AtthaPali Vol.36

3 Sigalajatakam saddahasi sigalassati imam sattha veluvane viharanto devadattam arabbha kathesi. Tasmim samaye bhikkhu dhammasabhayam sannipatitva avuso devadattena panca bhikkhusatani adaya gayasisam gantva yam samano gotamo Karoti na so dhammo yamaham karomi ayameva dhammoti te bhikkhu attano laddhim gahapetva thanappattam musavadam katva sangham bhinditva ekasimayam dve uposatha katati devadattassa agunam kathenta nisidimsu. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave devadatto idaneva musavadi pubbepi musavadiyevati vatva atitam ahari. Atite baranasiyam brahmadatte rajjam karente bodhisatto susanapasse rukkhadevata hutva nibbatti. Tada baranasiyam nakkhattam sanghuttham. Manussa yakkhabalikammam karomati tesu tesu caccararacchaditthanesu macchamamsadini vippakiritva kapalakesu bahum suram thapayimsu. Atheko sigalo addharattisamaye niddhamanena nagaram pavisitva macchamamsadini khaditva suram pivitva punnagagacchantaram pavisitva yava arunuggamana niddam okkami. So pabujjhitva alokam disva idani nikkhamitum na sakkati maggasamipam gantva adissamano nipajjitva anne manusse disvapi kinci avatva ekam brahmanam mukhadhovanatthaya gacchantam disva cintesi brahmana nama dhanalobha honti imam dhanena palobhetva yatha mam upakacchantare katva nagara niharati tatha karissamiti. So manussabhasaya brahmanati aha. So nivattitva ko mam pakkosatiti aha. Aham brahmanati. Kimkaranati. Brahmana mayham dve kahapanasatani Atthi sace mam upakacchantare katva uttarasangena paticchadetva yatha na koci passati tatha nagara nikkhamapetum sakkosi tuyham te kahapane dassamiti. Brahmano dhanalobhena sadhuti sampaticchitva tatha katva adaya nagara nikkhamitva thokam agamasi. Atha nam sigalo pucchi kataram thanam brahmanati. Asukam namati. Annam thokam thanam gacchati. Evam punappunam vadanto mahasusanam patva idha mam otarehiti aha. Atha nam otaresi. Sigalo tenahi brahmana uttarisatakam pattharati aha. So dhanalobhena attano uttarasangam patthari. Atha nam imam rukkhamulam khanahiti pathavikhanane yojetva brahmanassa uttarisatakam abhiruyha catusu kannesu majjhe cati pancasu thanesu sariranissandam patetva makkhetva ceva temetva ca susanavanam pavisi. Bodhisatto rukkhavitape thatva imam gathamaha saddahasi sigalassa surapitassa brahmana sippikanam satam natthi kuto kamsasata duveti. Tattha saddahasiti saddahasi. Ayameva va patho. Pattiyayasiti attho. Sippikanam satam natthiti etassa hi sippikanam satampi natthi. Kuto kamsasata duveti dve kahapanasatani panassa kutoyevati. Bodhisatto imam gatham vatva gaccha brahmana tava satakam dhovitva nhayitva attano kammam karohiti vatva antaradhayi. Brahmano tatha katva vancito vatamhi iminati domanassappatto pakkami. Sattha imam dhammadesanam aharitva jatakam samodhanesi tada sigalo devadatto ahosi rukkhadevata pana ahamevati. Sigalajatakam tatiyam. ---------

The Pali Atthakatha in Roman Book 36 page 285-288. http://84000.org/tipitaka/atthapali/read_rm.php?B=36&A=5703&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5703&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=113 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=750 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=748 The Pali Tipitaka in Roman Character :- http://84000.org/tipitaka/read/roman_read.php?B=27&A=748 Contents of The Tipitaka Volume 27 http://84000.org/tipitaka/read/?index_27