|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
212. 5. Susaradattheragathavannana sadhu suvihitana dassananti ayasmato susaradattherassa gatha. Ka uppatti? so kira padumuttarassa bhagavato kale brahmanakule nibbattitva vijjapadesu nipphattim gantva kamesu adinavam disva gharavasam pahaya tapasapabbajjam pabbajitva himavantappadese arannayatane assamam karetva vihasi. Atha nam anugganhanto padumuttaro bhagava bhikkhacaravelayam upasankami. So duratova disva pasannamanaso paccuggantva pattam gahetva madhurani phalani pakkhipitva adasi. Bhagava tam patiggahetva anumodanam katva 1- pakkami. So tena punnakammena deva- manussesu samsaranto imasmim buddhupapade dhammasenapatino natibrahmanakule nibbattitva mandapannatta susaradoti gahitanamo aparabhage dhammasenapatissa santike dhammam sutva patiladdhasaddho pabbajitva vipassanam vaddhetva arahattam papuni. Tena vuttam apadane 2- :- "ajjhayako mantadharo tinnam vedana paragu himavantassavidure vasami assame aham. Aggihuttanca me atthi pundarikaphalani ca putake nikkhipitvana dumagge laggitam maya. Padumuttaro lokavidu ahutinam patiggaho mamuddharitukamo so bhikkhanto mamupagami. Pasannacitto sumano phalam buddhassadasaham vittisanjanano mayham ditthadhammasukhavaho. @Footnote: 1 Si. vatva 2 khu.apa. 32/75/219 phaladayakattherapadana--------------------------------------------------------------------------------------------- page260.
Suvannavanno sambuddho ahutinam patiggaho antalikkhe thito sattha imam gatham abhasatha. Imina phaladanena cetanapanidhihi ca kappanam satasahassam duggatim nupapajjasi. 1- Teneva sukkamulena anubhotvana sampada pattomhi acalam thanam hitva jayaparajayam. Ito sattasate kappe 2- raja asim sumangalo sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva sappurisupanissayanisamsakittanapadesena annam byakaronto:- [75] "sadhu suvihitana dassanam kankha chijjati buddhi vaddhati balampi karonti panditam tasma sadhu satam samagamo"ti gatham abhasi. Tattha sadhuti sundaram, bhaddakanti attho. Suvihitana dassananti suvihitanam dassanam. Gathasukhattham anusvaralopo 3- kato. Siladigunehi susamvihitattabhavanam paranuddayaya sutthu vihitadhammadesananam ariyanam dassanam sadhuti yojana. "dassanan"ti nidassanamattam datthabbam savanadinampi bahukaratta. Vuttam hetam bhagavata:- "ye te bhikkhu silasampanna samadhisampanna pannasampanna vimuttisampanna vimuttinanadassanasampanna ovadaka vinnapaka sandassaka samadapaka samuttejaka sampahamsaka alamsamakkhataro saddhammassa, @Footnote: 1 Si. nupapajjati 2 Si. sattakappasate 3 Si. anussaralopo--------------------------------------------------------------------------------------------- page261.
Dassanampaham bhikkhave tesam bhikkhunam bahupakaram 1- vadami, savanam. Upasankamanam. Payirupasanam. Anussaranam. Anupabbajjampaham bhikkhave tesam bhikkhunam bahupakaram vadami"ti. 2- Dassanamulakatta va itaresam dassanamevettha vuttam, kankha chijjatitiadi tattha 3- karanavacanam. Tadisanam hi kalyanamittanam dassane sati vinnujatiko atthakamo kulaputto te upasankamati payirupasati, "kim bhante kusalam, kim akusalan"tiadina 4- panham pucchati, te cassa anekavihitesu kankhatthaniyesu kankham pativinodenti, tena vuttam "kankha chijjati"ti. Yasma ca te dhammadesanaya tesam kankham pativinodetva pubbabhage kammapathasammaditthim vipassanasammaditthim ca uppadenti, tasma tesam buddhi vaddhati. Yada pana te vipassanam vaddhetva saccani pativijjhanti, tada solasavatthuka atthavatthuka ca vicikiccha chijjati samucchijjati, nippariyayena panna buddhi vaddhati. Balyasamatikkamanato te pandita honti. So tehi buddhim vaddheti, balampi karonti panditanti. Tasmatiadi nigamanam, yasma sadhunam dassanam vuttanayena kankha chijjati buddhi vaddhati, te balam panditam karonti, tasma tena karanena sadhu sundaram satam sappurisanam ariyanam samagamo, tehi samodhanam samma vaddhananti attho. Susaradattheragathavannana nitthita. -------------The Pali Atthakatha in Roman Book 32 page 259-261. http://84000.org/tipitaka/atthapali/read_rm.php?B=32&A=5783&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5783&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=212 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5412 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5635 The Pali Tipitaka in Roman Character :- http://84000.org/tipitaka/read/roman_read.php?B=26&A=5635 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]