|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7 Tittirajatakam ye vuddhamapacayantiti idam sattha savatthim gacchanto sariputtattherassa senasanapatibahanam arabbha kathesi. Anathapindikena hi viharam karetva dute pesite sattha rajagaha nikkhamma vesalim patva tattha yathabhirantam viharitva savatthim gamissamiti maggam patipajji. Tena samayena chabbaggiyanam antevasika purato purato gantva theranam senasanesu agahitesveva idam senasanam amhakam upajjhayassa idam senasanam acariyassa idam amhakameva bhavissatiti senasanani palibuddhanti. Paccha agata thera senasanani na labhanti. Sariputtattherassapi antevasika therassa senasanam pariyesanta na labhimsu. Thero senasanam alabhanto satthu senasanasseva avidure ekasmim rukkhamule nisajjaya ca cankamena ca vitinamesi. Sattha paccusasamaye nikkhamitva ukkasi. Theropi ukkasi. Ko esoti. Aham bhante sariputtoti. Sariputta imaya velaya idha kim karositi. So tam pavuttim arocesi. Satthu therassa vacanam sutva idani tava mayi jivanteyeva bhikkhu annamannam agarava appatissa parinibbute kim nu kho karissantiti avajjentassa dhammasamvego udapadi. So pabhataya rattiya bhikkhusangham sannipatapetva bhikkhu patipucchi saccam kira bhikkhave chabbaggiya purato purato--------------------------------------------------------------------------------------------- page325.
Gantva theranam bhikkhunam senasanam patibahantiti. Saccam bhagavati. Tato chabbamggiye garahitva dhammakatham katva bhikkhu amantesi ko nu kho bhikkhave aggasanam aggodakam aggapindam arahatiti. Ekacce bhikkhu khattiyakula pabbajitoti ahamsu ekacce brahmanakula ekacce gahapatikula pabbajitoti. Apare vinayadharo dhammakathiko pathamassa jhanassa labhi dutiyassa tatiyassa catutthassa jhanassa labhiti. Apare sotapanno sakadagami anagami araha tevijjo chalabhinnoti ahamsu. Evam tehi bhikkhuhi attano rucitavasena aggasanadirahanam kathitakale sattha aha na bhikkhave mayham sasane aggasanadini patva khattiyakula pabbajito pamanam na brahmanakula na gahapatikula pabbajito na vinayadharo na suttantiko nabhidhammiko na pathamajhanadilabhino na sotapannadayo pamanam atha kho bhikkhave imasmim sasane yathavuddham abhivadanam paccutthanam anjalikammam samicikammam katabbam aggasanam aggodakam aggapindam laddhabbam idamettha pamanam tasma vuddhataro bhikkhu etesam anucchaviko idani kho pana bhikkhave sariputto mayham aggasavako anudhammacakkappavattako mama anantaram senasanam laddhum arahati so imam rattim senasanam alabhanto rukkhamule vitinamesi tumhe idaneva evam agarava appatissa asabhagavuttino gacchante gacchante kale kinti katva viharissathati. Atha nesam ovadadanatthaya pubbe bhikkhave tiracchanagatapi na kho panetam amahakam patirupam--------------------------------------------------------------------------------------------- page326.
Yam mayam annamannam agarava appatissa asabhagavuttino vihareyyama amhesu mahallakataram janitva tassa abhivadanadini karissamati sadhukam vimamsitva ayanno mahallakoti natva tassa abhivadanadini katva devapatham purayamana gatati vatva atitam ahari. Atite himavantappadese ekam mahanigrodham upanissaya tayo sahaya viharimsu tittiro makkato hatthiti. Te annamannam agarava appatissa asabhagavuttino ahesum. Atha nesam etadahosi na yuttam amhakam evam viharitum yannuna mayam yo no mahallakataro tassa abhivadanadini karonta vihareyyamati. Ko pana no mahallakataroti cintenta ekadivasam attheso upayoti tayopi jana nigrodhamule nisiditva tittiro ca makkato ca hatthim pucchimsu samma hatthi tvam imam nigrodharukkham kivappamanakalato patthaya janasiti. So aha samma aham tarunapotakakale imam nigrodhagaccham antarasatthisu katva gacchami uttaritva thitakale ca pana me etassa aggasakha nabhim ghateti evaham imam gacchakalato patthaya janamiti. Puna ubhopi jana purimanayeneva makkatam pucchimsu. So aha aham samma makkatacchapako samano bhumiyam nisiditva givam anukkhipitvava imassa nigrodhapotakassa ankure khadami evaham imam khuddakakalato patthaya janamiti. Atha itare ubhopi purimanayeneva tittiram pucchimsu. So aha samma--------------------------------------------------------------------------------------------- page327.
Pubbe asukasmim nama thane mahanigrodharukkho ahosi aham tassa phalani khaditva etasmim thane vaccam patesim tato esa rukkho jato evaham imam ajatakalato patthaya janami tasma aham tumhehi jatiya mahallakataroti. Evam vutte makkato ca hatthi ca tittirapanditam ahamsu samma tvam amhehi mahallakataro ito patthaya mayam tava sakkaragarukaramananavandanapujanani ceva abhivadanapaccutthanaanjalikammasamicikammani ca karissama ovade ca te thassama tvam pana ito patthaya amhakam ovadanusasanim dadeyyasiti. Tato patthaya tittiro tesam ovadam adasi silesu patitthapesi sayampi silani samadiyi. Te tayopi jana pancasu silesu patitthaya annamannam sagarava sappatissa sabhagavuttino hutva jivitapariyosane devalokaparayana ahesum. Tesam tinnam samadanam tittirabrahmacariyam nama ahosi. Te hi nama bhikkhave tiracchanagata annamannam sagarava sappatissa viharimsu tumhepi evam svakkhate dhammavinaye pabbajitva kasma annamannam agarava appatissa viharatha anujanami bhikkhave ito patthaya tumhakam yathavuddham abhivadanam paccutthanam anjalikammam samicikammam yathavuddham aggasanam aggodakam aggapindam ito patthaya navakatarena vuddhataro senasanena na patibahitabbo yo patibaheyya apatti dukkatassati evam sattha imam dhammadesanam aharitva abhisambuddho hutva imam gathamaha--------------------------------------------------------------------------------------------- page328.
Ye vuddhamapacayanti nara dhammassa kovida ditthe dhamme ca pasamsa samparayo ca suggatiti. Tattha ye vuddhamapacayantiti jativuddho vayovuddho gunavuddhoti tayo vuddha tesu jatisampanno jativuddho nama vaye thito vayovuddho nama gunasampanno gunavuddho nama tesu gunasampanno vayovuddho imasmim thane vuddhoti adhippeto. Apacayantiti jetthapacayikakammena pujenti. Dhammassa kovidati jetthapacayikadhammassa kovida kusala. Ditthe dhammeti imasmimyeva attabhave. Pasamsati pasamsaraha. Samparayo ca suggatiti samparetabbo imam lokam hitva gantabboti samparayo. Paraloko hi tesam sugatiyeva hotiti. Ayampanettha pindattho bhikkhave khattiya va hontu brahmana va vessa va suda va gahattha va pabbajita va tiracchanagata va yekeci satta jetthapacayanadhamme cheka kusala gunasampannanam vayovuddhanam apacitim karonti te imasminca attabhave jetthapacitikarakati pasamsam vannanam thomanam labhanti kayassa bheda sagge nibbattantiti. Evam sattha jetthapacitidhammassa gunam kathetva anusandhim ghatetva jatakam samodhanesi tada hatthinago moggallano ahosi makkato sariputto tittirapandito pana ahamevati. Tittirajatakam sattamam. ------------The Pali Atthakatha in Roman Book 35 page 324-328. http://84000.org/tipitaka/atthapali/read_rm.php?B=35&A=6670&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=6670&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=37 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=246 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=243 The Pali Tipitaka in Roman Character :- http://84000.org/tipitaka/read/roman_read.php?B=27&A=243 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]