posiyoti attanameva param viya vadati. Ye pana "pakkamin"ti pathanti, tesam aham posiyo pakkaminti yojana. Ye pana "sa itthi theram gharam upagatam bhojetva palobhetukama jata, tam disva thero tavadeva gehato nikkhamitva viharam gantva attano vasanatthane mancake nisidi. Sapi kho itthi pacchabhattam alankatapatiyatta vihare therassa vasanatthanam upasankami. Tam disva thero kinci avatva 1- utthaya divatthanameva gato"ti vadanti, tesam "gama arannamagamma"ti gathapadassa attho yatharutavaseneva 2- niyyati. Viharo hi idha "arannan"ti adhippeto. Posiyattheragathavannana nitthita. --------------The Pali Atthakatha in Roman Book 32 page 149-152. http://84000.org/tipitaka/atthapali/read_rm.php?B=32&A=3342&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=3342&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=171 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5178 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5449 The Pali Tipitaka in Roman Character :- http://84000.org/tipitaka/read/roman_read.php?B=26&A=5449 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]