AtthaPali Vol.36

2 Dummedhajatakam yasam laddhana dummedhoti idam sattha veluvane viharanto devadattam arabbha kathesi. Dhammasabhayam hi bhikkhu avuso devadatto tathagatassa punnacandasassirikam mukham asitianubyanjanadvattimsamahapurisalakkhanappatimanditam byamappabhaparikkhittam avelavelaya yamakayamakabhuta ghanabuddharamsiyo vissajjetva paramasobhaggappattam attabhavanca oloketva cittam pasadetum na sakkoti usuyyameva karoti buddha nama evarupena silena samadhina pannaya vimuttinanadassanena samannagatati vuccamane vannam sahitum na sakkoti usuyyameva karotiti devadattassa agunam kathesum. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva devadatto mama vanne bhannamane usuyyam karoti pubbepi akasiyevati vatva atitam ahari. Atite magadharatthe rajagahanagare ekasmim magadharaje rajjam karente bodhisatto hatthiyoniyam nibbattitva sabbaseto ahosi hettha vannitasadisaya rupasampattiya samannagato. Atha nam lakkhanasampanno ayanti so raja mangalahatthim akasi. Athekasmim chanadivase sakalanagaram devanagaram viya alankarapetva sabbalankarappatimanditam mangalahatthim abhiruhitva mahantena rajanubhavena nagaram padakkhinam akasi. Mahajano tattha tattha thatva mangalahatthino rupasobhaggappattam sariram disva aho rupam aho gati aho lilha aho lakkhanasampatti evarupo nama sabbasetavaravarano cakkavattiranno anucchavikoti mangalahatthimeva vannesi. Raja mangalahatthissa vannam sutva sahitum asakkonto usuyyam uppadetva ajjeva tam pabbata patetva jivitakkhayam papessamiti hatthacariyam pakkosapetva kinti katva taya ayam nago sikkhapitoti aha. Susikkhapito devati. Na susikkhitoti. Susikkhito devati. Yadi susikkhito sakkhissasi tam vepullapabbatamatthakam aropetunti. Ama devati. Tenahi ehiti sayam otaritva hatthacariyam aropetva pabbatapadam gantva hatthacariyena hatthipitthe nisidapetva hatthimhi vepullapabbatamatthakam aropite sayampi amaccaganaparivuto pabbatamatthakam abhiruhitva hatthim papatabhimukham karetva tvam maya esa susikkhitoti vadesi tihiyeva nam padehi thapehiti aha. Hatthacariyo Pitthiyam nisiditva bho tihi padehi titthati hatthissa panhiya sannam adasi. Puna raja dvihi purimapadehiyeva thapehiti aha. Mahasatto dve pacchimapade ukkhipitva purimapadehi atthasi. Pacchimapadehiyevati vuttepi dve purimapade ukkhipitva pacchimapadehi atthasi. Ekenati vuttepi tayo pade ukkhipitva ekeneva atthasi. Athassa apatanabhavam natva sace pahosi akasena thapehiti aha. Hatthacariyo cintesi sakalajambudipe imina sadiso susikkhitahatthi nama natthi nissamsayam pana nam esa papate patetva maretukamo bhavissatiti. So tassa kannamule mantesi tata ayam raja tam patetva maretukamo na tvam etassa anucchaviko sace te akasena gantum balam atthi mam yathanisinnamyeva adaya vehasam abbhuggantva baranasim gacchati. Punniddhiya samannagato mahasatto tam khananneva akase atthasi. Hatthacariyo maharaja ayam hatthi punniddhiya samannagato na tadisassa mandapunnassa dubbuddhino anucchaviko panditassa punnasampannassa ranno anucchaviko tadisa nama mandapunna evarupam vahanam labhitva tassa gunam ajananta tanceva vahanam avasesanca yasasampattim nasentiyevati vatva hatthikkhandhe nisinno imam gathamaha yasam laddhana dummedho anattham carati attano attano ca paresanca himsaya patipajjatiti. Tatrayam sankhepattho maharaja tadiso dummedho nippanno puggalo parivarasampattim labhitva attano anattham carati. Kimkarana. So hi yasamadamatto kattabbakattabbam ajananto attano ca paresanca himsaya patipajjati himsa vuccati kilamanadukkhuppadanam tadatthaya evam patipajjatiti. Evam imaya gathaya ranno dhammam desetva titthadani tvanti akase uppatitva baranasinagarameva gantva rajangane akase atthasi. Sakalanagaram sankhubhitva amhakam ranno akasena setavarano agantva rajangane thitoti ekakolahalam ahosi. Vegena ranno arocesum. Raja nikkhamitva sace mayham upabhogatthaya agatosi bhumiyam patitthahiti aha. Bodhisatto bhumiyam patitthasi. Acariyo otaritva rajanam vanditva kuto agatosi tatati vutto rajagahatoti vatva sabbam pavuttim arocesi. Raja manapam te tata katam idhagacchantenati hatthatuttho nagaram sajjapetva varanam mangalahatthitthane thapetva sakalarajjam tayo kotthase katva ekam bodhisattassa adasi ekam acariyassa ekam attana aggahesi. Bodhisattassa agatakalato patthayayeva pana ranno sakalajambudipe rajjam hatthagatameva jatam. Jambudipe aggaraja hutva danadini punnani katva yathakammam gato. Sattha imam dhammadesanam aharitva jatakam samodhanesi tada Magadharaja devadatto ahosi baranasiraja sariputto hatthacariyo anando hatthi pana ahamevati. Dummedhajatakam dutiyam. -------

The Pali Atthakatha in Roman Book 36 page 315-319. http://84000.org/tipitaka/atthapali/read_rm.php?B=36&A=6279&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6279&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=122 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=809 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=805 The Pali Tipitaka in Roman Character :- http://84000.org/tipitaka/read/roman_read.php?B=27&A=805 Contents of The Tipitaka Volume 27 http://84000.org/tipitaka/read/?index_27