บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Musikajatakam kuhim gata kattha gatati idam sattha veluvane viharanto ajatasattum arabbha kathesi. Vatthu hettha thusajatake vittharitameva. Idhapi sattha tatheva rajanam sakim puttena saddhim kilamanam sakim dhammam sunamanam disva tam nissaya ranno bhayam uppajjissatiti natva maharaja poranakarajano asankitabbam asankitva attano puttam amhakam dhumakale rajjam karetuti ekamante akamsuti vatva atitam ahari. Atite baranasiyam brahmadatte rajjam karente bodhisatto takkasilayam brahmanakule nibbattitva disapamokkho acariyo ahosi. Tassa santike baranasiranno putto yavakumaro (yeva) nama sabbasippani ugganhitva anuyogam datva agantukamo tam apucchi. Acariyo puttam nissaya tassa antarayo bhavissatiti angavijjavasena natva etamassa harissamiti ekam upamam upadharetum arabhi. Tada panassa eko asso ahosi. Tassa pade vano utthahi. Tam vananurakkhanattham geheyeva karimsu. Tassavidure eko udapano atthi. Atheka musika geha nikkhamitva assassa pade vanam khadati. Asso varetum na sakkoti. So ekadivasam vedanam adhivasetum asakkonto musikam khaditum agatam padena paharitva maretva udapane patesi. Assagopaka musikam apassanta annesu divasesu musika agantva vanam khadati Idani na pannayati kaham nukho gatati vadimsu. Bodhisatto tam karanam paccakkham katva anne ajananta kaham musika gatati vadanti musikaya pana maretva udapane khittabhavam ahameva janamiti. So idameva karanam upamam katva pathamam gatham bandhitva rajakumarassa adasi. So aparam upamam upadharento tameva assam samrulhavanam nikkhamitva ekam yavavatthum gantva yavam khadissamiti vaticchiddena mukham pavesentam disva tameva upamam katva dutiyam gatham bandhitva tassa adasi. Tatiyagatham pana attano pannabalena bandhitva tampi tassa datva tata tvam rajje patitthaya sayam nhanapokkharanim gacchanto yava dhurasopana pathamam gatham sajjhayanto gaccheyyasi tava nivasanapasadam pavisanto yava sopanapadamula dutiyam gatham sajjhayanto gaccheyyasi tato yava sopanamatthaka tatiyam gatham sajjhayanto gaccheyyasiti vatva pesesi. So kumaro gantva uparaja hutva pitu accayena rajjam karesi. Tasseko putto vijayi. So solasavassikakale rajjalobhena pitaram maressamiti cintetva upatthake aha mayham pita taruno aham etassa dhumakalam olokento mahallako bhavissami jarajinno tadise kale laddhenapi rajjena ko atthoti. Te ahamsu deva na sakka paccantam gantva corattam katum tava pitaram kenaci upayena maretva rajjam ganhati. So sadhuti antonivesane ranno sayam nhanapokkharanisamipam gantva Ettha nam maressamiti khaggam gahetva atthasi. Raja sayam musikam nama dasim gantva pokkharanipitthim sodhetva ehi nhayissamiti pesesi. Sa gantva pokkharanipitthim sodhenti kumaram passi. Kumaro attano kammassa pakatabhavabhayena tam dvidha chinditva pokkharaniyam patesi. Raja nhayitum agamasi. Sesajano ajjapi musika dasi na punagacchati kuhim gata kattha gatati aha. Raja kuhim gata kattha gata iti lalappati jano ahameva eko janami udapane musika hatati pathamam gatham bhananto pokkharanitiram agamasi. Tattha kuhim gata kattha gatati annamannam vevacanani. Iti lalappatiti evam vippalapati. Iti ayam gatha ajananto jano musika dasi kuhim gatati vippalapati rajakumarena pana dvidha chinditva musikaya pokkharaniyam patitabhavam ahameva eko janamiti ranno ajanantasseva imamattham dipeti. Pathamam gatham bhananto pokkharanitiram agamasi. Kumaro maya katakammam mayham pitara annatanti bhito palayitva tamattham upatthakanam arocesi. Te sattatthadivasaccayena puna tam ahamsu deva sace raja janeyya na tunhi bhaveyya takkaggahena pana tena tam vuttam bhavissati marehi tanti. So punekadivasam khaggahattho sopanapadamule thatva ranno agamanakale ito citoca Paharanokasam olokesi. Raja yance tam iti cinti ca 1- gadrabhova nivattasi udapane musikam hantva yavam bhakkhitumicchasiti dutiyam gatham sajjhayanto agamasi. Ayampi gatha yasma tvam iti cinti ca itocitoca paharanokasam olokento gadrabhova nivattayi tasma tam janami purimadivase pokkharaniyam musikadasim hantva ajja yavam bhojanam 2- bhakkhitumicchasiti ranno ajanantasseva imamattham dipeti. Kumaro ditthomhi pitarati utrasto palayi. So puna addhamasamattam atikkamitva rajanam dandena paharitva maressamiti ekam dighadandakam dandappaharanam 3- gahetva olumbitva 4- atthasi. Raja aha daharo casi dummedha pathamuppattito susu dighancetam samapajja na te dassami jivitanti. Tattha pathamuppattitoti pathamena vayena uppattito upeto pathamavaye thitoti attho. Susuti taruno. Dighanti dighadandakam dandappaharanam. Samapajjati gahetva olumbitva thitositi attho. Ayampi gatha dummedha attano yavam paribhunjitum na labhissasi na te idani nillajjassa jivitam dassami maretva khandakhandam chinditva suleyeva avunapessamiti ranno @Footnote: 1 yathetam iti citi ca. 2 yavarajanam. 3 dabbipaharanam. 4 olambetva. Ajanantasseva kumaram santajjayamana imamattham dipeti. Tatiyam gatham sajjhayanto sopanamatthakam abhiruyhi. So tamdivasam palayitum asakkonto jivitam me dehi devati ranno padamule nipajji. Raja tam tajjetva sankhalikahi bandhapetva bandhanagare karapetva setacchattassa hettha alankatarajasane nisiditva amhakam acariyo disapamokkho brahmano imam mayham antarayam disva ima tisso gatha adasiti hatthatuttho udanam udanento sesagatha abhasi nantalikkhabhavanenaham nangaputtasirena va puttena hi patthayito silokehi pamocito sabbasutamadhiyetha hinamukkatthamajjhimam sabbassa attham janeyya na ca sabbam payojaye hoti tadisako kalo yattha atthavaham sutanti. Tattha nantalikkhabhavanenati antalikkhabhavanam vuccati dibbavimanam aham ajja antalikkhabhavanampi na arulho tasma antalikkhabhavanenapi ajja maranato na mocitomhi. Nangaputtasirena vati angasarikkhakena va puttenapi na pamocito. Puttena hi patthayitoti aham pana attano putteneva ajja maretum patthito. Silokehi pamocitoti somhi attano acariyena bandhitva dinnahi gathahi pamocito. Sutanti pariyattim. Adhiyethati ganheyya sikkheyya. Hinamukkatthamajjhimanti hinam va hotu majjhimam va Uttamam va sabbam adhiyitabbamevati dipeti. Na ca sabbam payojayeti hinam mantam va sippam va majjhimam va na payojaye uttamameva payojeyyati attho. Yattha atthavaham sutanti yasmim kale mahosathapanditassa kumbhakarakammakaranam viya yamkinci sikkhitasippam atthavaham hoti tadisopi kalo hotiyevati attho. Aparabhage ranno accayena kumaro rajje patitathasi. Sattha imam dhammadesanam aharitva jatakam samodhanesi tada disapamokkho acariyo pana ahamevati. Musikajatakam tatiyam ---------The Pali Atthakatha in Roman Book 38 page 501-506. http://84000.org/tipitaka/atthapali/read_rm.php?B=38&A=10398&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=10398&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=813 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3760 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3711 The Pali Tipitaka in Roman Character :- http://84000.org/tipitaka/read/roman_read.php?B=27&A=3711 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]