บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
seyyajatakam seyyamso seyyamso hotiti idam sattha jetavane viharanto ekam kosalaranno amaccam arabbha kathesi. So kira ranno bahupakaro sabbakiccanipphadako ahosi. Raja bahupakaro me ayanti tassa mahantam yasam adasi. Tam asahamana anne amacca ranno pesunnam upasamharitva tam paribhindimsu. Raja tesam vacanam saddahitva dosam anupaparikkhitvava tam silavantam niddosam sankhalikabandhanena bandhapetva bandhanagare pakkhipapesi. So tattha ekakova vasanto silasampattim nissaya cittekaggatam labhitva ekaggacitto sankhare sammasitva sotapattiphalam papuni. Athassa raja aparabhage niddosabhavam natva sankhalikabandhanam bhindapetva purimayasato mahantataram yasam adasi. So sattharam vandissamiti bahuni gandhamaladini adaya viharam gantva tathagatam pujetva vanditva ekamantam nisidi. Sattha tena saddhim patisantharam karonto anattho kira te uppannoti assumhati aha. Ama bhante uppanno aham pana tena anatthena attham akasim svaham bandhanagare nisiditva sotapattiphalam nibbattesinti. Sattha na kho upasaka Tvanneva anatthena attham ahari poranakapanditapi attano anatthena attham aharimsuyevati vatva tena yacito atitam ahari. Atite baranasiyam brahmadatte rajjam karente bodhisatto tassa aggamahesiya kucchismim nibbattitva vayappatto takkasilayam sabbasippani uggahetva pitu accayena rajje patitthaya dasa rajadhamme akopetva dhammena samena rajjam karesi danam deti panca silani rakkhati uposathakammam karoti. Athasseko amacco antepure padusi. Padamulikadayo natva asukaamacco antepure padutthoti ranno arocesum. Raja parigganhapento yathasabhavato natva tam pakkosapetva ma mam ito patthaya upatthahiti nissariyam akasi. So gantva annataram samantarajanam upatthahi. Sabbavatthum hettha mahasilavajatake kathitameva. Idhapi so raja tikkhattum vimamsitva tassa amaccassa vacanam saddahitva baranasirajjam ganhissamiti mahantena parivarena rajjasimam papuni. Baranasiranno sattasatamatta 1- mahayodha tam pavuttim natva deva asukaraja kira baranasirajjam ganhissamiti janapadam bhindanto agacchati ettheva nam gantva ganhissamati ahamsu. Mayham paravihimsaya laddhena rajjena kammam natthi ma kinci karitthati. Coraraja agantva nagaram parikkhipi. Puna amacca rajanam upasankamitva deva ma evam karittha ganhama nanti ahamsu. Raja na labbha kinci @Footnote: 1 pancasatamatta. Katum nagaradvarani vivarathati vatva sayam amaccaganaparivuto mahatale pallanke nisidi. Coraraja catusu dvaresu manusse pothento nagaram pavisitva pasadam aruyha amaccasataparivutam rajanam gahapetva sankhalikahi bandhapetva bandhanagare pakkhipapesi. Raja bandhanagare nisinnova corarajanam mettayanto mettajjhanam uppadesi. Tassa mettaya anubhavena coraranno kaye daho uppajji. Sakalasariramassa yamaukkahi jhapiyamanam viya jatam. So mahadukkhabhitunno kinnukho karananti pucchi. Tumhe silavantam rajanam bandhanagare pakkhipapetha tena vo idam dukkham uppannam bhavissatiti. So gantva bodhisattam khamapetva tumhakam rajjam tumhakameva hotuti rajjam tasseva niyyadetva ito patthaya tumhakam paccatthiko mayham bharo hotuti vatva padutthamaccassa rajanam karetva attano nagarameva gato. Bodhisatto alankatamahatale samussitasetacchattepi pallanke nisinno parivaretva nisinnehi amaccehi saddhim sallapanto purima dve gatha avoca seyyamso seyyamso hoti yo seyyamupasevati ekena sandhim katvana satam vajjhe amocayim tasma sabbena lokena sandhim katvana ekako pecca saggam nigaccheyya idam sunatha kasiyoti. Tattha seyyamso seyyamso hoti yo seyyamupasevatiti anavajjauttamadhammasankhato seyyo amso kotthaso assati seyyamso Kusaladhammanissito puggalo yo punappunam tam seyyam kusaladhammabhavanam kusalabhiratam va uttamapuggalamupasevati so seyyamso hoti pasamsataro ceva uttaritaro ca hoti. Ekena sandhim katvana satam vajjhe amocayinti tadiminapi cetam veditabbam aham hi seyyam mettabhavanam upasevanto taya mettabhavanaya ekena coraranna sandhim katva mettabhavanam ghatetva tumhe satajane vajjhappatte amocayim. Dutiyagathaya attho. Yasma aham ekena saddhim ekato mettabhavanaya sandhim katva tumhe vajjhappatte satajane mocesim tasma veditabbameva tam tasma sabbena lokena saddhim mettabhavanaya sandhim katva ekako puggalo pecca paraloke saggam nigaccheyya. Mettaya hi upacaram kamavacare patisandhim deti appana brahmaloke idam mama vacanam sabbepi tumhe kasikaratthavasino sunathati. Evam mahasatto mahajanassa mettayuttaya bhavanaya gunam vannetva dvadasayojanike baranasinagare setacchattam pahaya himavantam pavisitva isipabbajjam pabbaji. Sattha abhisambuddho hutva tatiyam gathamaha idam vatva maharaja kamso baranasiggaho dhanum tundinca nikkhippa sannamam ajjhupagamiti tattha maharajati mahanto raja. Kamsoti tassa namam. Baranasiggahoti baranasim gahetva ajjhavasanato baranasiggaho. So raja idam vacanam vatva dhanunca sarasankhatam tundinca nikkhippa Ohaya chaddetva silasamyamam upagato pabbajito pabbajitva capana jhanam uppadetva aparihinajjhano brahmaloke uppannoti. Sattha imam dhammadesanam aharitva jatakam samodhanesi tada coraraja anando ahosi baranasiraja pana ahamevati. Seyyajatakam dutiyam ----------The Pali Atthakatha in Roman Book 38 page 156-160. http://84000.org/tipitaka/atthapali/read_rm.php?B=38&A=3249&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=3249&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=445 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2372 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2338 The Pali Tipitaka in Roman Character :- http://84000.org/tipitaka/read/roman_read.php?B=27&A=2338 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]