AtthaPali Vol.33

338. 4. Sumanattheragathavannana yam patthayamanotiadika ayasmato sumanattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto @Footnote: ¹ khu.ja.27/75/24 macchajataka, khu.cariya. 33/30/590 maccharajacariya (sya) @² an. catukka 21/101/116 pathamavalahakasutta, abhi.pu. 36/157/153 @catukkapuggalapannatti

--------------------------------------------------------------------------------------------- page53.

Ito pancanavute kappe buddhasunne loke kulagehe nibbattitva vinnutam patto ekam paccekabuddham byadhitam disva haritakam adasi. So tena punnakammena deva- manussesu samsaranto imasmim buddhuppade kosalaratthe gahapatikule nibbattitva sumanoti laddhanamo sukhena vaddhi. Tassa pana matulo pabbajitva araha hutva aranne viharanto sumane vayappatte tam pabbajetva caritanukulam kammatthanam adasi. So tattha yogakammam karonto cattari jhanani panca ca abhinnayo nibbattesi. Athassa thero vipassanavidhim acikkhi, so ca na cireneva vipassanam vaddhetva arahatte patitthasi. Tena vuttam apadane 1-:- "haritakam amalakam ambajambuvibhitakam kolam bhallatakam billam sayameva haramaham. Disvana pabbharagatam jhayim jhanaratam munim abadhena apilentam addhaniyam ^2- mahamunim. Haritakam gahetvana sayambhussa adasaham khadamattamhi bhesajje byadhi passambhi tavade. Pahinadaratho buddho anumodamakasi me bhesajjadanenimina byadhivupasamena ca. Devabhuto manusso va jato va annajatiya sabbattha sukhito hotu ma ca te byadhimagama. Idam vatvana sambuddho sayambhu aparajito nabham abbhuggami dhiro hamsarajava ambare. Yato haritakam dinnam sayambhussa mahesino imam jatim upadaya byadhi me nupapajjatha. @Footnote: ¹ khu.apa. 33/28/51 haritakidayakattherapadana (sya) ² cha.Ma. adutiyam

--------------------------------------------------------------------------------------------- page54.

Ayam pacchimako mayham carimo vattate bhavo tisso vijja sacchikata katam buddhassa sasanam. Catunnavutito kappe bhesajjamadadim tada duggatim nabhijanami bhesajjassa idam phalam. Kilesa jhapita mayham .pe. Katam buddhassa sasanan"ti arahatte pana patitthito ekadivasam matulattherassa upatthanam agamasi. Tam thero adhigamam pucchi, tam byakaronto:- [330] "yam patthayamano dhammesu upajjhayo anuggahi amatam abhikankhantam katam kattabbakam maya. [331] Anuppatto sacchikato sayam dhammo anitiho visuddhanano nikkankho byakaromi tavantike. [332] Pubbenivasam janami dibbacakkhu visodhitam sadattho me anuppatto katam buddhassa sasanam. [333] Appamattassa me sikkha sussuta tava sasane sabbe me asava khina natthi dani punabbhavo. [334] Anusasi mam ariyavata anukampi anuggahi amogho tuyhamovado antevasimhi sikkhito"ti imahi pancahi gathahi sihanadam nadanto annam byakasi. Tattha yam patthayamano dhammesu, upajjhayo anuggahi. Amatam abhikankhantanti samathavipassanadisu anavajjadhammesu yam dhammam mayham patthayanto akankhanto upajjhayo amatam nibbanam abhikankhantam mam ovadadanavasena anugganhi. Katam kattabbakam mayati tassa adhigamattham kattabbam parinnadisolasavidham kiccam katam nitthapitam maya.

--------------------------------------------------------------------------------------------- page55.

Tatoeva anuppatto adhigato catubbidhopi maggadhammo sacchikato. Sayam dhammo anitihoti sayam attanayeva nibbanadhammo phaladhammo ca anitiho asandiddho atta- paccakkho kato, "itiha, iti kira"ti pavattiya itihasankhatam samsayam samucchindantoyeva ariyamaggo pavattati. Tenaha "visuddhanano nikkankho"tiadi. Tattha visuddhananoti sabbasankilesavisuddhiya visuddhanano. Tavantiketi tava samipe. Sadatthoti arahattam. Sikkhati adhisilasikkhadayo. Sussutati pariyatti- bahusaccassa pativedhabahusaccassa ca paripurivasena sutthu suta. Tava sasaneti tava ovade anusitthiyam thitassa. Ariyavatati suvisuddhasiladivatasamadanena. Antevasimhi sikkhitoti tuyham samipe cinnabrahmacariyavasataya antevasi sikkhitva sikkhitaadhisiladisikkho amhiti. Sumanattheragathavannana nitthita. ------------

The Pali Atthakatha in Roman Book 33 page 52-55. http://84000.org/tipitaka/atthapali/read_rm.php?B=33&A=1195&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=1195&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=338 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6372 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6491 The Pali Tipitaka in Roman Character :- http://84000.org/tipitaka/read/roman_read.php?B=26&A=6491 Contents of The Tipitaka Volume 26 http://84000.org/tipitaka/read/?index_26