บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
215. 8. Mendasirattheragathavannana anekajatisamsaranti ayasmato mendasirattherassa gatha. Ka uppatti? sopi kira purimabuddhesu katadhikaro tattha tattha bhave vivattupanissayani punnani karonto ito ekanavute kappe brahmanakule nibbattitva vayappatto kame 1- pahaya isipabbajjam pabbajitva mahata isiganena saddhim himavante vasanto sattharam disva pasannamanaso isiganena padumani aharapetva satthu pupphapujam 2- katva savake appamadapatipattiyam ovaditva kalam katva devaloke nibbatto aparaparam samsaranto imasmim buddhuppade sakete gahapatikule nibbatti, tassa mendasarikkhasisataya mendasirotveva samanna ahosi. So bhagavati sakete anjanavane viharante sattharam upasankamitva patiladdhasaddho pabbajitva samathavipassanasu kammam karonto chalabhinno ahosi. Tena vuttam apadane 3- :- "himavantassavidure gotamo nama pabbato nanarukkhehi sanchanno mahabhutaganalayo. Vemajjhamhi ca tassasi assamo abhinimmito purakkhato sasissehi vasami assame aham. Ayantu me sissagana padumam aharantu me buddhapujam karissami dipadindassa tadino. Evanti te patissutva padumam aharimsu me tatha nimittam katvaham buddhassa abhiropayim. Sisse tada samanetva sadhukam anusasaham evam kho tumhe pamajjittha appamado sukhavaho. @Footnote: 1 Si. gharavasam 2 Ma. buddhapujam 3 kha.apa. 32/97/222 padumapujakattherapadana--------------------------------------------------------------------------------------------- page267.
Evam samanusasitva te sisse vacanakkhame appamadagune yutto tada kalankato aham. Ekanavutito kappe yam pupphamabhiropayim duggatim nabhijanami buddhapujayidam phalam. Ekapannasakappamhi raja asim jaluttamo sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. So attano pubbenivasam anussaranto:- [78] "anekajatisamsaram sandhavissam anibbisam tassa me dukkhajatassa dukkhakkhandho aparaddho"ti gatham abhasi. Tattha anekajatisamsaranti anekajatisatasahassasankhyam idam samsaravattam, addhuno adhippetatta accantasamyogekavacanam. Sandhavissanti samsarim, aparaparam cavanuppajjana- vasena paribbhamim. Anibbisanti tassa nivattakananam avindanto alabhanto. Tassa meti evam samsarantassa me. Dukkhajatassati jatiadivasena uppannadukkhassa, tissannam va dukkhatanam 1- vasena dukkhasabhavassa. Dukkhakkhandhoti kammakilesavipakavattappakaro 2- dukkharasi. Aparaddhoti arahattamaggappattito patthaya paribbhattho cuto na abhinibbattissati. 3- "aparattho"ti va patho, apagatasamiddhito 4- samucchinnakaranatta apagatoti attho. Idameva ca therassa annabyakaranam ahosi. Mendasirattheragathavannana nitthita. @Footnote: 1 Si. dukkhajatinam 2 Si. kammakilesavipakavasena vuttappakaro @3 Si. na dani pavattissati 4 Si. apavattisamsiddhitoThe Pali Atthakatha in Roman Book 32 page 266-267. http://84000.org/tipitaka/atthapali/read_rm.php?B=32&A=5941&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5941&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=215 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5428 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5647 The Pali Tipitaka in Roman Character :- http://84000.org/tipitaka/read/roman_read.php?B=26&A=5647 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]