|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9 Arakajatakam yo ve mettena cittenati idam sattha jetavane viharanto mettasuttam arabbha kathesi. Ekasmim samaye sattha bhikkhu amantetva mettaya bhikkhave cetovimuttiya asevitaya bhavitaya bahulikataya yanikataya vatthukataya anutthitaya paricitaya susamaraddhaya ekadasanisamsa patikankha, katame ekadasa, sukham supati, sukham patibujjhati, na papakam supinam passati, manussanam piyo hoti, amanussanam piyo hoti, devata rakkhanti, nassa aggi va visam va sattham va kamati, tuvatam cittam samadhiyati, mukhavanno vippasidati, asammulho kalam karoti, uttarim appativijjhanto brahmalokupago hoti, mettaya bhikkhave cetovimuttiya asevitaya bhavitaya bahulikataya yanikataya vatthukataya anutthitaya paricitaya susamaraddhaya, ime ekadasanisamsa patikankha, ime ekadasanisamse gahetva thitam mettabhavanam vannetva bhikkhave bhikkhuna nama sabbasattesu odissakaanodissakavasena metta bhavetabba, hitopi hitena pharitabbo, ahitopi hitena pharitabbo, majjhattopi hitena pharitabbo, evam sabbasattesu odissakaanodissakavasena metta bhavetabba, karuna mudita upekkha bhavetabba, catusu brahmaviharesu kammam katabbameva, evam karonto hi maggam va phalam va--------------------------------------------------------------------------------------------- page80.
Alabhantopi brahmalokaparayano hoti, poranakapanditapi sattavassani mettam bhavetva sattasamvattavivattakappe brahmalokasmim yeva vasimsuti vatva atitam ahari. Atite ekasmim kappe bodhisatto brahmanakule nibbattetva vayappatto kame pahaya isipabbajjam pabbajitva catunnam brahmaviharanam labhi arako nama sattha hutva himavantappadese vasam kappesi. Tassa mahaparivaro ahosi. So isiganam ovadanto pabbajitena nama metta bhavetabba, karuna mudita upekkha bhavetabba, mettacittam hi nametam appanappattam brahmalokaparayanatam sadhetiti mettaya anisamsam pakasento ima gatha avoca yo ve mettena cittena sabbalokanukampati uddham adho ca tiriyanca appamanena sabbaso, appamanam hitam cittam paripunnam subhavitam, yam pamanam katam kammam na tam tatravasissatiti. Tattha yo ve mettena cittena sabbalokanukampatiti khattiyadisu va samanabrahmanesu va yo koci appanappattena mettacittena sakalam sattalokam anukampeti. Uddhanti pathavitalato yava nevasannanasannayatanabrahmaloka. Adhoti pathaviya hettha yava ussade mahaniraye. Tiriyanti manussaloke, yattakani cakkavalani tesu sabbesu ettake thane nibbatta sabbe satta avera hontu--------------------------------------------------------------------------------------------- page81.
Abyapajjha hontu anigha hontu sukhi attanam pariharantuti evam bhavitena mettena cittenati attho. Appamanenati appamanasattanam arammanatta appamanena. Sabbasoti sabbakarena. Uddham adho tiriyanti evam sabbasugatiduggativasenati attho. Appamanam hitam cittanti appamanam katva bhavikam sabbasattesu hitam cittam. Paripunnanti avikalam. Subhavitanti suvaddhitam. Appamanacittassetam namam. Yam pamanam katam kammanti yam appamanam appamanarammananti evam arammanantikavasena ca vasibhavappattivasena ca avaddhetva katam parittam kamavacarakammam. Na tam tatravasissatiti tam parittakammam yantam appamanam hitam cittanti sankhyam gatam rupavacarakammam tatra na avasissati. Yatha nama mahoghena ajjhotthatam parittodakam oghassa abbhantare tena asamhariyamanam navasissati na titathati, atha kho mahogho va tam vikkhambhetva titthati, evameva parittakammam tassa mahaggatakammassa abbhantare tena mahaggatakammena paricchinditva agahitavipakokasam hutva na avasissati na titthati na sakkoti attano vipakam datum, atha kho mahaggatakammameva tam ajjhottharitva titthati vipakam detiti. Evam bodhisatto antevasikanam mettabhavanaya anisamsam kathetva aparihinajjhano brahmaloke nibbattitva sattasamvattavivattakappe na imam lokam puna agamasi.--------------------------------------------------------------------------------------------- page82.
Sattha imam dhammadesanam aharitva jatakam samodhanesi. Tada isigana buddhaparisa ahesum, arako sattha pana ahamevati. Arakajatakam navamam. -----------The Pali Atthakatha in Roman Book 37 page 79-82. http://84000.org/tipitaka/atthapali/read_rm.php?B=37&A=1571&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1571&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=187 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1195 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1179 The Pali Tipitaka in Roman Character :- http://84000.org/tipitaka/read/roman_read.php?B=27&A=1179 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]