|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
11. Magganananiddesavannana [61] Magganananiddese micchaditthiya vutthatiti ditthanusayappahanena samucchedavasena dvasatthibhedato 1- micchaditthito vutthati. Tadanuvattakakilesehiti micchaditthisampayogavasena ca micchaditthiupanissayena ca uppajjamanehi ca miccha- ditthim anuvattamanehi nanavidhehi kilesehi. Tena tadekatthakilesappahanam vuttam hoti. Duvidham hi ekattham sahajekattham pahanekatthanca. Taya ditthiya saha ekasmim citte, ekasmim puggale va yava pahana thitati tadekattha. Ditthiya hi pahiyamanaya ditthi- sampayuttesu dvisu asankharikacittesu taya ditthiya sahajata lobho moho uddhaccam ahirikam anottappanti ime kilesa, dvisu sasankharikacittesu taya ditthiya sahajata lobho moho thinam uddhaccam ahirikam anottappanti ime kisela sahajekatthavasena pahiyanti. Ditthikileseyeva pahiyamane tena saha ekasmim puggale thita apayagamaniya lobho doso moho mano vicikiccha thinam uddhaccam ahirikam anottappanti ime kilesa pahanekatthavasena pahiyanti. Khandhehiti tadanuvattakeheva khandhehi, tam ditthim anuvattamanehi sahajekatthehi ca pahanekatthehi ca catuhi arupakhandhehi, tamsamutthanarupehi va saha pancahi khandhehi micchaditthiadikilesapaccaya anagate uppajjitabbehi vipakakkhandhehi. Bahiddha ca sabbanimittehiti yathavuttakilesa- khandhato bahibhutehi sabbasankharanimittehi. Micchasankappa vutthatiti sotapatti- maggena pahatabbesu catusu ditthisampayuttesu, vicikicchasahagate cati pancasu cittesu apayagamaniyasesakusalacittesu ca micchasankappa vutthati. Micchavacaya vutthatiti musavadato ceva apayagamaniyapisunapharusa- samphappalapehi ca vutthati. Micchakammanta vutthatiti panatipatadinnadana- micchacarehi vutthati. Miccha ajiva vutthatiti kuhana lapana nemittakata @Footnote: 1 tesatthibhedato (sabbattha)--------------------------------------------------------------------------------------------- page297.
Nippesikata labhenalabhamnijigisanata ajivahetukehi va sattahi kayavacikammehi vutthati. Micchavayamamicchasatimicchasamadhihi vutthanam micchasankappavutthane vuttanayeneva veditabbam. Micchasatiti ca satiya patipakkhakarena uppajjamana kusalacittuppadamattameva. Uparimaggattaye "dassanatthena sammaditthi"tiadini attha maggangani yatha pathamajjhanike pathamamagge labbhanti, tatheva labbhanti. Tattha pathamamagge sammaditthi micchaditthim pajahatiti sammaditthi. Sammasankappadayopi micchasankappadinam pajahanattheneva veditabba. Evam sante pathamamaggeneva dvasatthiya ditthigatanam pahinatta uparimaggattayena pahatabba ditthi nama natthi. Tattha sammaditthiti namam katham hotiti? yatha visam atthi va hotu ma Va, agado agadotveva vuccati, evam micchaditthi atthi va hotu ma va, ayam sammaditthi eva nama. Yadi evam nanamattamevetam hoti, uparimaggattaye pana sammaditthiya kiccabhavo apajjati, maggangani na paripurenti. Tasma sammaditthi sakiccaka katabba, maggangani paripuretabbaniti. Sakiccaka cettha sammaditthi yathalabhaniyamena dipetabba. Upaparimaggattayavajjho hi eko mano atthi, so ditthitthane titthati, sa tam manam pajahatiti sammaditthi. Sotapattimaggasmim hi sammaditthi micchaditthim pajahati. Sotapannassa pana sakadagamimaggavajjho mano atthi, tam manam pajahatiti sammaditthi. Tasseva sattaakusalacittasahajato sankappo atthi, teheva cittehi vacangacopanam atthi, kayangacopanam atthi, paccayaparibhogo atthi, sahajatavayamo atthi, assatiyabhavo atthi, sahajatacittekaggata atthi, ete micchasankappadayo nama. Sakadagamimagge sammasankappadayo tesam pahanena sammasankappadayoti veditabba. Evam sakadagamimagge atthangani sakiccaka honti. Sakadagamissa anagamimaggavajjho mano atthi, so ditthitthane titthati. Tasseva sattahi cittehi sahajata sankappadayo atthi. Tesam pahanena anagamimagge--------------------------------------------------------------------------------------------- page298.
Atthannam anganam sakiccakata veditabba. Anagamissa arahattamaggavajjho mano atthi, so ditthitthane titthati. Yani panassa panca akusalacittani, tehi sahajata sankappadayo atthi. Tesam pahanena arahattamagge atthannam anganam sakiccakata veditabba. Olarikati kayavacidvare vitikkamassa paccayabhavena thulabhutamha. Kamaragasannojanati methunaragasankhata sannojana. So hi kamabhave sannojetiti sannojananti vuccati. Patighasannojanati byapadasannojana. So hi arammane patihannatiti patighanti vuccati. Te eva thamagatatthena santane anusentiti anusaya. Anusahagatati anubhuta, sukhumabhutati attho. Tabbhave hi ettha sahagatasaddo. Sakadagamissa hi kamaragabyapada dvihi karanehi anubhuta adhiccuppattiya ca pariyutthanamandataya ca. Tassa hi balaputhujjanassa viya kilesa abhinham na uppajjanti, kadaci karahaci uppajjanti. Uppajjamana ca balaputhujjanassa viya maddanta pharanta chadenta andhaandham karonta na uppajjanti, dvihi pana maggehi pahinatta mandamanda tanukakara hutva uppajjanti, vitikkamam papetum samattha na honti. Evam tanubhuta anagamimaggena pahiyanti. Ruparagati rupabhave chandaraga. Aruparagati arupabhave chandaraga. Manati unnatilakkhana. Uddhaccati avupasamalakkhana. Avijjayati andhalakkhanaya. Bhavaraganusayati ruparagaruparagavasena pavattabhavaraganusaya. [62] Idani maggananasamvannanam karonto ajatam jhapetitiadimaha. Tattha ajatam jhapetiti jatena, jhanangena pavuccatiti attano santane patubhutena tena tena lokuttarajhanena tamsamangipuggalo ajatameva tam tam kilesam jhapeti dahati samucchindatiti, tena karanena tam lokuttaram jhananti pavuccatiti attho.--------------------------------------------------------------------------------------------- page299.
Jhanavimokkhe kusalatati tasmim ariyamaggasampayutte vitakkadike jhane ca vimokkhasankhate ariyamagge ca asammohavasena kusalataya pathamamamggeneva pahinasu nanaditthisu na kampati. Jhanam nama duvidham arammanupanijjhananca lakkhanupanijjhananca. Lokiyapathamajjhanadikam kasinadiarammanupanijjhanatthena jhanam, vipassanasankharanam sabhavasamannalakkhanupanijjhanatthena jhanam, lokuttaram nibbane tathalakkhanupanijjhanatthena jhanam. Idha pana gotrabhunapi sadharanam lakkhanupanijjhanattham anamasitva asadharanena kilesajhapanatthena jhanam vuttam. Vimokkhattho panettha nibbanarammane sutthu adhimuccanattho kilesehi ca sutthu muccanattho. Samadahitva yatha ce vipassatiti appanupacarakhanikasamadhinam annatarena samadhina pathamam cittasamadhanam katva paccha yatha vipassati ca. Samuccayattho cesaddo vipassanam samuccinoti. Vipassamano tatha ce samadaheti vipassana namesa lukhabhuta nirassada, samatho ca nama siniddhabhuto saassado. Tasma taya lukhabhutam sinehetum vipassamano tatha ca samadahe. Vipassamano puna samadhim pavisitva cittasamadhananca tatheva kareyya, yatheva vipassananti attho. Idha cesaddo samadahanam samuccinoti. Na ubhayatthapi gathabandhanuvattanena cekaro kato, attho pana cakarattho eva. Vipassana ca samatho tada ahuti yasma samathavipassananam yuganaddhabhave sati ariyamaggapatubhavo hoti, tasma ariyamaggajananasamatthatta yada tadubhayasahayogo hoti, tada vipassana ca samatho ca ahu, samathavipassana bhuta nama hotiti attho. Ta ca samathavipassana ariyamaggabhimukhikale ca maggakkhane ca samanabhaga yuganaddha vattare samano samo bhago kotthaso etesanti samanabhaga, yuge naddha viyati yuganaddha, annamannam anativattatthena samadhura samabalati attho. Vittharo panassa yuganaddhakathayam avibhavissati.--------------------------------------------------------------------------------------------- page300.
Dukkha sankhara sukho, nirodho iti dassanam. Dubhato vutthita panna, phasseti amatam padanti dukkha sankhara, sukho nirodho nibbananti patipannassa tato nibbanadassanam ariyamaggananam dubhato vutthita panna nama. Sa eva ca panna amatam padam nibbanam arammanaphusanena phusati, patilabhatiti attho. Nibbanam hi atappakatthena amatasadisanti amatam, nassa matam maranam vayo atthitipi amatam, pubbabhagato patthaya mahata ussahena mahatiya patipadaya pajjati patipajjiyatiti padanti vuccati. Vimokkhacariyam janatiti vimokkhappavattim asammohavasena janati, paccavekkhana- vasena janati. "dubhato vutthano vimokkho, dubhato vutthana cattaro vimokkha, dubhato vutthanam anuloma cattaro vimokkha, dubhato vutthana patippassaddhi cattaro vimokkha"ti hi upari vimokkhakathayamyeva 1- agata vimokkhacariya veditabba. Tesam vittharo tattheva agato. Nanattekattakovidoti tesam vimokkhanam nana- bhave ekabhave ca kusalo. Dubhatovutthanavimokkhavasena hi tesam ekattam, catuariyamagga- vasena nanattam, ekekassapi va ariyamaggassa anupassanabhedena nanattam, ariyamaggabhavena ekattam veditabbam. Dvinnam nananam kusalatati dassanasankhatassa ca bhavanasankhatassa cati imesam dvinnam nananam kusalataya. Dassananti hi sotapattimaggo. So hi pathamam nibbanadassanato dassananti vutto. Gotrabhu pana kincapi pathamataram nibbanam passati, yatha pana ranno santikam kenacideva karaniyena agato puriso duratova rathikaya carantam hatthikkhandhagatam rajanam disvapi "dittho te raja"ti puttho disva kattabbakiccassa akatatta "na passami"ti aha, evameva nibbanam disva kattabbassa kilesappahanassabhava "na dassanan"ti vuccati. Tam hi nanam maggassa avajjanatthane titthati. Bhavanati @Footnote: 1 khu.pati. 31/209/250--------------------------------------------------------------------------------------------- page301.
Sesamaggattayam. Tam hi pathamamaggena ditthasmimyeva dhamme bhavanavasena uppajjati, na aditthapubbam kinci passati, tasma "bhavana"ti vuccati. Hettha pana bhavana- maggassa aparinitthitatta "dvinnam nananan"ti avatva sotapattisakadagami- anagamimaggalabhino sandhaya "jhanavimokkhe kusalata"ti vuttam, arahattamaggalabhino pana bhavanamaggassa parinitthitatta "dvinnam nananam kusala"ti vuttanti veditabbam. Magganananiddesavannana nitthita. -------------The Pali Atthakatha in Roman Book 47 page 296-301. http://84000.org/tipitaka/atthapali/read_rm.php?B=47&A=6611&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=6611&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=143 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=1646 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=1964 The Pali Tipitaka in Roman Character :- http://84000.org/tipitaka/read/roman_read.php?B=31&A=1964 Contents of The Tipitaka Volume 31 http://84000.org/tipitaka/read/?index_31
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]