AtthaPali Vol.40

6 Yudhanjayajatakam. Mittamaccaparibyulhanti idam sattha jetavane viharanto mahabhinikkhamanam arabbha kathesi. Ekadivasamhi bhikkhu dhammasabhayam sannipatitva avuso sace dasabalo agaram ajjhavasissati sakalacakkavalagabbhe cakkavattiraja abhavissa sattaratanasamannagato caturiddhisamiddho parosahassaputtaparivaro so evarupam sirivibhavam pahaya kamesu dosam disva addharattikasamaye channasahayena kanthakamaruyha nagara nikkhamitva anomanaditire pabbajitva cha vassani dukkarakarikam katva sammasambodhim pattoti satthu gunakatham kathayimsu. Sattha agantva kayanuttha bhikkhave etarahi kathaya sannisinnati pucchitva imayanamati vutte na bhikkhave idaneva tathagato mahabhinikkhamanam nikkhanto pubbepi dvadasayojanike baranasinagare rajjam pahaya nikkhantoyevati vatva atitam ahari atite rammanagare sabbadattonama raja ahosi. Ayamhi baranasi udayajatake surundhananagaramnama jatam cullasuttasomajatake sudassanamnama sonanandajatake brahmavaddhanamnama kanthahalajatake pupphavatinama imasmim pana yudhanjayajatake rammanagaramnama ahosi evamassa kadaci namam parivatteti. Tattha sabbadattaranno putta sahassa ahesum yudhanjayassanama jetthaputtassa uparajjam adasi. So divase divase mahadanam pavattesi. Evam Gacchante kale bodhisatto ekadivasam patova rathavaramaruyha mahantena sirivibhavena uyyanakilam gacchanto rukkhaggatinaggasakhaggamakatasuttajaladisu suttajalakarena lagge ussavavindu disva samma sarathi kinnametanti pucchitva ete deva himasamaye patanakaussavavindunamati sutva divasabhagam uyyane kilitva sayanhasamaye paccagacchanto te adisva samma sarathi kaham ete ussavavindu na tedani passamiti pucchitva deva te suriye uggacchante sabbeva bhijjitva pathaviyam patantiti sutva samvegappatto hutva imesam sattanam jivitasankharapi tinagge ussavavindusadisa maya byadhijaramaranehi apiliteneva matapitaro apucchitva pabbajitum vattatiti ussavavindumeva arammanam katva aditte viya tayo bhave passanto attano geham agantva alankatapatiyattaya vinicchayasalaya nisinnassa pitu santikamyeva gantva pitaram vanditva ekamante thito pabbajjam yacanto pathamam gathamaha mittamaccaparibyulham aham vande rathesabham pabbajissamaham raja tam devo anumannatuti. Tattha paribyulhanti parivaritam. Tam devoti tam mama pabbajjam devo anujanatuti attho. Atha nam raja nivarento dutiyam gathamaha sace te unam kamehi aham paripurayami te yo tam himsati varemi ma pabbaja yudhanjayati. Tam sutva kumaro tatiyam gathamaha na matthi unam kamehi himsanto me na vijjati dipanca kattumicchami yam jara nabhikiratiti. Tattha dipancati tata neva mayham kamehi onam atthi na mam himsanto koci atthi aham pana paralokagamanaya attano patittham kattum icchami. Yam jara nabhikiratiti yam dipam jara nabhikirati na viddhamseti tamaham kattumicchami amatamahanibbanam gavesissami na me kamehi attho anujanatha mam maharajati vadati. Iti punappunam kumaro pabbajjam yaci. Raja ma pabbajati nivareti. Tamattham pakasento sattha upaddhagathamaha putto va pitaram yace pita va puttamorasanti. Tattha vakaro sampindanattho. Idam vuttam hoti evam bhikkhave putto ca pitaram yacati pita ca orasam puttam yacatiti. Sesam upaddhagatham raja aha negamo yacate tata ma pabbaja yudhanjayati. Tassattho ayam te tata nigamavasi mahajano yacati nagarajanopi ma tvam pabbajati. Kumaro pancamam gathamaha ma mam tata nivaresi pabbajantam rathesabha maham kamehi sammatto jaraya vasamanvaguti. Tattha vasamanvaguti ma aham kamehi sammatto jaraya Vasangaminama homi vattadukkham pana khepetva yatha ca sabbannutananam pativijjhanako homi tatha mam olokehiti adhippayo. Evam vutte raja appatibhano ahosi. Mata panassa putto te devi pitaram pabbajjam anujanapetiti sutva kim tumhe kathethati nirussasena mukhena suvannasivikayam nisiditva singham vinicchayatthanam gantva yacamana chattham gathamaha aham tam tata yacami aham putta nivaraye ciram tam datthumicchami ma pabbaja yudhanjayati. Tam sutva kumaro sattamam gathamaha ussavova tinaggamhi suriyassuggamanam pati evamayumanussanam ma mam amma nivarayeti. Tassattho amma yatha tinagge ussavavindu suriyassa uggamanam pati thatum na sakkoti pathaviyam patati evam imesam sattanam jivitam parittam tavakalikam aciratthitikam evarupe lokasannivase katham tvam mam ciram passasi ma mam nivarehiti. Evam vuttepi sa punappunam yaciyeva. Tato mahasatto pitaram amantento atthamam gathamaha taramano imam yanam aropetu rathesabha ma me mata tarantassa antarayakara ahuti. Tassattho tata rathesabha imam mama mataram taramano puriso suvannasivikayanam aropetu ma me jatijarabyadhimaranakantaram Tarantassa atikkamantassa mata antarayakara ahuti. Raja puttassa vacanam sutva gaccha bhadde tava sivikayam nisiditva rativaddhanapasadamyeva abhiruyhati aha. Sa tassa vacanam sutva thatum asakkonti nariganaparivuta gantva pasadam abhiruyha kinnukho puttassa pavuttiti vinicchayatthanam olokenti atthasi. Bodhisattopi matu gatakale puna pitaram yaci. Raja patibahitum asakkonto tenahi tata tava manam matthakam papetu pabbajahiti anujanati. Ranno anunnatakale bodhisattassa kanittho yudhitthilakumaronama pitaram vanditva tata mayham pabbajjam anujanathati anujanapesi. Ubhopi bhataro pitaram vanditva kame pahaya mahajanaparivuta vinicchayatthana nikkhamimsu. Devipi mahasattam oloketva mama putte pabbajite rammanagaram tuccham bhavissatiti paridevamana gathadvayamaha abhidhavatha bhaddante sunnam hessati rammakam yudhanjayo anunnato sabbadattena rajina. Yohu settho sahassanam yuva kancanasannibho soyam putto pabbajito kasayavasano baliti. Tattha abhidhavathati parivaretva thita nariyo sabbava bho dhavathati anapeti. Bhaddanteti evam gantva bhaddam tava hotuti vadati. Rammakanti rammanagaram sandhayaha. Yohu setthoti yo ranno putto sahassassa settho ahosi so pabbajitoti Pabbajjaya gacchantam sandhayevamaha. Bodhisatto pana na tava pabbajati. So hi matapitaro vanditva kanittham yudhitthilakumaram gahetva nagara nikkhamitva mahajanam nivattetva ubhopi bhataro himavantam pavisitva manoramme thane assamapadam katva isipabbajjam pabbajitva jhanabhinna nibbattetva vanamulaphaladihi yavajivam yapetva brahmalokaparayana ahesum. Tamattham pakasento osanagathamaha ubho kumara pabbajita yudhanjayo yudhitthilo pahaya matapitaro sangam chetvana maccunoti. Tattha maccunoti marassa idam vuttam hoti bhikkhave yudhanjayo yudhitthilo ca te ubhopi kumara matapitaro pahaya marassa sangam ragadosamohasangam chinditva pabbajimsuti. Sattha imam dhammadesanam aharitva saccani pakasetva na bhikkhave idaneva pubbepi tathagato rajjam chaddetva pabbajitoyevati vatva jatakam samodhanesi tada matapitaro maharajakulani ahesum yudhitthilakumaro anando ahosi yudhanjayo pana ahamevati. Yudhanjayajatakam chatthamam. ----------------

The Pali Atthakatha in Roman Book 40 page 43-48. http://84000.org/tipitaka/atthapali/read_rm.php?B=40&A=858&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=858&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1553 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=6247 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=6443 The Pali Tipitaka in Roman Character :- http://84000.org/tipitaka/read/roman_read.php?B=27&A=6443 Contents of The Tipitaka Volume 27 http://84000.org/tipitaka/read/?index_27