|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8 Kamanitajatakam
tayo girinti idam sattha jetavane viharanto kamanitabrahmanam
nama arabbha kathesi.
Vatthu paccuppannanca atitanca dvadasanipate kamajatake
avibhavissati.
Tesu pana dvisu rajaputtesu jetthako agantva baranasiyam
raja ahosi. Kanittho uparaja. Tesu raja vatthukamakilesakamesu
atitto dhanalolo 1- ahosi. Tada bodhisatto sakko devaraja
hutva jambudipam olokento tassa ranno dvisupi kamesu atittabhavam
natva imam rajanam niggahetva lajjapessamiti brahmanamanavakavannena
agantva rajanam passi. Ranna ca kenatthena
agatosi manavati vutte aham maharaja tini nagarani passami
khemani subhikkhani pahutahatthiassarathapattihirannasuvannalankarabharitani,
sakka pana tani appakeneva balena ganhitum, ahante tani gahetva
datum agatoti aha. Kada gacchama manavati vutte sve
@Footnote: 1 dhanalobhotipi.
---------------------------------------------------------------------------------------------
page283.
Maharajati. Tena hi gacchama, patova agaccheyyasiti. Sadhu
maharaja, vegena balam sajjehiti vatva sakko sakatthanameva gato.
Raja punadivase bherincarapetva balasajjam karapetva amacce
pakkositva hiyyo eko brahmanamanavo uttarapancale
indapatte kekaketi imesu tisu nagaresu rajjam gahetva dassamiti
aha, aham tam manavam adaya tisu nagaresu rajjam ganhissami,
vegena tam pakkosathati. Katthassa deva nivaso dapitoti. Na
me tassa nivasageham dapitanti. Nivasaparibbayo 1- pana dinnoti.
Sopi na dinnoti. Atha kaham gamissamati 2-. Nagaravithisu
olokethati. Te olokenta adisva na passama maharajati
ahamsu. Ranno manavam apassantassa evam mahanta issariya
parihinomhiti mahasoko udapadi, hadayavatthu unham ahosi,
vatthulohitam kuppi, lohitapakkhandika udapadi. Vejjapi tikicchitum
nasakkhimsu. Tato tihacatuhaccayena sakko avajjamano tassa tam
abadham natva tikicchissami nanti brahmanavannena agantva
dvare thatva vejjo brahmano tumhakam tikicchanatthaya agatoti
arocapesi. Raja tam sutva mahantamahanta rajavejja mam
tikicchitum nasakkhimsu, paribbayamassa 3- dapetva uyyojethati aha.
Sakko tam sutva mayham neva nivasanaparibbayena 4- attho, vejjalabhampi
@Footnote: 1 nivapapariccayotipi . 2 tam passissamatitipi . 3 pariccayamassatipi.
@4 nivapena pariccayenatipi.
---------------------------------------------------------------------------------------------
page284.
Na ganhissami, tikicchissami nam, 1- raja mam passatuti aha.
Raja tam sutva tena hi agacchatuti aha. Sakko pavisitva
jayapetva ekamantam atthasi. Raja tvam mam tikicchissasiti
aha. Ama devati. Tena hi tikicchassuti aha. Sadhu
maharaja, byadhino me lakkhanam kathetha, kena karanena uppanno,
kim khaditam va pitam va nissaya udahu dittham va sutam vati.
Tata mayham byadhi sutam nissaya uppannoti. Kinte sutanti.
Tata eko manavo agantva mayham tisu nagaresu rajjam ganhitva
dassamiti aha, aham tassa nivasanatthanam va nivasaparibbayam va
na dapesim, so mayham kujjhitva annassa ranno santikam gato
bhavissati, atha me evam mahanta nama issariya parihinomhiti
cintentassa ayam byadhi uppanno, sace sakkosi tvam, me kamacittam
nissaya uppannam byadhim tikicchahiti etamattham pakasento pathamam
gathamaha
tayo girim antaram kamayami
pancalo 2- kuruyo kekake ca,
tatuttarim brahmana kamayami,
tikiccha mam brahmana kamanitanti.
Tattha tayo girinti tayo giri. Ayameva va patho. Yatha
ca sudassanagirino dvaram hetam pakasatiti ettha sudassanadevanagaram
@Footnote: 1 panatipi . 2 pancalatipi.
---------------------------------------------------------------------------------------------
page285.
Yujjhitva dugganhataya duccalanataya sudassanagiriti vuttam evamidhapi
tini nagarani tayo girinti adhippetani, tasma ayamettha attho.
Tini pana nagarani tesanca antaram tividhampi rattham kamayami.
Pancalo kuruyo kekake cati imani tesam ratthanam namani tesu
pancalo uttarapancalo. Tattha kapilam nama nagaram. Kuruyoti
kururattham. Tattha indapattam nama nagaram. Kekake cati paccatte
upayogavacanam. Tena kekakarattham dasseti. Tattha kekakarajadhani
yeva nagaram. Tatuttarinti tam aham ito patiladdha baranasirajja
tatuttarim tividham rajjam kamayami. Tikiccha mam brahmana kamanitanti
imehi vatthukamehi ca kilesakamehi ca nitam hatam pahatam sace sakkosi
tikiccha mam brahmanati.
Atha nam sakko maharaja tvam mulosadhadihi atekiccho
nanosadheneva tikicchitabboti vatva dutiyam gathamaha
kanhahi datthassa karonti heke
amanussavitthassa 1- karonti pandita,
na kamanitassa karoti koci,
okkantasukkassa hi ka tikicchati.
Tattha kanhahi datthassa karonti heketi ekacce hi tikicchaka
ghoravisena kalasappena datthassa mantehi ceva osadhehi ca tikiccham
karonti. Amanussavitthassa karonti panditati apare pandita
@Footnote: 1 amanussavaddhassatipi .pe.
---------------------------------------------------------------------------------------------
page286.
Bhutavejja bhutayakkhadihi amanussehi vitthassa gahitassa abhibhutassa
balikammaparittakaranaosadhaparibhavitadihi tikiccham karonti. Na
kamanitassa karoti kociti kamehi pana nitassa kamavasikassa puggalassa
annatra panditehi na anno koci tikiccham karoti, karontopi
katum samattho nama natthi. Kimkarana. Okkantasukkassa hi
ka tikicchati okkantassa avakkantassa sukkassa kusaladhammassa
mariyadam atikkantassa akusaladhamme patitthitassa puggalassa
mantosadhadihi ka nama tikiccha na sakka etehi tikicchitunti.
Itissa mahasatto imam karanam dassetva uttarim evamaha
maharaja sace tvam tani tini rajjani lacchasi, api nu kho imesu
catusu nagaresu rajjam karento ekappahareneva cattari satakayugani
paridaheyyasi, catusu suvannapatisu bhunjeyyasi catusu sirisayanesu
sayeyyasi, maharaja tanhavasikena nama bhavitum na vattati,
tanha namesa vipattimula, sa vaddhamana yo tam vaddheti,
tam puggalam atthasu mahanirayesu solasasu ussadanirayesu nanappakarappabhedesu
ca avasesaapayesu khipatiti. Evam rajanam nirayadibhayena
tajjetva mahasatto dhammam desesi. Rajapissa dhammam sutva
vigatasoko hutva tavadeva nibyadhitam papuni. Sakkopissa
ovadam datva silesu patitthapetva devalokameva gato. Sopi
tato patthaya danadini punnani katva yatha kammam gato.
---------------------------------------------------------------------------------------------
page287.
Sattha imam dhammadesanam aharitva jatakam samodhanesi tada
raja kamanitabrahmano ahosi, sakko pana ahamevati.
Kamanitajatakam atthamam.
----------
The Pali Atthakatha in Roman Book 37 page 282-287.
http://84000.org/tipitaka/atthapali/read_rm.php?B=37&A=5605&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=37&A=5605&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=305
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1742
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1734
The Pali Tipitaka in Roman Character :-
http://84000.org/tipitaka/read/roman_read.php?B=27&A=1734
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]