AtthaPali Vol.32

10. Dasamavagga 228. 1. Paripunnakattheragathavannana na tatha matam satarasanti ayasmato paripunnakattherassa gatha. Ka uppatti? ayampi purimabuddhesu katadhikaro dhammadassissa bhagavato kale kulagehe nibbattitva vinnutam patto satthari parinibbute satthu cetiye pupphadihi ularam pujam akasi. So tena punnakammena devesu nibbattitva aparaparam punnani katva sugatisuyeva samsaranto imasmim buddhuppade kapilavatthusmim sakyarajakule nibbattitva vinnutam patto paripunnavibhavataya paripunnakoti pannayittha. So vibhavasampannataya sabbakalam satarasam nama aharam paribhunjanto satthu missakahara- paribhogam sutva "tava sukhumalopi bhagava nibbanasukham apekkhitva yatha tatha yapeti, kasma mayam aharagiddha hutva aharasuddhika bhavissama, nibbanasukhameva pana amhehi pariyesitabban"ti samsare jatasamvego gharavasam pahaya satthu santike pabbajitva bhagavata kayagatasatikammatthane niyojito tattha patitthaya patiladdhajhanam padakam katva vipassanaya kammam karonto vipassanam vaddhetva arahattam papuni. Tena vuttam apadane ^1- :- "nibbute lokanathamhi dhammadassinarasabhe aropesim dhajatthambham buddhasetthassa cetiye. Nissenim mapayitvana thupasettham samaruhim jatipuppham gahetvana thupamhi abhiropayim. @Footnote: ¹ khu.apa. 32/5/233 thambharopakattherapadana Aho buddho aho dhammo aho no satthu sampada duggatim nabhijanami thupapujayidam phalam. Catunnavutito kappe thupasikhasanamaka solasasimsu rajano cakkavatti mahabbala. Kilesa jhapita mayham .pe. katam buddhassa sasanan"ti. Arahattam pana patva dhammagaravabahumanena ^1- pitivegavissattham udanam udanento:- [91] ^2- "na tatha matam satarasam sudhannam yam mayajja paribhuttam aparimitadassina gotamena buddhena sudesito dhammo"ti gatham abhasi. ^2- Tattha na tatha matam satarasam, sudhannam yam mayajja paribhuttanti tathati tena pakarena. Matanti ^3- abhimatam. Satarasanti satarasabhojanam, ^4- "satarasabhojanam nama sata- pakasappiadihi abhisankhatam bhojanan"ti vadanti. Athava anekattho satasaddo "sataso sahassaso"tiadisu viya. Tasma yam bhojanam anekasupam anekabyanjanam, tam anekarasataya "satarasan"ti vuccati, nanarasabhojananti attho. Sudhaeva annam sudhabhojanam devanam aharo. Yam mayajja paribhuttanti yam maya ajja anubhuttam. "yam maya paribhuttan"ti ca idam "satarasam sudhannan"ti etthapi yojetabbam. Idam vuttam hoti:- yam maya ajja etarahi nirodhasamapattisamapajjanavasena phalasamapattisamapajjanavasena ca accantameva santam panitam nibbanasukham paribhunjiyamanam, tam yatha matam abhimatam sambhavitam, tatha rajakale maya paribhuttam satarasabhojanam devattabhave paribhuttam sudhannam ca ^5- na matam nabhimatam. Kasma? idam hi ariyehi sevitam ^6- niramisam kilesanam avatthubhutam, @Footnote: ¹ cha.Ma. dhamme garavabahumanena ^2-2 cha.Ma. "na tatha matam satarasan"ti gatham abhasi @³ Si. amatanti ⁴ Si. ayam patho na dissati ⁵ Ma. sudhannamva ⁶ cha.Ma. ariyanisevitam Tam pana puthujjanasevitam samisam kilesanam vatthubhutam, tam imassa sankhampi kalampi kalabhagampi na upetiti. Idani "yam mayajja paribhuttan"ti vuttadhammam desento aparimitadassina gotamena, buddhena sudesito dhammo"ti aha. Tassattho:- aparimitam aparicchinnam uppadavayabhavato santam asankhatadhatum sayambhunanena passi, aparimitassa anantaparimeyyassa neyyassa dassaviti tena aparimitadassina gotamagottena samma- sambuddhena "khayam viragam amatam panitan"ti ca ^1- "madanimmadano pipasavinayo" ^2- "sabbasankharasamatho"ti ^3- ca adina sutthu desito dhammo, nibbanam maya ajja paribhuttanti yojana. Paripunnakattheragathavannana nitthita. ------------

The Pali Atthakatha in Roman Book 32 page 296-298. http://84000.org/tipitaka/atthapali/read_rm.php?B=32&A=6578&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=6578&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=228 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5508 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5703 The Pali Tipitaka in Roman Character :- http://84000.org/tipitaka/read/roman_read.php?B=26&A=5703 Contents of The Tipitaka Volume 26 http://84000.org/tipitaka/read/?index_26