AtthaPali Vol.37

7 Seggujatakam sabbo lokoti idam sattha jetavane viharanto ekam pannikam upasakam arabbha kathesi. Vatthu ekanipate vittharitameva. Idhapi sattha tam upasakam kim upasaka cirassam agatositi pucchi. Dhita me bhante niccam hasitamukhi, tamaham vimamsitva ekassa kuladarakassa adasim, tattha itikattabbataya tumhakam dassanaya agantum okasam na labhinti aha. Atha nam sattha na kho upasaka idaneva sa silavati pubbepi silavati, tvanca na idaneva tam vimamsasi pubbepi vimamsasi yevati vatva atitam ahari.

--------------------------------------------------------------------------------------------- page239.

Atite baranasiyam brahmadatte rajjam karente bodhisatto rukkhadevata ahosi. Tada ayameva pannikaupasako dhitaram vimamsissamiti arannam netva kilesavasena icchanto viya hatthe ganhi. Atha nam paridevamanam pathamagathaya ajjhabhasi. Sabbo loko attamano ahosi, akovida gamadhammassa seggu, komariko nama tavajja dhammo yam tvam gahita pavane parodasiti. Tattha sabbo loko attamano ahositi amma sakalopi sattaloko etissa kamasevanaya attamano jato. Akovida gamadhammassa segguti segguti tassa namam, tena tvam pana amma seggu akovida gamadhammassa. Imasmim gamadhamme vasaladhamme akusalasiti vuttam hoti. Komariko nama tavajja dhammoti amma kumariko namesa tavajja sabhavo. Yam tvam gahita pavane parodasiti tvam maya imasmim pavane santhavavasena hatthe gahita parodasi na sampaticchasi, ko esa tava sabhavo, kim kumari yeva tvanti pucchati. Tam sutva kumarika ama tata kumarika yevaham, naham methunadhammam nama janamiti vatva paridevamana dutiyam gathamaha yo dukkhaphutthaya bhaveyya tanam so me pita dubbhi vane karoti,

--------------------------------------------------------------------------------------------- page240.

Sa kassa kandami vanassa majjhe, yo tayita so sahasa karotiti. Sa hettha kathita yeva. Iti so panniko tada dhitaram vimamsitva geham netva kuladarakassa datva yathakammam gato. Sattha imam dhammadesanam aharitva saccani pakasetva jatakam samodhanesi. Saccapariyosane pannikaupasako sotapattiphale patitthahi. Tada dhita dhita yeva, pita pita yeva ahosi. Tassa pana karanassa paccakkhakari rukkhadevata pana ahamevati. Seggujatakam sattamam. --------

The Pali Atthakatha in Roman Book 37 page 238-240. http://84000.org/tipitaka/atthapali/read_rm.php?B=37&A=4713&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=4713&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=283 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1641 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1627 The Pali Tipitaka in Roman Character :- http://84000.org/tipitaka/read/roman_read.php?B=27&A=1627 Contents of The Tipitaka Volume 27 http://84000.org/tipitaka/read/?index_27