บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5 Nakulajatakam sandhim katva amittenati idam sattha jetavane viharanto senibhandanam arabbha kathesi. Vatthu hettha uragajatake kathitasadisameva. Idhapi sattha na bhikkhave ime dve mahamatta idaneva maya samagga kata, pubbepaham ime samagge akasim yevati vatva atitam ahari. Atite baranasiyam brahmadatte rajjam karente bodhisatto ekasmim game brahmanakule nibbattitva vayappatto takkasilayam sabbasippani uggahetva gharavasam pahaya isipabbajjam pabbajitva abhinna ca samapattiyo ca nibbattetva unchacariyaya vanamulaphalaphalaharo himavantappadese vasam kappesi. Tassa cankamanakotiyam ekasmim vammike nakulo titthati. Tasseva santike ekasmim rukkhamule sappo vasam kappesi. Te ubhopi ahinakula niccakalam kalaham karonti. Bodhisatto tesam kalahe adinavanca mettabhavanaya ca anisamsam kathetva kalaham nama akatva samaggasamvasam vasitum vattatiti ovaditva ubhopi te samagge akasi. Atha sappassa bahi nikkhantakale nakulo cankamanakotiyam vammikassa biladvare sisam katva mukham vivaritva nipanno assasanto passasanto Niddam upaganchi. Bodhisatto tam tatha nipajjitva niddayamanam disva kinnu kho te nissaya bhayam uppannanti pucchanto pathamam gathamaha sandhim katva amittena andajena jalabuja vivariya datham sayasi, kuto te bhayamagatanti. Tattha sandhim katvati mittabhavam karitva. Andajenati andakose nibbattena nagena. Jalabujati nakulam alapati. So hi jalabumhi jatatta jalabujoti vuccati. Vivariyati vivaritva. Evam bodhisattena vutto nakulo ayya paccamitto nama na avajanitabbo asankitabbo yevati vatva dutiyam gathamaha sanketheva amittasmim, mittasmimpi na vissase, abhaya bhayamuppannam api mulani katantiti. Tattha abhaya bhayamuppannanti na ito te bhayam uppannanti abhayo. Ko so mitto yamhi mittasmimpi vissaseti tato bhayam uppajjati, tam mulampi nikantatiti mittassa sabbarandhanam viditatta mulaghaccaya samvattatiti attho. Atha nam bodhisatto ma bhayi, yatha sappo tayi na dubbhati evaham akasim, tvam ito patthaya tasmim asankam ma kariti ovaditva cattaro brahmavihare bhavetva brahmalokaparayano ahosi. Tepi yathakammam gata. Sattha imam dhammadesanam aharitva jatakam samodhanesi. Tada sappo ca nakulo ca ime dve mahamatta ahesum, tapaso pana ahamevati. Nakulajatakam pancamam. -----------The Pali Atthakatha in Roman Book 37 page 68-70. http://84000.org/tipitaka/atthapali/read_rm.php?B=37&A=1349&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1349&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=179 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1163 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1150 The Pali Tipitaka in Roman Character :- http://84000.org/tipitaka/read/roman_read.php?B=27&A=1150 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]