|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
silavimamsajatakam
natthi loke raho namati idam sattha jetavane viharanto
kilesaniggaham arabbha kathesi.
Vatthu ekadasanipate pancalajatake 1- avibhavissati. Ayam
panettha sankhepattho. Pancasata bhikkhu antojetavane vasanta
majjhimayamasamanantare kamavitakkam vitakkayimsu. Sattha sabbarattindivam
sabbakale yatha ekacakkhuko cakkhum ekaputto puttam camari balam
appamadena rakkhati evam niccakalam bhikkhu oloketi. So
@Footnote: 1 paniyajatake.
---------------------------------------------------------------------------------------------
page247.
Rattibhage dibbacakkhuna jetavane olokento cakkavattiranno
antonivesane uppannacore viya te bhikkhu disva gandhakutim vivaritva
anandattheram pakkositva ananda antokotisanthare bhikkhu
sannipatetva gandhakutidvare asanam pannapehiti aha. So tatha
katva satthu pativedesi. Sattha pannattasane nisiditva
sabbasangahikavasena amantetva bhikkhave poranakapandita papakarane
raho nama natthiti papam na karimsuti vatva tehi yacito atitam
ahari.
Atite baranasiyam brahmadatte rajjam karente bodhisatto
brahmanakule nibbattitva vayappatto tattheva baranasiyam
disapamokkhassa acariyassa santike pancamanavasatanam jetthako hutva
sippam ugganhati. Acariyassa vayappatta dhita atthi. So
cintesi imesam manavakanam silam vimamsitva silasampannasseva tam
dassamiti. So ekadivasam manave amantetva tata mayham
dhita vayappatta vivahamassa karissami vatthalankaram laddhum
vattati tumhe attano natakanam apassantanam thenetva
vatthalankaram aharatha kenaci aditthameva ganhami dassetva abhatam
na ganhamiti aha. Te sadhuti sampaticchitva tato patthaya
natakanam apassantanam thenetva vatthapilandhanadini aharanti.
Acariyo abhatabhatam visum visum thapesi. Bodhisatto na kinci ahari.
Atha nam acariyo aha tvam pana tata gantva na kinci
---------------------------------------------------------------------------------------------
page248.
Aharasiti. Ama acariyati. Kasma tatati. Tumhe kassaci
passantassa abhatam na ganhatha ahampi papakammakarane raho na passamiti
dipento ima dve gatha aha
natthi loke raho nama papakammam pakubbato
passanti vanabhutani tam balo mannate raho
aham raho na passami sunnam vapi na vijjati
yattha sunnam 1- na passami asunnam hoti tam mayati.
Tattha rahoti paticchannatthanam. Vanabhutaniti vane nibbattabhutani.
Tam baloti tam papakammam raho maya katanti balo mannati.
Sunnam vapiti yam va thanam sattehi sunnam tuccham bhaveyya tampi
natthiti aha.
Acariyo tassa pasiditva tata na mayham gehe dhanam natthi
aham pana silasampannassa dhitaram datukamo ime manavake vimamsanto
evamakasim mama dhita tuyhamyeva anucchavikati dhitaram alankaritva
bodhisattassa adasi. Sesamanavake tumhehi abhatabhatam tumhakam
gehameva nethati aha.
Sattha iti kho bhikkhave te dussilamanava attano
dussilataya tam itthim na labhimsu itaro panditamanavo
silasampannataya labhiti vatva abhisambuddho hutva itara dve gatha
abhasi
@Footnote: 1 annam.
---------------------------------------------------------------------------------------------
page249.
Dujjacco ca sujacco 1- ca cando 2- ca sukhavacchito 3-
vejjhasandho ca sili ca 4- te dhammam jahumatthika
brahmano ca katham jahe sabbadhammana paragu
yo dhammam anupaleti dhitima saccanikkamoti.
Tattha dujjaccoti adayo cha jetthakamanava tesam namam ganhi.
Avasesanam namam aggahetva sabbasangahikavaseneva te dhammam
jahumatthikati aha. Tattha teti sabbepi te manava. Dhammanti
itthipatilabhasabhavam. Jahumatthikati jahum atthikati. Ayameva va
patho. Makaro pana byanjanasandhivasena vutto. Idam vuttam
hoti sabbepi te manava taya atthikava hutva attano
dussilataya tam itthipatilabhasabhavam jahimsu. Brahmano cati itaro
pana silasampanno brahmano. Katham jaheti kena karanena tam
itthipatilabham jahissati. Sabbadhammananti imasmim thane lokiyani
panca silani attha silani tini sucaritani sabbadhamma nama
tesam so paragatoti paragu. Dhammanti vuttappakarameva dhammam
yo paleti rakkhati. Dhitimati silarakkhanadhitiya samannagato.
Saccanikkamoti saccasabhavabhuto 5- yathavutte siladhamme nikkamena
samannagato.
Sattha imam dhammadesanam aharitva saccani pakasetva jatakam
@Footnote: 1 ajacco . 2 nando . 3 sukhavacchano . 4 vajjho addhuvasilo ca . 5 sacce
@sabhavabhute.
---------------------------------------------------------------------------------------------
page250.
Samodhanesi. Saccapariyosane tani panca bhikkhusatani arahatte
patitthahimsu. Tada acariyo sariputto ahosi. Panditamanavo
pana ahamevati.
Silavimamsajatakam pancamam
-------
The Pali Atthakatha in Roman Book 38 page 246-250.
http://84000.org/tipitaka/atthapali/read_rm.php?B=38&A=5120&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=5120&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=518
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2671
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2636
The Pali Tipitaka in Roman Character :-
http://84000.org/tipitaka/read/roman_read.php?B=27&A=2636
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]