บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Ayakutajatakam sabbayasam kutanti idam sattha jetavane viharanto lokatthacariyam arabbha kathesi. Vatthu mahakanhajatake avibhavissati. Atite baranasiyam brahmadatte rajjam karente bodhisatto tassa aggamahesiya kucchimhi nibbattitva vayappatto uggahitasippo pitu accayena rajje patitthaya dhammena rajjam karesi. Tada manussa devatamangalika hutva bahu ajelakadayo maretva devatanam balikammam karonti. Bodhisatto pano na hantabboti bherincarapesi. Yakkha balikammam alabhamana bodhisattassa kujjhitva himavante yakkhasamagamam gantva bodhisattassa maranatthaya ekam kakkhalam yakkham pesesum. So kannikamattam mahantam adittam ayakutam gahetva imina nam paharitva maressamiti agantva majjhimayamasamanantare bodhisattassa sayanamatthake atthasi. Tasmim khane sakkassa asanam unhakaram dassesi. So avajjamano tam karanam natva indavajiram adaya gantva yakkhassa upari atthasi. Bodhisatto yakkham disva kinnukho esa mam rakkhamano thito udahu maretukamoti tena saddhim sallapanto pathamam gathamaha sabbayasam kutamatippamanam paggayha yo titthasi antalikkhe Rakkhaya mam tvam vihitonusajja udahu me vayamase 1- vadhayati. Tattha vihitonusajjati vihitonusi ajja. Bodhisatto pana yakkhameva passati na sakkam. Yakkho sakkassa bhayena bodhisattam paharitum na sakkoti. So bodhisattassa katham sutva maharaja naham tava rakkhaya thito imina pana jalitaayakutena paharitva tam maressamiti agatomhi sakkassa bhayena tam paharitum na sakkomiti etamattham dipento dutiyam gathamaha dutoham rajidha rakkhasanam vadhaya tuyham pahitohamasmi indo ca tam rakkhati devaraja tenuttamangam na te phalayamiti. Tam sutva bodhisatto itara dve gatha abhasi sace ca mam rakkhati devaraja devanamindo maghava sujampati kamam pisaca vinadantu satte 2- na santase rakkhasiya pajaya kamam kandantu kumbhanda sabbe pamsupisacaka nalam pisaca yuddhaya mahati sa vibhesikati 3-. Tattha rakkhasiya pajayati rakkhasisankhataya pajaya @Footnote: 1. cetayase. 2. sabbe. 3. vihesika. Rakkhasasattananti attho. Kumbhandati kumbhamattarahassanga mahodara yakkha. Pamsupisacakati sankaratthane pisaca. Nalanti pisacaka nama maya saddhim yuddhaya na samattha. Mahati sa vibhesikati yam panete yakkha sannipatitva vibhesikam dassenti sa mahati vibhesika bhayanakaradassanamattameva mayham na panaham bhayamiti attho. Sakko yakkham palapetva mahasattam ovaditva ma bhayi maharaja ito patthaya tava rakkha mamayattati vatva sakatthanameva gato. Sattha imam dhammadesanam aharitva jatakam samodhanesi tada sakko anuruddho ahosi baranasiraja pana ahamevati. Ayakutajatakam sattamam ---------The Pali Atthakatha in Roman Book 38 page 410-412. http://84000.org/tipitaka/atthapali/read_rm.php?B=38&A=8511&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=8511&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=686 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3268 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3236 The Pali Tipitaka in Roman Character :- http://84000.org/tipitaka/read/roman_read.php?B=27&A=3236 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]