บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Pancavudhajatakam yo alinena cittenati idam sattha jetavane viharanto ekam ossatthaviriyam bhikkhum arabbha kathesi. Tam bhikkhum sattha amantetva saccam kira tvam bhikkhu ossatthaviriyoti pucchitva saccam bhagavati vutte bhikkhu pubbepi pandita viriyam katum yuttatthane viriyam katva rajjasampattim papunimsuti vatva atitam ahari. Atite baranasiyam brahmadatte rajjam karente bodhisatto tassa ranno aggamahesiya kucchismim nibbatti. Tassa namagahanadivase atthasate brahmane sabbakamehi santappetva lakkhanani patipucchimsu. Lakkhanakusala brahmana lakkhanasampattim disva punnasampanno maharaja kumaro tumhakam accayena rajjam papunissati pancavudhakammena pannato pakato sakalajambudipe aggapuriso bhavissatiti byakarimsu. Brahmananam vacanam sutva kumarassa Namam ganhanta pancavudhakumaroti namam akamsu. Atha nam vinnutam patva solasavassapadese thitam raja amantetva tata sippam ugganhahiti aha. Kassa santike ganhami devati. Gaccha tata gandhararatthe takkasilanagare disapamokkhassa acariyassa santike sippam ugganha idancassa acariyabhagam dadeyyasiti sahassam datva uyyojesi. So tattha gantva sippam sikkhitva acariyena dinnam pancavudham gahetva acariyam vanditva takkasilanagarato nikkhamitva sannaddhapancavudho baranasimaggam patipajji. So antaramagge silesalomayakkhena nama adhitthitam ekam atavim papuni. Atha nam atavimukhe manussa disva bho manava ma imam atavim pavisi silesalomayakkho namettha atthi so ditthaditthamanusse jivitakkhayam papetiti nivarayimsu. Bodhisatto attanam takkento asambhito kesarasiho viya atavim pavisiyeva. Tasmim atavimajjham sampatte so yakkho talamatto hutva kutagaramattam sisam cakkappamanani akkhini kaddalimakulamatta dve datha ca mapetva setamukho kabarakucchi nilahatthapado hutva bodhisattassa attanam dassetva kaham yasi tittha bhakkhosi meti aha. Atha nam bodhisatto yakkha aham attanam takketva idha pavittho tvam appamatto hutva mam upagaccheyyasi visapitena hi sarena tam vijjhitva tattheva patessamiti santajjetva Halahalavisapitam saram sannayhitva munci. So yakkhassa lomesuyeva alliyi. Tato annam tato annanti evam pannasa sare munci. Sabbe tassa lomesuyeva alliyimsu. Yakkho sabbepi te sare pothetva attano padamuleyeva patetva bodhisattam upasankami. Bodhisatto punapi tam tajjetva khaggam kaddhetva pahari. Tettimsangulayato khaggo lomesuyeva alliyi. Atha nam kanayena pahari. Sopi lomesuyeva alliyi. Tassa allinabhavam natva muggarena pahari. Sopi lomesuyeva alliyi. Tassa allinabhavam natva bho yakkha na te aham pancavudhakumaro namati sutapubbo aham taya adhitthitam atavim pavisanto dhanuadini takketva pavittho attananneva pana takketva pavittho ajja tam pothetva cunnavicunnam karissamiti abhitasihanadam nama dassento unnaditva dakkhinahatthena yakkham pahari. Hattho lomesu alliyi. Vamahatthena pahari . Sopi alliyi. Dakkhinapadena pahari. Sopi alliyi. Vamapadena pahari. Sopi alliyi. Sisena tam pothetva cunnavicunnam karissamiti sisena pahari. Tampi lomesuyeva alliyi. So pancasu thanesu baddho olambantopi nibbhayo nissarajjova ahosi. Yakkho cintesi ayam eko purisasihova purisajaniyo na purisamattova madisena namassa yakkhena gahitassa santasamattampi na bhavissati maya imasmim magge hanantena ekopi evarupo Puriso na ditthapubbo kasma nu kho esa na bhayatiti. So tam khaditum avisahanto kasma nu kho tvam manava maranabhayam na bhayasiti pucchi. Kimkarana yakkha bhayissami ekasmim hi attabhave etam maranam niyatameva apica mayham kucchimhi vajiravudham atthi sace mam khadissasi tam avudham jirapetum na sakkhissasi tante antani khandakhandikam chinditva jivitakkhayam papessati iti ubhopi nassissama imina karanenaham na bhayamiti. Idam kira bodhisatto attano abbhantare nanavudham sandhaya kathesi. Tam sutva yakkho cintesi ayam manavo saccameva bhanati imassa purisasihassa sarirato muggabijamattampi mamsakhandam mayham kucchim jirapetum na sakkhissati vissajjessami nanti maranabhayabhito bodhisattam vissajjetva manava purisasiho tvam na te aham mamsam khadissami tvam ajja rahumukha mutto cando viya mama hatthato muccitva natisuhajjamandalam tosento yahiti aha. Atha nam bodhisatto aha yakkha aham tava gamissami tvam pana pubbepi akusalam katva luddo lohitapani pararuhiramamsabhakkho hutva nibbatto sace idhapi thatva akusalameva karissasi andhakara andhakaram gamissasi mam ditthakalato patthaya pana na sakka taya akusalam katum panatipatakammannama niraye tiracchanayoniyam pettivisaye asurakaye ca nibbatteti manussesu nibbattatthane appayukasamvattanikam hotiti evamadina nayena pancannam dussilakammanam adinavam pancannam Silanam anisamsam kathetva nanakaranehi yakkham tajjetva dhammam desetva dametva nibbisevanam katva pancasu silesu patitthapetva tassayeva nam ataviya balippatiggahakam devatam katva appamadena ovaditva atavito nikkhamanto atavimukhe manussanam acikkhitva sannaddhapancavudho baranasim gantva matapitaro disva aparabhage rajje patitthaya dhammena rajjam karento danadini ca punnani katva yathakammangato. Satthapi imam dhammadesanam aharitva abhisambuddho hutva imam gathamaha yo alinena cittena alinamanaso naro bhaveti kusalam dhammam yogakkhemassa pattiya papune anupubbena sabbasamyojanakkhayanti. Tatrayam pindattho yo puriso alinena asankucitena cittena pakatiya alinamano alinajjhasayova hutva anavajjatthena kusalam sattattimsabodhipakkhiyabhedam dhammam bhaveti vaddheti visalena cittena vipassanam anuyunjati catuhi yogehi khemassa nibbanassa pattiya so evam sabbasankharesu aniccam dukkham anattati tilakkhanam aropetva tarunavipassanato patthaya uppanne bodhipakkhiyadhamme bhavento anupubbena ekasamyojanampi anavasesetva sabbesam samyojananam khayakarassa catutthamaggassa pariyosane uppannatta sabbasamyojanakkhayoti sankhyam gatam arahattam papuneyyati. Evam sattha arahattena dhammadesanaya kutam gahetva matthake cattari saccani pakasesi. Saccapariyosane so bhikkhu arahattam papuni. Satthapi anusandhim ghatetva jatakam samodhanesi tada yakkho angulimalo ahosi pancavudhakumaro pana ahamevati. Pancavudhajatakam pancamam. -------------The Pali Atthakatha in Roman Book 36 page 56-61. http://84000.org/tipitaka/atthapali/read_rm.php?B=36&A=1110&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=1110&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=55 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=363 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=358 The Pali Tipitaka in Roman Character :- http://84000.org/tipitaka/read/roman_read.php?B=27&A=358 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]