AtthaPali Vol.36

6. Mudulakkhanajatakam eka iccha pure asiti idam sattha jetavane viharanto sankilesam arabbha kathesi. Eko kira savatthivasi kulaputto satthu dhammadesanam sutva ratanasasane uram datva pabbajitva patipannako yogavacaro avissatthakammatthano hutva ekadivasam savatthiyam pindaya caramano ekam alankatapatiyattam itthim disva subhavasena indriyani bhinditva olokesi. Tassa abbhantare kileso cali vasiya akotitakhirarukkho viya ahosi. So tato patthaya kilesavasiko hutva neva kayassadam na cittassadam labhi bhantamigasappatibhago sasane anabhirato parulhakesalomo dighanakho kilitthacivaro ahosi. Athassa indariyavikaram disva sahayaka bhikkhu kinnu kho te avuso na yatha poranani indriyaniti pucchimsu. Anabhiratomhi avusoti. Atha nam te satthu santikam nayimsu. Sattha kim bhikkhave anicchamanam bhikkhum adaya agatatthati pucchi. Ayam bhante bhikkhu anabhiratoti. Saccam kira tvam bhikkhu anabhiratoti. Saccam bhagavati. Ko tam ukkanthapesiti. Aham bhante pindaya caranto ekam itthim disva indriyani bhinditva olokesim atha me kileso cali tenamhi ukkanthitoti. Atha nam sattha anacchariyametam bhikkhu yam tvam indriyani bhinditva visabhagarammanam subhavasena olokento kilesehi kampito pubbe pancabhinnaatthasamapattilabhino jhanabalena kilese vikkhambhetva visuddhacitta gaganatalacara bodhisattapi indriyani bhinditva visabhagarammanam olokayamana jhana parihayitva kilesehi kampita mahadukkham anubhavimsu na hi sineruuppatanakavato hatthimattamundapabbatam mahajambuummulakavato chinnatate virulhagacchakam mahasamuddam va pana sussanakavato khuddakatalakam kismincideva ganhati evam uttamabuddhinam nama visuddhacittanam bodhisattanam annanabhavakara kilesa tayi kim lajjissanti visuddhapi satta sankilissanti uttamayasasamanginopi ayasam papunantiti vatva atitam ahari. Atite baranasiyam brahmadatte rajjam karente bodhisatto kasiratthe ekassa mahavibhavassa brahmanassa kule nibbattitva vinnutam patto sabbasippanam param gantva kame pahaya isipabbajjam pabbajitva kasinaparikammam katva abhinna ca samapattiyo ca uppadetva jhanasukhena vitinamento himavantappadese vasam kappesi. So ekasmim kale lonambilasevanattham himavanta otaritva Baranasim patva rajuyyane vasitva punadivase katasarirapatijaggano rattavakamayam nivasanaparupanam santhapetva ajinacammam ekamsankatva jatamandalam bandhitva kharikajamadaya baranasiyam bhikkhaya caramano ranno gharadvaram papuni. Raja tassa iriyapatheyeva pasiditva pakkosapetva maharahe asane nisidapetva panitena khadaniyena bhojaniyena santappetva tam katanumodanam uyyane vasanatthaya yaci. So sampaticchi. Rajagehe bhunjitva rajakulam ovadamano tasmim uyyane solasa vassani vasi. Athekadivasam raja kuppitam paccantam vupasametum gacchanto mudulakkhanannama aggamahesim appamatta ayyassa upatthanam karohiti vatva agamasi. Bodhisatto ranno gatakalato patthaya attano rucanavelaya geham gacchati. Athekadivasam mudulakkhana bodhisattassa aharam sampadetva ajja ayyo cirayatiti gandhodakena nhayitva sabbalankarapatimandita mahatale culasayanam pannapetva bodhisattassa agamanam olokayamana nipajji. Bodhisattopi attano velam sallakkhetva jhana vutthaya akaseneva rajanivesanam agamasi. Mudulakkhana vakacirasaddam sutva ayyo agatoti vegena utthahi. Tassa vegena utthahantiya matthasatako bhassi. Tapaso sihapanjarena pavisanto deviya visabhagaruparammanam disva indriyani bhinditva subhavasena olokesi. Athassa abbhantare kileso cali vasiya pahatakhirarukkho viya ahosi. Tavadevassa jhanam antaradhayi. Chinnapakkho kako viya ahosi. So thitakova aharam gahetva abhunjitva kilesehi kampito pasada oruyha uyyanam gantva pannasalam pavisitva phalakattharakasayanassa hettha aharam thapetva visabhagarammanabandho kilesaggina dayhamano niraharataya sussamano satta divasani phalakattharake nipajji. Sattame divase raja paccantam vupasametva agato nagaram padakkhinam katva nivesanam agantvava ayyam passissamiti uyyanam gantva pannasalam pavisitva tam nipannakam disva ekam aphasukam jatam manneti pannasalam sodhapetva pade parimajjanto kim ayyassa aphasukanti pucchi. Maharaja annam me aphasukam natthi kilesavasena panamhi patibaddhacitto jatoti. Kaham patibaddhante ayya cittanti. Mudulakkhanaya maharajati. Sadhu ayya aham mudulakkhanam tumhakam dammiti tapasam adaya nivesanam pavisitva devim sabbalankarapatimanditam katva tapasassa adasi dadamanoyeva ca mudulakkhanaya sannam adasi taya attano balena ayyam rakkhitum vayamitabbanti. Sadhu deva rakkhissamiti. Tapaso devim gahetva rajanivesana otari. Atha nam mahadvarato nikkhantakale ayya amhakam geham laddhum vattati gaccha rajanam geham yacahiti aha. Tapaso gantva geham yaci. Raja manussanam vaccakutikiccam sadhayamanam ekam chadditageham dapesi. So devim gahetva tattha agamasi. Sa pavisitum na icchi. Kimkarana na pavisasiti. Asucibhavenati. Idani kim karomiti. Patijaggahi nanti vatva ranno santikam pesetva gacchakuddalam ahara pacchim aharati aharapetva asucinca sankaranca chaddapetva gomayam aharapetva vilimpapetva punapi gaccha mancam ahara pitham aharati ekamekam aharapetva puna udakaharanadinam atthaya anapesi. So ghatam adaya udakam aharitva catim puretva nhanodakam sajjetva sayanam atthari. Atha nam sayane ekato nisinnam phasukasu gahetva akaddhitva tava samanabhavam va brahmanabhavam va na janasiti onametva attano abhimukham akaddhi. So tasmim kale satim patilabhi. Ettakampana kalam annani ahosi. Evam annanakarana kilesa nama kamacchandanivaranam bhikkhave andhakaranam annanakarananti adi cettha vattabbam. So satim patilabhitva cintesi ayam tanha vaddhamana mama catuhi upayehi sisam ukkhipitum na dassati ajjeva maya imam ranno niyyadetva himavantam pavisitum vattatiti. So tam adaya rajanam upasankamitva maharaja tava deviya mayham attho natthi kevalam me imam nissaya tanha vaddhitati vatva imam gathamaha eka iccha pure asi aladdha mudulakkhanam yato laddha alarakkhi iccha iccham vijayathati. Tatrayam pindattho maharaja mayham imam tava devim mudulakkhanam alabhitva pure aho vataham etam labheyyanti eka Iccha asi ekava tanha uppajji yato pana me ayam alarakkhi visalanetta sobhanalocana laddha atha me sa purimika iccha gehatanham upakaranatanham upabhogatanhanti uparupari annam nanappakaram iccham vijayatha janesi uppadesi sa kho pana me evam vaddhamana iccha apayato sisam ukkhipitum na dassati alam me imaya bhariyaya tvamyeva tava bhariyam ganha ahampana himavantam gamissamiti. Tavadeva nattham jhanam uppadetva akase nisinno dhammam desetva ranno ovadam datva akaseneva himavantam gantva puna manussapathannama nagamasi brahmavihare pana bhavetva aparihinajjhano brahmaloke nibbatti. Sattha imam dhammadesanam aharitva saccani pakasesi. Saccapariyosane so bhikkhu arahattaphale patitthasi. Satthapi anusandhim ghatetva jatakam samodhanesi tada raja anando ahosi mudulakkhana uppalavanna isi pana ahamevati. Mudulakkhanajatakam chatatham. ----------

The Pali Atthakatha in Roman Book 36 page 100-105. http://84000.org/tipitaka/atthapali/read_rm.php?B=36&A=1989&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=1989&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=66 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=434 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=425 The Pali Tipitaka in Roman Character :- http://84000.org/tipitaka/read/roman_read.php?B=27&A=425 Contents of The Tipitaka Volume 27 http://84000.org/tipitaka/read/?index_27