AtthaPali Vol.38

javasakunajatakam akaramhava te kiccanti idam sattha veluvane viharanto devadattassa akatannutam arabbha kathesi. Na bhikkhave idaneva pubbepi devadatto akatannuyevati vatva atitam ahari. Atite baranasiyam brahmadatte rajjam karente bodhisatto himavantappadese rukkhakottakasakuno hutva nibbatti. Athekassa sihassa mamsam khadantassa atthi gale laggi. Galo uddhumayi. Gocaram ganhitum na sakkoti. Khara vedana vattanti. Atha nam so sakuno gocarapasuto disva sakhaya nisinno kim tvam samma dukkhasiti pucchi. So tamattham acikkhi. Aham te samma etam atthim apaneyyam bhayena pana te samma mukham pavisitum na visahami khadeyyasi manti. Ma bhayi samma nahantam khadami jivitam me dehiti. So

--------------------------------------------------------------------------------------------- page258.

Sadhuti tam passena nipajjapetva ko janati kim me ^1- bhavissatiti cintetva yatha mukham pidahitum na sakkoti tatha tassa adharotthe ca uttarotthe ca dandakam thapetva mukham pavisitva atthikotim tundena pahari. Atthi patitva gatam. So atthim patetva sihassa mukhato nikkhamanto dandakam tundena paharitva patentova nikkhamitva sakhagge niliyi. Siho nirogo hutva ekadivasam ekam vanamahisam vadhitva khadati. Sakuno vimamsissami nanti tassa uparibhage sakhaya niliyitva tena saddhim sallapanto pathamam gathamaha akaramhava te kiccam yam balam ahuvamhase migaraja namo tyatthu api kinci labhamaseti. Tattha akaramhava te kiccanti bho siha mayampi tava ekam kiccam akaramha. Yam balam ahuvamhaseti yam amhakam balam ahosi tena balena tato kinci ahapetva akaramhayevati. Tam sutva siho dutiyam gathamaha mama lohitabhakkhassa niccam luddhani kubbato dantantaragato santo tam bahum yampi jivasiti. Tam sutva sakuno itara dve gatha abhasi akatannumakattaram katassa appatikarakam yasmim katannuta natthi nirattha tassa sevana yassa sammukhacinnena mittadhammo na labbhati anussuyamanakkosam sanikam tamha apakkameti. @Footnote: ¹ kim pesa karissati.

--------------------------------------------------------------------------------------------- page259.

Tattha akatannunti katagunam ajanantam. Akattaranti yam kinci ^1- akarontam. Sammukhacinnenati sammukhe katena gunena. Anussuyamanakkosanti tam puggalam na ussuyanto na akkosanto sanikam tamha puggala apagaccheyyati. Evam vatva so sakuno pakkami. Sattha imam dhammadesanam aharitva jatakam samodhanesi tada siho devadatto ahosi sakuno pana ahamevati. Javasakunajatakam atthamam --------

The Pali Atthakatha in Roman Book 38 page 257-259. http://84000.org/tipitaka/atthapali/read_rm.php?B=38&A=5347&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=5347&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=530 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2714 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2680 The Pali Tipitaka in Roman Character :- http://84000.org/tipitaka/read/roman_read.php?B=27&A=2680 Contents of The Tipitaka Volume 27 http://84000.org/tipitaka/read/?index_27