AtthaPali Vol.37

6 Upasalhajatakam upasalhakanamananti idam sattha jetavane viharanto ekam upasalhakam nama susanasuddhikam brahmanam arabbha kathesi. So kira addho ahosi mahaddhano ditthigatikatta pana dhuravihare vasantanampi buddhanam sangaham nama na akasi. Putto panassa pandito ahosi nanasampanno. So mahallakakale puttam aha ma kho mam tata annassa vasalassa jhapitasusane jhapehi, ekasmim pana anucchitthasusane yeva mam jhapeyyasiti. Tata aham tumhakam jhapetabbayuttakam thanam na janami, sadhu vata mam adaya gantva imasmim thane mam jhapeyyasiti tumhe va acikkhathati. Brahmano sadhu tatati tam adaya nagara nikkhamitva gijjhakutamatthakam abhiruhitva tata idam annassa vasalassa na jhapitatthanam, ettha mam jhapeyyasiti vatva puttena saddhim pabbata otaritum arabhi. Sattha pana tam divasam paccusakale bodhaneyyabandhave olokento tesam pitaputtanam sotapattimaggassa

--------------------------------------------------------------------------------------------- page71.

Upanissayam addasa, tasma tam maggam gahetva thitaluddako viya pabbatapadam gantva tesam pabbatamatthaka otarantanam agamayamano nisidi. Te otaranta sattharam addasamsu. Sattha patisantharam karonto kaham gamittha brahmanati pucchi. Manavo tam attham arocesi. Sattha tena hi ehi, tava pitara acikkhitatthanam gacchamati ubho pitaputte gahetva pabbatamatthakam aruyha kataram thananti pucchi. Manavo imesam tinnam pabbatanam antaram acikkhi bhanteti aha. Sattha na kho manava tava pita idaneva susanasuddhiko, pubbepi susanasuddhiko va na ceso idaneva imasmim yeva thane mam jhapeyyasiti tava acikkhati, pubbepi imasmim yeva thane attano jhapanabhavam acikkhiti vatva yacito atitam ahari. Atite imasmim yeva rajagahe ayameva upasalhako brahmano ayameva cassa putto ahosi. Tada bodhisatto magadharatthe brahmanakule nibbattitva paripunnasippo isipabbajjam pabbajitva abhinna ca samapattiyo ca nibbattetva jhanakilam kilanto himavantappadese ciram vasitva lonambilasevanatthaya gijjhakute pannasalayam vihasi. Tada so brahmano imina va niyamena puttam vatva puttena tumhe yeva me tatharupam thanam acikkhathati vutte idameva thanam acikkhitva puttena saddhim otaranto bodhisattam disva tassa santikam upasankami. Bodhisatto ca imina va niyamena pucchitva manavassa vacanam sutva ehi, tava pitara acikkhitatthanassa ucchitthabhavam va

--------------------------------------------------------------------------------------------- page72.

Anucchitthabhavam va janissamati tehi saddhim pabbatamatthakam aruyha idam tinnam pabbatanam antaram anucchitthatthananti manavena vutte manava imasmim yeva thane jhapitakanam pamanam natthi, taveva pita imasmim yeva rajagahe brahmanakule yeva nibbattitva upasalhako yeva nama hutva imasmim pabbatantare cuddasa natisahassani jhapito, pathaviyam hi ajjhapitatthanam va asusanatthanam va sisanam anivethitatthanam va laddhum na sakkati pubbenivasananena paricchinditva imam gathadvayamaha upasalhakanamanam sahassani catuddasa asmim padese daddhani natthi loke anamatam. Yamhi saccanca dhammo ca ahimsa sannamo damo etadariya sevananti etam loke anamatanti. Tattha anamatanti amatatthanam hi upacaravasena amatanti vuccati. Tam patisedhento anamatanti aha. Amatantipi patho. Lokasmim hi anamatatthanam ^1- asusanatthanam nama natthiti attho. Yamhi saccanca dhammo cati yasmim puggale catusaccavatthukam pubbabhagasaccanananceva lokuttaradhammo ca atthi. Ahimsati paresam avihesa avihetthana. Sannamoti silasannamo. Damoti indriyadamanam. Idanca gunajatam yasmim puggale atthi. Etadariya sevantiti ariya buddha ca paccekabuddha ca buddhasavaka ca etam thanam sevanti evarupam puggalam upasankamanti bhajantiti attho. Etam loke @Footnote: ¹ amatatthanantipi.

--------------------------------------------------------------------------------------------- page73.

Anamatanti etam gunajatam loke amatabhavasadhanato amatam nama. Evam bodhisatto pitaputtanam dhammam desetva cattaro brahmavihare bhavetva brahmalokaparayano ahosi. Sattha imam dhammadesanam aharitva saccani pakasetva jatakam samodhanesi. Saccapariyosane ubho pitaputta sotapattiphale patitthahimsu. Tada pitaputta va etarahi pitaputta ahesum, tapaso pana ahamevati. Upasalhajatakam chattham. ------------

The Pali Atthakatha in Roman Book 37 page 70-73. http://84000.org/tipitaka/atthapali/read_rm.php?B=37&A=1394&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1394&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=181 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1170 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1157 The Pali Tipitaka in Roman Character :- http://84000.org/tipitaka/read/roman_read.php?B=27&A=1157 Contents of The Tipitaka Volume 27 http://84000.org/tipitaka/read/?index_27