บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3 Nangalisajatakam asabbatthagamim vacanti idam sattha jetavane viharanto loludayittheram arabbha kathesi. So kira dhammam kathento imasmim thane idam kathetabbam imasmim thane idam na kathetabbanti yuttayuttam na janati mangale avamangalam vadanto tirokuddesu titthanti sandhisinghatakesu cati imam avamangalanumodanam kathesi avamangalesu anumodanam karonto bahu deva manussa ca mangalani acintayunti vatva evarupanam mangalanam satampi sahassampi katum samattha hothati vadati. Athekadivasam dhammasabhayam bhikkhu avuso loludayi yuttayuttam na janati sabbattha abhasitabbam vacam sabbattha bhasatiti katham samutthapesum. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave loludayi idanevesa dandhaparisakkano kathento yuttayuttam na janati pubbepi evarupo ahosi niccalolukoyeva esoti vatva atitam ahari. Atite baranasiyam brahmadatte rajjam karente bodhisatto Brahmanamahasalakule nibbattitva vayappatto takkasilayam sabbasippani ugganhitva baranasiyam disapamokkho acariyo hutva pancamanavakasatanam sippam vacesi. Tada tesu manavesu eko dandhaparisakkano loluko manavo dhammantevasiko hutva sippam ugganhati dandhabhavena pana ugganhitum na sakkoti bodhisattassa pana upakaro ahosi daso viya sabbakiccani karoti. Athekadivasam bodhisatto sayamasam bhunjitva sayanapitthe nipanno tam manavam hatthapadapitthiparikammani katva gacchantam aha tata mancapade upatthambhetva yahiti. Manavo ekam padam upatthambhetva ekassa upatthambhanam alabhanto attano urumhi thapetva rattim khepeti. Bodhisatto paccusasamaye utthaya tam disva kim tata nisinnositi pucchi. Acariya mancapadassa upatthambhanam alabhitva urumhi thapetva nisinnomhiti. Bodhisatto samviggamanaso hutva ayam ativiya mayham upakaro ettakanam manavasatanam antare ayameva dandho sippam sikkhitum na sakkoti katham nu kho aham imam panditam kareyyanti cintesi. Athassa etadahosi attheko upayo aham imam manavam daruatthaya pannatthaya ca gantva agatam ajja te kim dittham kim katanti pucchissami atha me idannama ajja maya dittham idam katanti acikkhissati atha nam taya ditthanca katanca kidisanti pucchissami so evarupannamati upamaya ca karanena ca kathessati iti nam manavam upamanca Karananca kathapetva imina upayena panditam karissamiti. So tam pakkositva tata manava ito patthaya daruatthaya pannatthaya ca gatatthane yam te tattha dittham va bhuttam va pitam va khaditam va hoti tam agantva mayham aroceyyasiti aha. So sadhuti sampaticchitva ekadivasam manavehi saddhim daruatthaya arannam gato tattha sappam disva agantva acariya sappo me ditthoti arocesi. Sappo nama tata kidisoti. Seyyathapi nangalisati. Sadhu sadhu tata manapa te upama ahata sappa nama nangalisasadisa hontiti. Atha bodhisatto manavakena manapa upama ahata sakkhissami nam panditam katunti cintesi. Manavo pana ekadivasam aranne hatthim disva hatthi me acariya ditthoti aha. Hatthi nama tata kidisoti. Seyyathapi nangalisati. Bodhisatto hatthissa sonda nangalisasadisa honti dantadayo evarupa ca evarupa ca ayampana balataya vibhajitva kathetum asakkonto sondam sandhaya kathesi manneti tunhi ahosi. Athekadivasam nimantane ucchum labhitva acariya ajja mayam ucchum khadimhati aha. Ucchu nama kidisati vutte seyyathapi nangalisati aha. Acariyo thokam patirupam karanam kathesiti tunhi jato. Punekadivasam nimantane ekacce Manava gulam dadhina bhunjimsu ekacce khirena. So agantva acariya ajja mayam dadhina khirena ca bhunjimhati vatva dadhikhirannama kidisam hotiti vutte seyyathapi nangalisati aha. Acariyo ayam manavo sappo nangalisasadisoti kathento tava sukathitam kathesi hatthi nangalisasadisoti kathentenapi sondam sandhaya lesena kathitam ucchum nangalisasadisanti kathanepi leso atthi dadhikhirani pana niccam pandarani pakkhittabhajanasanthanani idha sabbena sabbam upamam na kathesi na sakka imam lolukam sikkhapetunti vatva imam gathamaha asabbatthagamim vacam balo sabbattha bhasati nayam dadhim vedi na nangalisam dadhimpayam mannati nangalisanti. Tatrayam sankhepattho ya vaca upamavasena sabbattha na gacchati tam asabbatthagamivacam balo puggalo sabbattha bhasati dadhi nama kidisanti puttho seyyathapi nangalisati vadateva evam vadanto nayam dadhim vedi na nangalisam. Kimkarana. Yasma dadhimpayam mannati nangalisanti yasma ayam dadhimpi nangalisameva mannati. Athava dadhiti dadhimeva. Payanti khiram. Dadhinca payanca dadhipayam. Yasma dadhikhiranipi ayam nangalisameva mannati tadisovayam balo kim iminati antevasikanam katham kathetva paribbayam datva tam uyyojesi. Sattha imam dhammadesanam aharitva jatakam samodhanesi tada lolamanavo loludayi ahosi disapamokkho acariyo pana ahamevati. Nangalisajatakam tatiyam. --------The Pali Atthakatha in Roman Book 36 page 319-323. http://84000.org/tipitaka/atthapali/read_rm.php?B=36&A=6358&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6358&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=123 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=814 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=810 The Pali Tipitaka in Roman Character :- http://84000.org/tipitaka/read/roman_read.php?B=27&A=810 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]