AtthaPali Vol.32

202. 5. Ukkhepakatavacchattheragathavannana ukkhepakatavacchassati ayasmato ukkhepakatavacchattherassa gatha. Ka uppatti? sopi kira purimabuddhesu katadhikaro tattha tattha bhave vivattupanissayam punnam upacinanto ito catunavute kappe siddhatthassa bhagavato kale kulagehe nibbattitva vinnutam patto sattharam uddissa malam ^4- karontassa puttassa ^5- ekatthambham alabhantassa @Footnote: ¹ cha.Ma....sambhavanca, Ma....sambhavanca ² sam.nidana. 16/241/266 visakhasutta, @an.catukka. 21/48/58 visakhasutta, khu.ja.asiti. 28/393/152 mahasutasomajataka (sya) @³ Si. balam viddhamsana.. ⁴ Si. salam. evamuparipi ⁵ cha.Ma. pugassa, Si. ekassa pugassa

--------------------------------------------------------------------------------------------- page229.

Thambham datva sahayakiccam akasi. So tena punnakammena devaloke nibbattitva aparaparam punnani katva devamanussesu samsaranto imasmim buddhuppade savatthiyam annatarassa brahmanassa putto hutva nibbatti, vacchotissa gottato agatanamam. So satthu santike dhammam sutva patiladdhasaddho pabbajitva kosalaratthe gamakavase vasanto agatagatanam bhikkhunam santike dhammam pariyapunati. "ayam vinayo idam suttantam ayam abhidhammo"ti pana paricchedam na janati. Athekadivasam ayasmantam dhammasenapatim pucchitva yathaparicchedam sabbam sallakkhesi. Dhammasangitiya pubbepi pitakadisamanna pariyattisaddhamme vavatthitaeva, yato bhikkhunam vinayadharadivoharo. So tepitakam buddhavacanam ugganhanto paripucchanto tattha vutte ruparupadhamme sallakkhetva vipassanam patthapetva sammasanto na cirasseva arahattam papuni. Tena vuttam apadane ^1- :- "siddhatthassa bhagavato mahapugagano ahu saranam gata ca te buddham saddahanti tathagatam. Sabbe sangamma mantetva malam kubbanti satthuno ekatthambham alabhanta vicinanti brahavane. Teham aranne disvana upagamma ganam tada anjalim paggahetvana paripucchim ganam aham. Te me puttha viyakamsu silavanto upasaka malam mayam kattukama ekatthambho na labbhati. Ekatthammam mamam detha aham dassami satthuno aharissamaham thambham appossukka bhavantu te. Te me thambham pavecchimsu pasanna tutthamanasa @Footnote: ¹ khu.apa. 32/13/79 ekatthambhikattherapadana

--------------------------------------------------------------------------------------------- page230.

Tato patinivattitva agamamsu sakam gharam. Aciram gate pugagane thambham adasaham ^1- tada hattho hatthena cittena pathamam ussapesaham. ^2- Tena cittappasadena vimanam upapajjaham ubbiddham bhavanam mayham sattabhumam samuggatam. Vajjamanasu bherisu paricaremaham sada pancapannasakappamhi raja asim yasodharo. Tatthapi bhavanam mayham sattabhumam samuggatam. Kutagaravarupetam ekatthambham manoramam. Ekavisatikappamhi udeno nama khattiyo tatrapi bhavanam mayham sattabhumam samuggatam. Yam yam yonupapajjami devattam atha manusam anubhomi sabbametam ^3- ekatthambhassidam phalam. Catunnavutito kappe yam thambhamadadam tada duggatim nabhijanami ekatthambhassidam phalam. Kilesa jhapita mayham .pe. katam buddhassa sasanan"ti. Arahattam pana patva katakiccatta akilasubhave thito attano santikam upagatanam gahatthapabbajitanam anukampam upadaya tepitakam buddhavacanam vimamsitva dhammam desesi. Desento ca ekadivasam attanam param viya katva dassento:- [65] "ukkhepakatavacchassa sankalitam bahuhi vassehi tam bhasati gahatthanam sunisinno ularapamojjo"ti gatham abhasi. @Footnote: ¹ cha.Ma. ahasaham ² Si. upapesaham, Ma. ussapemaham ³ cha.Ma. sukham sabbam

--------------------------------------------------------------------------------------------- page231.

Tattha ukkhepakatavacchassati kataukkhepavacchassa, bhikkhuno santike visum visum uggahitam vinayapadesam suttapadesam abhidhammapadesanca yathaparicchedam vinayasuttabhidhammanamyeva uparikhipitva ^1- sajjhayanavasena tattha tattheva pakkhipitva ^2- thitavacchenati attho. Karanatthe hi imam samivacanam. Sankalitam bahuhi vassehiti bahukehi samvaccharehi sampindanavasena hadaye thapitam. "sankhalitan"tipi ^3- patho, sankhalitam ^4- viya katam ekabaddhavasena vacuggatam katam. Yam buddhavacananti vacanaseso. Tanti tam pariyattidhammam bhasati katheti. Gahatathananti tesam yebhuyyataya vuttam. Sunisinnoti tasmim dhamme samma niccalo nisinno, labhasakkaradim ^5- apaccasisanto kevalam vimuttayatanasiseyeva thatva kathetiti attho. Tenaha "ularapamojjo"ti phalasamapattisukhavasena dhammadesanavaseneva ca uppannaularapamojjoti. Vuttam hetam:- "yatha yathavuso bhikkhu yathasutam yathapariyattam dhammam vittharena paresam deseti. Tatha tatha so tasmim dhamme labhati atthavedam, labhati dhammavedam, labhati dhammupasamhitam pamojjan"tiadi. ^6- Ukkhepakatavacchattheragathavannana nitthita. --------------

The Pali Atthakatha in Roman Book 32 page 228-231. http://84000.org/tipitaka/atthapali/read_rm.php?B=32&A=5103&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5103&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=202 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5354 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5587 The Pali Tipitaka in Roman Character :- http://84000.org/tipitaka/read/roman_read.php?B=26&A=5587 Contents of The Tipitaka Volume 26 http://84000.org/tipitaka/read/?index_26