|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
170. 3. Sopakattheragathavannana yathapi ekaputtasminti ayasmato sopakattherassa gatha. Ka uppatti? so kira purimabuddhesu katadhikaro hutva tattha tattha bhave vivattupanissayam kusalam upacinanto kakusandhassa bhagavato kale annatarassa kutumbikassa putto hutva nibbatto ekadivasam sattharam disva pasannacitto bijapuraphalani satthu upanesi. Patiggahesi bhagava anukampam upadaya. So bhikkhusamghe ca abhippasanno salakabhattam patthapetva samghuddesavasena tinnam bhikkhunam yavatayukam khirabhattam adasi. So tehi punnakammehi aparaparam devamanussesu sampattim 1- anubhavanto ekada manussayoniyam nibbatto ekassa paccekabuddhassa khirabhattam adasi. Evam tattha tattha punnani katva sugatisueva paribbhamanto 2- imasmim buddhuppade purimakammanissandena savatthiyam annataraya duggatitthiya kucchimhi patisandhim ganhi. Tassa mata dasa mase kucchina pariharitva paripakke gabbhe vijayanakale vijayitum asakkonti muccham apajjitva bahuvelam mata viya nipajji. Tam nataka "mata"ti sannaya susanam netva citakam aropetva devatanubhavena 3- vatavutthiya utthitaya aggim adatva pakkamimsu. Darako pacchimabhavikatta devatanubhavena matukucchito arogo nikkhami. Mata pana kalamakasi. Devata tam gahetva manussarupena susanagopakassa gehe thapetva katipayakalam patirupena aharena posesi. Tato param susanagopako ca nam attano puttam katva vaddheti. So tatha vaddhento tassa puttena supiyena nama darakena saddhim kilanto vicarati. Tassa susane jatasamvaddhabhavato sopakoti samanna ahosi. @Footnote: 1 Si. sampattiyo 2 Si. samsaranto 3 Ma. devatadhiggahitena--------------------------------------------------------------------------------------------- page147.
Athekadivasam sattavassikam tam bhagava paccusavelaya nanajalam pattharitva veneyyabandhave oloketva 1- nanajalantogadham disva susanatthanam agamasi. Darako pubbahetuna codiyamano pasannamanaso sattharam upasankamitva vanditva atthasi. Sattha tassa dhammam kathesi. So dhammam sutva pabbajjam yacitva "pitara anunnatosi"ti vutto pitaram satthu santikam nesi. 2- Tassa pita sattharam upasankamitva vanditva "bhante imam darakam pabbajetha"ti anujani. Sattha tam pabbajetva mettabhavanaya niyojesi. So mettakammatthanam gahetva susane viharanto na cirasseva mettajhanam nibbattetva jhanam padakam katva vipassanam vaddhetva arahattam sacchakasi. Tena vuttam apadane 3- :- "kakusandho mahaviro sabbadhammana paragu ganamha vupakattho so agamasi vanantaram. Bijaminjam 4- gahetvana lataya avunim 5- aham bhagava tamhi samaye jhayate pabbatantare. Disvanaham devadevam vippasannena cetasa dakkhineyyassa virassa 6- bijaminjamadasaham. 7- Imasmimyeva kappamhi yam minjamadadim tada duggatim nabhijanami bijaminjassidam 8- phalam. Kilesa jhapita mayham .pe. Katam buddhassa sasanan"ti. Araha hutva pana annesam sosanikabhikkhunam mettabhavanavidhim 9- dassento:- @Footnote: 1 Si. olokento 2 Si. anesi 3 khu.apa. 33/31/56 vibhedakabijiyattherapadana (sya) @4 pali. vijavijam 5 pali. acarim 6 Ma. dhirassa 7 Si.Ma. bijapuramadasaham, @ pali. vijavijamadasaham 8 Si. bijapujayidam 9 Si. mettabhavanayavithim--------------------------------------------------------------------------------------------- page148.
1- "yathapi ekaputtasmim piyasmim kusali siya evam sabbesu panesu sabbattha kusalo siya"ti gatham abhasi. 1- [33] Tattha yathati opammatthe nipato. Ekaputtasminti punati ca kulavamsam tayati cati 2- putto, atrajadibhedo putto. Eko putto ekaputto, tasmim ekaputtasmim. Visaye cetam bhummavacanam. Piyasminti piyayitabbataya ceva ekaputtataya ca rupasilacaradihi ca pemakaranatthanabhute. Kusaliti kusalam vuccati khemam sotthibhavo, tam labhitabbam etassa atthiti kusali, sattanam hitesi mettajjhasayo. Sabbesu panesuti sabbesu sattesu. Sabbatthati sabbasu disasu, sabbesu va bhavadisu, sabbasu va avatthasu. Idam vuttam hoti:- yatha ekaputtake 3- piye manape matapita kusali ekantahitesi bhaveyya, evam puratthimadibhedasu sabbasu disasu, kamabhavadibhedesu sabbesu 4- bhavesu daharadibhedasu sabbasu avatthasu ca 5- thitesu sabbesu sattesu ekantahitesitaya kusali bhaveyya, "mitto udasino 6- paccatthiko"ti simam akatva simasambhedavasena sabbattha ekarasam mettam bhaveyyati. Imam pana gatham vatva "sace 7- tumhe ayasmanto evam mettabhavanam anuyunjeyyatha, ye te bhagavata `sukham supati'tiadina 8- ekadasa mettanisamsa vutta, ekamsena tesam bhagino bhavatha"ti ovadamadasi. Sopakattheragathavannana nitthita. -------------- @Footnote: 1-1 cha.Ma. "yathapi ekaputtasmin"ti gatham abhasi 2 Si.,Ma. punati kulavamsam @ tayatiti va 3 Si. ekaputte 4 Si. sabbesu va 5 Si. avatthasupi @6 Si. mitto udahu no 7 Ma. sabbe 8 an.ekadasaka. 24/15/284 mettasuttaThe Pali Atthakatha in Roman Book 32 page 146-148. http://84000.org/tipitaka/atthapali/read_rm.php?B=32&A=3277&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=3277&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=170 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5174 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5446 The Pali Tipitaka in Roman Character :- http://84000.org/tipitaka/read/roman_read.php?B=26&A=5446 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]