AtthaPali Vol.48

9. Vipassanakathavannana [36] Idani vipassanapatisamyuttaya satipatthanakathaya anantaram vipassanapabhedam dassentena kathitaya suttantapubbangamaya vipassanakathaya apubbatthanuvannana. Tattha suttante tava soiti sabbanamatta yo va so va sabbopi sangahito hoti. Vatati ekamsatthe nipato. Kanci sankharanti appamattakampi sankharam. Anulomikaya khantiyati ettha vipassanananameva lokuttaramaggam

--------------------------------------------------------------------------------------------- page367.

Anulometiti anulomikam, tadeva khantimapekkhitva anulomika. Sabbasankhara tassa aniccato dukkhato anattato khamanti ruccantiti khanti. Sa muduka majjhima tikkhati tividha. Kalapasammasanadika udayabbayananapariyosana mudukanulomika khanti. Bhanganupassanadika sankharupekkhananapariyosana majjhimanulomika khanti. Anulomananam tikkhanulomika khanti. Samannagatoti upeto. Netam thanam vijjatiti yathavuttam etam thanam etam karanam na vijjati. Sammattaniyamanti ettha "hitasukhavaho me bhavissati"ti evam asisato tatheva sambhavato asubhadisu ca asubhantiadiaviparitappavattisabbhavato ca samma sabhavoti sammatto, anantaraphaladanaya arahattuppattiya ca niyamabhutatta niyamo, nicchayoti attho. Sammatto ca so niyamo cati sammattaniyamo. Ko so? lokuttaramaggo, visesato pana sotapattimaggo. Tena hi magganiyamena niyatatta "niyato sambodhiparayano"ti ^1- vuttam. Tam sammattaniyamam okkamissati pavisissatiti etam atthananti attho. Gotrabhuno pana maggassa avajjanatthaniyatta ^2- tam anadiyitva anulomikakhantiya anantaram sammattaniyamokkamanam vuttanti veditabbam. Atha va attharasasu mahavipassanasu gotrabhu vivattananupassana hotiti anulomikakhantiya eva sangahita hoti. Catusupi suttantesu iminava nayena attho veditabbo. Etehi anulomikakhantisammattaniyamacatuariyaphalavasena ca cha dhammati chakkanipate ^3- cattaro suttanta vutta. Kanhapakkhasukkapakkhadvayavasena hi cattaro suttantava hontiti. [37] Katihakarehitiadike pucchapubbangame suttantaniddese pancakkhandhe aniccatotiadisu namarupanca namarupassa paccaye ca pariggahetva kalapasammasana- vasena araddhavipassako yogavacaro pancasu khandhesu ekekam khandham aniccanti kataya adiantavataya ca aniccato passati. Uppadavayapatipilanataya dukkhavatthutaya @Footnote: ¹ vi.mahavi. 1/21/12, di.Si. 9/373/156 ² ka. avajjanatthanikatta ³ an.chakka. @22/369/491 (sya)

--------------------------------------------------------------------------------------------- page368.

Ca dukkhato. Paccayayapaniyataya rogamulataya ca rogato. Dukkhatasulayogitaya ^1- kilesasucipaggharanataya uppadajarabhangehi uddhumataparipakkapabhinnataya ca gandato. Pilajanakataya antotudanataya dunniharaniyataya ^2- ca sallato. Vigarahaniyataya avaddhiavahanataya aghavatthutaya ca aghato. Aseribhavajanakataya abadhapadatthanataya ca abadhato. Avasataya avidheyyataya ca parato. Byadhijaramaranehi lujjanapalujjanataya palokato. Anekabyasanavahanataya itito. Aviditanamyeva vipulanam anatthanam avahanato sabbupaddavavatthutaya ca upaddavato. Sabbabhayanam akarataya ca dukkhavupasamasankhatassa paramassasassa patipakkhabhutataya ca bhayato. Anekehi anatthehi anubaddhataya dosupasatthataya ^3- upasaggo viya anadhivasanarahataya ca upasaggato. Byadhijaramaranehi ceva labhadihi ca lokadhammehi pacalitataya calato. Upakkamena ceva sarasena ca pabhangupagamanasilataya pabhanguto. Sabbavatthanipatitaya thirabhavassa ca abhavataya addhuvato. Atayanataya ceva alabbhaneyyakhemataya ca atanato. Alliyitum anarahataya allinanampi ca lenakiccakaritaya alenato. Nissitanam bhayasarakattabhavena asaranato. Yathaparikappitehi dhuvasubhasukhattabhavehi ^4- rittataya rittato. Rittatayeva tucchato, appakatta va. Appakampi hi loke tucchanti vuccati. Saminivasivedakakarakadhitthayakavirahitataya sunnato. Sayanca assamikabhavaditaya anattato. Pavattidukkhataya dukkhassa ca adinavataya adinavato. Atha va adinam vati gacchati pavattatiti adinavo. Kapanamanussassetam adhivacanam, khandhapi ca kapanayevati ^5- adinavasadisataya adinavato. Jaraya ceva maranena cati dvedha parinamapakatitaya viparinamadhammato. Dubbalataya pheggu viya sukhabhanjaniyataya ca asarakato. Aghahetutaya aghamulato. Mittamukhasapatto viya vissasaghatitaya ^6- vadhakato. Vigatabalataya vibhavasambhutataya ca vibhavato. @Footnote: ¹ Ma. dukkhatamulayogitaya ² ka. dunniharanataya ³ Ma. dosupatthanataya @⁴ ka. dhuvasubhattabhavehi ⁵ i. parinamakataya ⁶ i. vissasamatitaya ca

--------------------------------------------------------------------------------------------- page369.

Asavapadatthanataya sasavato. Hetupaccayehi abhisankhatataya sankhatato. Maccumarakilesamaranam amisabhutataya maramisato. Jatijarabyadhimaranapakatitaya jatijarabyadhimaranadhammato. Sokaparidevaupayasahetutaya sokaparidevaupayasadhammato. Tanhaditthiduccaritasankilesanam visayadhammataya sankilesikadhammato passati. Sabbesu ca imesu "passati"ti pathaseso datthabbo. [38] Pancakkhandheti samuhato vuttepi ekekakkhandhavasena atthavannana kalapasammasananananiddese visum visum agatatta pariyosane ca visum visum khandhanam vasena anupassananam ganitatta samuhe pavattavacananam avayavepi pavattisambhavato ca katati veditabba. Visum visum pavattasammasananam ekato sankhipitva vacanavasena va "pancakkhandhe"ti vuttanti veditabbam. "ekappaharena pancahi khandhehi vutthati"ti ^1- atthakathavacanasabbhavato va pancannam khandhanam ekato sammasanam va yujjatiyevati. Pancannam khandhanam nirodho niccam nibbananti passantoti adinavanananiddese vuttanayena vipassanakale santipadananavasena niccam nibbananti passanto. Sammattaniyamam okkamatiti maggakkhane okkamati. Phalakkhane pana okkanto nama hoti. Eseva nayo sabbesupi niyamokkamanapariyayesu. Arogyanti arogyabhutam. Visallanti sallavirahitam. Eseva nayo idisesu. Anabadhanti abadhavirahitam, abadhapatipakkhabhutam va. Esa nayo idisesu. Aparappaccayanti annapaccayavirahitam. Upasaggatoti ca anupassagganti ca keci samyogam katva pathanti. Paramasunnanti sabbasankharasunnatta uttamatta ca paramasunnam. Paramatthanti sankhatasankhatanam aggabhutatta uttamattham. Lingavipallasavasena napumsakavacanam. Nibbanassa ca sunnatta anattatta ca imasmim dvaye patilomapariyayo na vutto. Anasavanti asavavirahitam. Niramisanti amisavirahitam. Ajatanti @Footnote: ¹ visuddhi. 3/304

--------------------------------------------------------------------------------------------- page370.

Jativirahitatta anuppannam. Amatanti bhangabhavato maranavirahitam. Maranampi hi napumsakabhavavacanavasena "matan"ti vuccati. [39] Evamimaya patipatiya vuttasu akarabhedabhinnasu cattalisaya anupassanasu sabhavasangahavasena tisuyeva anupassanasu ekasangaham karonto aniccatoti aniccanupassanatiadimaha. Tasu yathanurupam aniccadukkhanattatte yojana katabba. Avasane paneta visum visum gananavasena dassita. Gananasu ca gananapatipativasena pathamam anattanupassana ganitati. ^1- Tattha pancavisatiti "parato rittato tucchato sunnato anattato"ti ekekasmim khandhe panca panca katva pancasu khandhesu pancavisati anattanupassana. Pannasati "aniccato palokato calato pabhanguto addhuvato viparinamadhammato asarakato vibhavato sankhatato maranadhammato"ti ekekasmim khandhe dasa dasa katva pancasu khandhesu pannasam aniccanupassana. Satam pancavisati cevati sesa "dukkhato rogato"tiadayo ekekasmim khandhe pancavisati pancavisati katva pancasu khandhesu pancavisatisatam dukkhanupassana. Yani dukkhe pavuccareti ya anupassana dukkhe khandhapancake gananavasena pavuccanti, ta satam pancavisati cevati sambandho veditabbo. "yani"ti cettha lingavipallaso datthabboti. Vipassanakathavannana nitthita. ------------------

The Pali Atthakatha in Roman Book 48 page 366-370. http://84000.org/tipitaka/atthapali/read_rm.php?B=48&A=8284&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=8284&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=731 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=10812 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=12608 The Pali Tipitaka in Roman Character :- http://84000.org/tipitaka/read/roman_read.php?B=31&A=12608 Contents of The Tipitaka Volume 31 http://84000.org/tipitaka/read/?index_31