AtthaPali Vol.36

3 Velukajatakam yo atthakamassati idam sattha jetavane viharanto annataram dubbacam bhikkhum arabbha kathesi. Tam hi bhagava saccam kira tvam bhikkhu dubbacoti pucchitva saccam bhanteti vutte na tvam bhikkhu idaneva dubbaco pubbepi Dubbacoyeva dubbacatayeva ca panditanam vacanam akatva sappamukhe jivitakkhayam pattositi vatva atitam ahari. Atite baranasiyam brahmadatte rajjam karente bodhisatto kasiratthe mahabhogakule nibbatto vinnutam patva kamesu adinavam nekkhamme ca anisamsam disva kame pahaya himvantam pavisitva isipabbajjam pabbajitva kasinaparikammam katva pancabhinnaatthasamapattiyo uppadetva jhanasukhena vitinametva aparabhage mahaparivaro pancahi tapasasatehi parivuto ganasattha hutva vihasi. Atheko asivisapotako attano dhammataya caranto annatarassa tapasassa assamapadam patto. Tapaso tasmim puttasineham uppadetva tam ekasmim velupabbe sayapetva patijaggati. Tassa velupabbe sayanato velukotveva namam akamsu. Tam puttasinehena patijagganato tapasassa velukapitatveva namam akamsu. Tada bodhisatto eko kira tapaso asivisam patijaggatiti sutva pakkositva saccam kira tvam asivisam patijaggasiti pucchitva saccanti vutte asivisena saddhim vissaso nama natthi ma etam patijaggasiti aha. Tapaso aha so me acariya puttonaham tena vina vattitum sakkhissamiti. Tenahi etasseva santika jivitakkhayam papunissasiti. Tapaso bodhisattassa vacanam na ganhi asivisampi chadditum nasakkhi. Tato katipahaccayeneva sabbe tapasa phalaphalatthaya gantva gatatthane phalaphalassa sulabhabhavam disva dve Tayo divase tattheva vasimsu. Velukapitapi tehi saddhim gacchanto asivisam velupabbeyeva sayapetva pidahitva gato. So puna tapasehi saddhim dvihatihaccayena agantva velukassa gocaram dassamiti velupabbam ugghatetva ehi puttaka chatakositi hattham pasaresi. Asiviso dviham tiham niraharataya kujjhitva pasaritahattham damsitva tapasam tattheva jivitakkhayam papetva arannam pavisi. Tapasa tam disva bodhisattassa arocesum. Bodhisatto tassa sarirakiccam karetva isiganassa majjhe nisiditva isinam ovadavasena imam gathamaha yo atthakamassa hitanukampino ovajjamano na karoti sasanam evam so nihato seti velukassa yatha pitati. Tattha evam so nihato setiti yo hi isinam ovadam na ganhati so yatha esa tapaso asivisamukhe putibhavam patva nihato sayati evam mahavinasam patva nihato setiti attho. Evam bodhisatto isiganam ovaditva cattaro brahmavihare bhavetva ayuhapariyosane brahmaloke uppajji. Satthapi na tvam bhikkhu idaneva dubbaco pubbepi dubbaco dubbacabhavena ca asivisamukhe putibhavam pattositi imam dhammadesanam aharitva anusandhim ghatetva jatakam samodhanesi tada Velukapita dubbacabhikkhu ahosi sesaparisa buddhaparisa ganasattha pana ahamevati. Velukajatakam tatiyam. --------------

The Pali Atthakatha in Roman Book 36 page 15-18. http://84000.org/tipitaka/atthapali/read_rm.php?B=36&A=307&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=307&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=43 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=288 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=284 The Pali Tipitaka in Roman Character :- http://84000.org/tipitaka/read/roman_read.php?B=27&A=284 Contents of The Tipitaka Volume 27 http://84000.org/tipitaka/read/?index_27