|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
tacasarajatakam
amittahatthatthagatati idam sattha jetavane viharanto pannaparamim
arabbha kathesi.
Tada hi sattha na bhikkhave idaneva pubbepi tathagato
pannava upayakusaloyevati vatva tehi yacito atitam ahari.
Atite baranasiyam brahmadatte rajjam karente bodhisatto
gamake kutumbikakule nibbattitvati sabbam purimajatakaniyameneva
kathetabbam. Idha pana vejje mate gamavasino manussamarakati
te darake kudandakehi 1- bandhitva ranno dassessamati baranasim
nayimsu. Bodhisatto antaramaggeyeva sesadarakanam ovadam adasi
tumhe ma bhayittha rajanam disvapi abhita tutthindriya
bhaveyyatha raja amhehi saddhim pathamataram kathessati tato
patthaya aham janissamiti. Te sadhuti sampaticchitva tatha karimsu.
Raja te abhite tutthindriye disva ime manussamarakati kudandakabandha
anita evarupam dukkham pattapi na bhayanti tutthindriyayeva
kinnukho etesam asocanakaranam pucchissami neti pucchanto pathamam
gathamaha
@Footnote: 1. gaddulehi.
---------------------------------------------------------------------------------------------
page486.
Amittahatthatthagata tacasarasamappita
pasannamukhavannatha kasma tumhe na socathati.
Tattha amittahatthatthagatati kudandakehi givayam bandhitva
anentanam amittanam hatthagata. Tacasarasamappitati veludandakehi
bandhatta evamaha. Kasmati evarupam byasanam pattapi tumhe
kimkarana na socathati pucchati.
Tam sutva bodhisatto sesagatha abhasi
na socanaya paridevanaya
attho ca labbha api appakopi
socantamenam dukkhitam viditva
paccatthika attamana bhavanti
yato ca kho pandito apadasu
na vedhati atthavinicchayannu
paccatthikassa dukkhita bhavanti
disva sukham adhikaram 1- puranam
jappena mantena subhasitena
anuppadanena paveniya va
yatha yatha yattha labhetha attham
tatha tatha tattha parakkameyya
yato ca janeyya alabbhaneyyo
@Footnote: 1. mukham avikaram.
---------------------------------------------------------------------------------------------
page487.
Maya va annena va esa attho
asocamano adhivasayeyya
kammam dalham kinti karomidaniti.
Tattha atthoti vuddhi. Paccatthika attamanati etam purisam
socantam dukkhitam viditva paccamitta tutthacitta honti tesam
tussanakaranam nama panditena katum na vattatiti dipeti. Yatoti
yada. Na vedhatiti cittutrasabhayena na kampati. Atthavinicchayannuti
tassa tassa atthassa vinicchayakusalo. Jappenati mantaparijappanena.
Mantenati panditehi saddhim mantaggahanena. Subhasitenati
piyavacanena. Anuppadanenati lancadanena. Paveniyati
kulavamsena. Idam vuttam hoti maharaja panditena nama apadasu
uppannasu na socitabbam na kilamitabbam imesu pana pancasu karanesu
annataravasena paccamitta jinitabba sace hi sakkoti mantam
parijappitva mukhabandham katvapi te jinitabba tatha asakkontena
panditena tehi saddhim mantetva ekam upayam sallakkhetva jinitabba
piyavacanam vattum sakkontena piyam vatvapi te jinitabba tatha
asakkontena vinicchayamaccanam lancampi datva jinitabba tatha
asakkontena kulavamsam kathetva mayam asukappaveniya agata tumhakanca
ekova pubbapurisoti evam vijjamanannatikotim ghatetvapi
jinitabbaevati. Yatha yathati etesu pancasu karanesu yena
yena karanena yattha yattha attano vuddhim labheyya. Tatha
---------------------------------------------------------------------------------------------
page488.
Tathati tena tena karanena tattha tattha parakkameyya parakkamam
katva paccatthike jineyyati adhippayo. Yato ca janeyyati
yada pana janeyya maya va annena va esa attho
alabbhaneyyo nanappakarena vayamitvapi na sakka laddhum tadapi
panditapuriso asocamano akilamano maya pubbe katam kammam
dalham thiram na sakka patibahitum idani kim sakka katunti
adhivaseyyati.
Raja bodhisattassa dhammakatham sutva kammam sodhetva
niddosabhavam natva kudandake niharapetva mahasattassa mahantam yasam
datva attano atthadhammanusasakaamaccaratanam akasi. Sesadarakanampi
yasam datva thanantarani adasi.
Sattha imam dhammadesanam aharitva jatakam samodhanesi tada
baranasiraja anando ahosi daraka theranuthera panditadarako
pana ahamevati.
Tacasarajatakam atthamam
---------
The Pali Atthakatha in Roman Book 38 page 485-488.
http://84000.org/tipitaka/atthapali/read_rm.php?B=38&A=10072&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=10072&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=788
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=3663
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=3622
The Pali Tipitaka in Roman Character :-
http://84000.org/tipitaka/read/roman_read.php?B=27&A=3622
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]