AtthaPali Vol.34

425. 6. Mettikatherigathavannana kincapi khomhi dukkhitatiadika mettikaya theriya gatha. Ayampi purimabuddhesu katadhikara tattha tattha bhave vivattupanissayam punnam upacinanti siddhatthassa bhagavato kale gahapatikule nibbattitva vinnutam patva satthu cetiye ratanapatimanditaya mekhalaya pujam akasi. Sa tena punnakammena @Footnote: ¹ Ma.jaratadivikarena ² Ma. yatthim avalubbhitvava

--------------------------------------------------------------------------------------------- page44.

Devamanussesu samsaranti imasmim buddhuppade rajagahe brahmanamahasalakule nibbatti. Sesam anantaravuttasadisam. Ayam pana patibhagakutam ^1- abhiruhitva samanadhammam karonti vipassanam vaddhetva saha patisambhidahi arahattam papuni. Tena vuttam apadane 2-:- "siddhatthassa bhagavato thupakaramakasaham ^3- mekhalika maya dinna navakammassa ^4- satthuno. Nitthite ca mahathupe mekhalam punadasaham lokanathassa munino pasanna sehi panibhi. Catunnavutito kappe mekhalam adadim ^5- tada duggatim nabhijanami thupakarassidam phalam. Kilesa jhapita mayham .pe. Katam buddhassa sasanan"ti. Arahattam pana patva attano patipattim paccavekkhitva udanavasena:- [29] "kincapi khomhi dukkhita dubbala gatayobbana dandamolubbha gacchami pabbatam abhiruhiya. [30] Nikkhipitvana sanghatim pattakanca nikujjiya nisinna camhi selamhi atha cittam vimucci me tisso vijja anuppatta katam buddhassa sasanan"ti ima dve gatha abhasi. Tattha dukkhitati rogabhibhavena dukkhita sanjatadukkha dukkhappatta. Dubbalati taya ceva dukkhappattiya, jarajinnataya ca balavirahita. Tenaha "gatayobbana"ti, @Footnote: ¹ Ma. patisanakutam ² khu.apa. 33/20/284 ³ cha.Ma. thupakarapika ahum ⁴ cha.Ma. navakammaya @⁵ cha.Ma. yam mekhalamadam

--------------------------------------------------------------------------------------------- page45.

Addhagatati attho. Atha cittam vimucci meti selamhi pasane nisinna camhi, atha tadanantaram viriyasamataya sammadeva yojitatta maggapatipatiya sabbehipi asavehi mama cittam vimucci. Sesam vuttanayameva. Mettikatherigathavannana nitthita. -------------------

The Pali Atthakatha in Roman Book 34 page 43-45. http://84000.org/tipitaka/atthapali/read_rm.php?B=34&A=931&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=931&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=425 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9011 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9072 The Pali Tipitaka in Roman Character :- http://84000.org/tipitaka/read/roman_read.php?B=26&A=9072 Contents of The Tipitaka Volume 26 http://84000.org/tipitaka/read/?index_26