AtthaPali Vol.32

201. 4. Vimalakondannattheragathavannana dumavhayaya uppannoti ayasmato ^2- vimalakondannattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam @Footnote: ¹ Si. jhanabhavanikantivasena ² cha.Ma. ayam patho na dissati

--------------------------------------------------------------------------------------------- page226.

Upacinanto ito ekanavute kappe vipassissa bhagavato kale vibhavasampanne kule nibbattitva vinnutam patto ekadivasam vipassi bhagavantam mahatiya parisaya parivutam dhammam desentam disva pasannamanaso catuhi suvannapupphehi pujesi. Bhagava tassa pasadavaddhanattham ^1- tatharupam iddhabhisankharam abhisankharesi, yatha suvannabha sakalam tam padesam ottharati. ^2- Tam disva bhiyyoso mattaya pasannamanaso hutva bhagavantam vanditva tam nimittam katva ^3- attano geham gantva buddharammanam pitim avijahanto kenaci vatena ^4- kalam katva tusitesu upapanno aparaparam punnani katva deva- manussesu samsaranto imasmim buddhuppade rajanam bimbisaram paticca ambapaliya kucchimhi patisandhim ganhi. Raja hi bimbisaro tarunakale ambapaliya rupasampattim sutva sanjatabhilaso katipayamanussaparivaro annatakavesena vesalim gantva ekarattim taya samvasam kappesi. Tada ayam tassa kucchimhi patisandhim aggahesi. Sa ca gabbhassa patitthitabhavam tassa arocesi. Rajapi attanam janapetva databbayuttakam datva pakkami. Sa gabbhassa paripakamanvaya puttam vijayi, "vimalo"tissa namam ahosi, paccha vimalakondannoti pannayittha. So vayappatto bhagavato vesaligamane buddhanubhavam disva pasannamanaso pabbajitva katapubbakicco vipassanam patthapetva na cirasseva arahattam papuni. Tena vuttam apadane ^5- :- "vipassi nama bhagava lokajettho narasabho nisinno janakayassa desesi amatam padam. Tassaham dhammam sutvana dipadindassa ^6- tadino sonnapupphani cattari buddhassa abhiropayim. Suvannacchadanam asi yavata parisa tada @Footnote: ¹ cha.Ma. pasadasamvaddhanattham ² Ma. tam parisam otthari ³ cha.Ma. gahetva ⁴ cha.Ma. rogena @⁵ khu.apa. 32/40/206 suvannapupphiyattherapadana ⁶ cha.Ma. dvipadindassa

--------------------------------------------------------------------------------------------- page227.

Buddhabha ca suvannabha aloko vipulo ahu. Udaggacitto sumano vedajato katanjali pitisanjanano tesam ^1- ditthadhammasukhavaho. Ayacitvana sambuddham vanditvana ca subbatam pamojjam janayitvana sakam bhavanupagamim. Bhavane upavitthoham buddhasettham anussarim tena cittappasadena tusitam upapajjaham. Ekanavutito kappe yam pupphamabhiropayim duggatim nabhijanami buddhapujayidam ^2- phalam. Solasasimsu rajano nemisammatanamaka tetalise ito kappe cakkavatti mahabbala. Kilesa jhapita mayham .pe. katam buddhassa sasanan"ti. Arahattam pana patva annapadesena annam byakaronto:- ^3- "dumavhayaya uppanno jato pandaraketuna ketuha ketunayeva mahaketum padhamsayi"ti gatham abhasi. ^3- [64] Tattha dumavhayayati dumena ambena vhatabbaya, ambapaliyati attho. Adhare cetam bhummavacanam. Uppannoti tassa kucchiyam uppanno uppajjamano ca. Jato pandaraketunati dhavalavatthadhajatta ^4- "pandaraketu"ti pannatena bimbisara- ranna hetubhutena jato, tam paticca nibbattoti attho. Uppannoti va pathamabhinibbattidassanam. Tato hi jatoti abhijatidassanam. Vijayanakalato patthaya @Footnote: ¹ cha.Ma. vittisanjanano tesam, Si. pitisamjanano ceva ² Si. pupphapujayidam @^3-3 cha.Ma. "dumavhayaya"ti gatham abhasi ⁴ Si. dhavaladhajatta

--------------------------------------------------------------------------------------------- page228.

Hi loke jatavoharo. Ettha ca "dumavhayaya uppanno"ti imina attukkamsanabhavam apaneti, anekapatiputtanampi visesadhigamasabhavanca ^1- dipeti. "jato pandaraketuna"ti imina vinnatapitikadassanena paravambhanam apaneti. Ketuhati manappahayi. Mano hi unnatilakkhanatta ketu viyati ketu. Tatha hi so "ketukamyatapaccupatthano"ti vuccati. Ketunayevati pannayaeva. Panna hi anavajjadhammesu accuggatatthena marasenappamaddanena pubbangamatthena ca ariyanam dhaja nama. Tenaha "dhammo hi isinam dhajo"ti. ^2- Mahaketum padhamsayiti mahavisayataya mahanta, seyyamanajatimanadibhedato bahavo ca manappakara, itare ca kilesadhamma samussitatthena ketu etassati mahaketu, maro papima. Tam balavidhamana ^3- visayatikkamanavasena abhibhavi nibbisevanam akasiti. "mahaketum padhamsayi"ti attanam param viya dassento annapadesena arahattam byakasi. Vimalakondannattheragathavannana nitthita. ---------------

The Pali Atthakatha in Roman Book 32 page 225-228. http://84000.org/tipitaka/atthapali/read_rm.php?B=32&A=5039&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5039&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=201 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5349 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5583 The Pali Tipitaka in Roman Character :- http://84000.org/tipitaka/read/roman_read.php?B=26&A=5583 Contents of The Tipitaka Volume 26 http://84000.org/tipitaka/read/?index_26