AtthaPali Vol.34

440. 2. Vimalatherigathavannana matta vannena rupenatiadika vimalaya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinitva imasmim buddhuppade vesaliyam annataraya rupupajiviniya itthiya dhita hutva nibbatti, vimalatissa namam ahosi. Sa vayappatta tatheva jivitam ^2- kappenti @Footnote: ¹ Si.,i. anguliphothanamattampi ² Ma. ducintitam

--------------------------------------------------------------------------------------------- page99.

Ekadivasam ayasmantam mahamoggallanam vesaliyam pindaya carantam disva patibaddha- citta hutva therassa vasanatthanam gantva theram uddissa palobhanakammam katum arabhi. "titthiyehi uyyojita tatha akasi"ti keci vadanti. Thero tassa asubhavibhavanamukhena ^1- santajjanam katva ovadamadasi. Tam hettha theragathaya ^2- agatameva, tatha pana therena ovade dinne sa samvegajata hirottappam paccupatthapetva sasane patiladdhasaddha upasika hutva aparabhage bhikkhunisu pabbajitva ghatenti vayamanti hetusampannataya nacirasseva arahattam patva attano patipattim paccavekkhitva udana- vasena:- [72] "matta vannena rupena sobhaggena yasena ca yobbanena cupatthaddha annasamatimanniham. [73] Vibhusitva imam kayam sucittam balalapanam atthasim vesidvaramhi luddo pasamivoddiya. [74] Pilandhanam vidassenti ^3- guyham pakasikam bahum akasim vividham mayam ujjhagghanti bahum janam. [75] Sajja pindam caritvana munda sanghatiparuta nisinna rukkhamulamhi avitakkassa labhini. [76] Sabbe yoga samucchinna ye dibba ye ca manasa khepetva asave sabbe sitibhutamhi nibbuta"ti ima gatha abhasi. Tattha matta vannena rupenati gunavannena ceva rupasampattiya ca. Sobhaggenati subhagabhavena. Yasenati parivarasampattiya. Matta vannamadarupamada- sobhaggamadaparivaramadavasena madam apannati attho. Yobbanena cupatthaddhati @Footnote: ¹ Si. sarirasabhavavibhavana... ² Si. therakathaya ³ cha.Ma. vidamsenti

--------------------------------------------------------------------------------------------- page100.

Yobbanamadena uparupari thaddha yobbananimittena ahankarena upatthaddhacitta anupasantamanasa. Annasamatimannihanti anna itthiyo attano vannadigunehi sabbathapi atikkamitva mannim aham. Annasam va itthinam vannadigune atimannim atikkamitva amannim avamanam akasim. Vibhusitva imam kayam, sucittam balalapananti imam nanavidhaasucibharitam jeguccham aham mamati balanam lapanato vacanato balalapanam mama kayam chaviragakarana- kesatthapanadina sucittam vatthabharanehi vibhusitva sumanditapasaditam katva. Atthasim vesidvaramhi, luddo pasamivoddiyati migaluddo viya miganam bandhanatthaya danda- vakaradimigapasam marassa pasabhutam yathavuttam mama kayam vesidvaramhi vesiya gharadvare oddiyitva atthasim. Pilandhanam vidassenti, guyham pakasikam bahunti urujaghanathanadassanadikam ^1- guyhanceva padajanusiradikam ^2- pakasancati guyham pakasikanca bahum nanappakaram pilandhanam abharanam dassenti. Akasim vividham mayam, ujjhagghanti bahum jananti yobbanamadamattam bahum balajanam vippalambhetum hasanti gandhamalavatthabharanadihi sarirasabhavapaticchadanena hasavilasabhavadihi ^3- tehi ca vividham nanappakaram vancanam akasim. Sajja pindam caritvana, munda sanghatiparuta, nisinna rukkhamulamhi, avitakkassa labhiniti sa aham evam pamadaviharini samana ajja idani ayyassa mahamoggallanattherassa ovade thatva sasane pabbajitva munda sanghatiparuta hutva pindam caritvana bhikkhaharam bhunjitva nisinna rukkhamulamhi rukkhamule vivittasane nisinna dutiyajjhanapadakassa aggaphalassa adhigamena avitakkassa labhini amhiti yojana. @Footnote: ¹ Ma. urujanghathanadassanadikam ² Si. padajalanupuradikam ³ Si. havabhavavilasadihi

--------------------------------------------------------------------------------------------- page101.

Sabbe yogati kamayogadayo cattaropi yoga. Samucchinnati pathamamaggadina yatharaham sammadeva ucchinna pahina. Sesam vuttanayameva. Vimalatherigathavannana nitthita. ------------------

The Pali Atthakatha in Roman Book 34 page 98-101. http://84000.org/tipitaka/atthapali/read_rm.php?B=34&A=2089&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=2089&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=440 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9152 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9196 The Pali Tipitaka in Roman Character :- http://84000.org/tipitaka/read/roman_read.php?B=26&A=9196 Contents of The Tipitaka Volume 26 http://84000.org/tipitaka/read/?index_26