AtthaPali Vol.36

2 Kapotajatakam yo atthakamassati idam sattha jetavane viharanto annataram lolabhikkhum arabbha kathesi. Tassa lolabhavo navanipate kakajatake avibhavissati. Tada pana tam bhikkhum ayam bhante bhikkhu loloti satthu arocesum. Atha nam sattha saccam kira tvam bhikkhu loloti pucchi. Ama

--------------------------------------------------------------------------------------------- page12.

Bhanteti. Sattha pubbepi tvam bhikkhu lolo lolakarana jivitakkhayam patto panditapi tam nissaya attano vasanatthana parihinati vatva atitam ahari. Atite baranasiyam brahmadatte rajjam karente bodhisatto paravatayoniyam nibbatti. Tada baranasivasino punnakamataya tasmim tasmim thane sakunanam sukhavasanatthaya thusapacchiyo olambanti. Tada baranasisetthinopi bhattakarako antomahanase evam thusapacchim olambetva thapesi. Bodhisatto tattha vasam kappesi. So patova nikkhamitva gocare caritva sayam agantva tattha vasanto kalam khepesi. Athekadivasam eko kako mahanasamatthakena gacchanto ambilanambilamacchamamsanam dhupanavasam ghayitva lobham uppadetva kim nu kho nissaya imam macchamamsam labhissamiti avidure nisiditva parigganhanto sayam bodhisattam agantva mahanasam pavisantam disva imam paravatam nissaya mamsam labhissamiti punadivase patova agantva bodhisattassa nikkhamitva gocaragahanatthaya gamanakale pitthito pitthito agamasi. Atha nam bodhisatto kasma tvam samma amhehi saddhim carasiti aha. Sami tumhakam kiriya mayham ruccati ito patthaya tumhe upatthahissamiti. Samma tumhe annagocara mayam annagocara tumhehi tumhakam upatthanam dukkaranti. Sami tumhakam gocaram gatakale ahampi gocaram gahetva tumhehi saddhimyeva gamissamiti. Sadhu kevalam te appamattakena bhavitabbanti evam

--------------------------------------------------------------------------------------------- page13.

Bodhisatto kakam ovaditva gocare caranto tinabijadini khadati. Bodhisattassa pana gocaragahanakale kako gantva gomayapindam apanetva panake khaditva udaram puretva bodhisastassa santikam agantva sami tumhe ativelam caratha atibahubhakkhena nama bhavitum na vattatiti vatva bodhisattena gocaram gahetva sayam agacchantena saddhimyeva mahanasam pavisi. Bhattakarako amhakam kapoto annampi gahetva agatoti vatva kakassapi pacchim thapesi. Tato patthaya dve jana vasanti. Athekadivasam setthissa bahum macchamamsam aharimsu. Tam adaya bhattakarako mahanase tattha tattha olaggesi. Kako tam disva lobham uppadetva sve gocarabhumim agantva maya idameva khaditabbanti rattim nitathunanto nipajji. Punadivase bodhisatto gocaraya gacchanto ehi samma kakati aha. Sami tumhe gacchatha mayham kucchirogo atthiti. Samma kakanam kucchirogo nama na kadaci bhutapubbo rattim tisu yamesu ekekasmim yame mucchita honti dipavattigilitakale pana tesam muhuttam titti hoti tvam imam macchamamsam khaditukamo bhavissasi ehi manussaparibhogo nama tumhakam aparibhunjiyo ma evarupam akasi maya saddhimyeva gocaraya gacchahiti. Na sakkomi samiti. Tenahi pannayissasi sakena kammena lobhavasam agantva appamatto hohiti tam ovaditva bodhisatto gocaraya gato. Bhattakarako nanappakaram macchamamsavikatim sampadetva usumam nibbapanattham bhajanani thokam

--------------------------------------------------------------------------------------------- page14.

Vivaritva rasaparissavanakarotim bhajanamatthake thapetva bahi nikkhamitva sedam punchamano atthasi. Tasmim khane kako pacchito sisam ukkhipitva bhattageham olokento tassa nikkhantabhavam natva ayandani mayham manoratham puretva mamsam khaditukamo kinnu kho mahamamsam khadami udahu cunnikam mamsanti cintetva cunnikamamsena nama khippam kucchim puretum na sakka mahantam mamsakhandam aharitva pacchiyam nikkhipitva khadamano nipajjisamiti pacchito uppatitva rasakarotiyam niliyi. So kiriti saddamakasi. Bhattakarako tam saddam sutva kinnu kho etanti pavittho kakam disva ayam dutthakako mahasetthino pakkamamsam khaditukamo aham kho pana setthim nissaya jivami na imam balam kim me iminati dvaram pidhaya kakam gahetva sakalasarire pattani luncitva allasingiveram lonajirakaya kottetva ambilatakkena aloletva tenassa sakalasariram makkhetva tam kakam pacchiyam khipi. So adhimattaya vedanayabhibhuto nitthunanto nipajji. Bodhisatto sayam agantva tam byasanappattam disva lolakaka mama vacanam akatva tava lobham nissaya mahadukkham pattositi vatva imam gathamaha yo atthakamassa hitanukampino ovajjamano na karoti sasanam kapotakassa vacanam akatva amittahatthatthagatova setiti.

--------------------------------------------------------------------------------------------- page15.

Tattha kapotakassa vacanam akatvati paravatassa hitanusasanim vacanam akatva. Amittahatthatthagatova setiti amittanam anatthakarakanam dukkhuppadakapuggalanam hatthapatham gato ayam kako viya so puggalo mahantam byasanam patva anusocamano setiti. Bodhisatto imam gatham vatva idani mayapi imasmim thane na sakka vasitunti annattha gato. Kakopi tattheva jivitakkhayam patto. Atha nam bhattakarako saddhim pacchiya gahetva sankaratthane chaddesi. Satthapi na tvam bhikkhu idaneva lolo pubbepi loloyeva tanca pana te lolam nissaya panditapi sakamha avasa parihinati imam dhammadesanam aharitva saccani pakasesi. Saccapariyosane so bhikkhu anagamiphalam patto. Sattha anusandhim ghatetva jatakam samodhanesi tada kako lolabhikkhu ahosi paravato ahamevati. Kapotajatakam dutiyam. --------------

The Pali Atthakatha in Roman Book 36 page 11-15. http://84000.org/tipitaka/atthapali/read_rm.php?B=36&A=223&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=223&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=42 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=282 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=277 The Pali Tipitaka in Roman Character :- http://84000.org/tipitaka/read/roman_read.php?B=27&A=277 Contents of The Tipitaka Volume 27 http://84000.org/tipitaka/read/?index_27