Atthakatha Book 50 : PALI ROMAN
Apa.A.2 (visuddha.2)

                   28. 6. Dhupadayakattherapadanavannana
     siddhatthassa bhagavatotiadikam ayasmato dhupadayakattherassa apadanam.
Ayampi purimabuddhesu katadhikaro tattha tattha bhave vivattupanissayani punnani
upacinanto siddhatthassa bhagavato kale kulagehe nibbatto siddhatthe bhagavati
cittam pasadetva tassa bhagavato gandhakutiyam candanagarukalanusariadina katehi
anekehi dhupehi dhupapujam akasi. So tena punnena devesu ca manussesu ca
ubhayasampattiyo anubhavanto nibbattanibbattabhave pujaniyo hutva imasmim
buddhuppade ekasmim kulagehe nibbatto punnasambharanubhavena sasane
pabbajitva vipassanam vaddhetva arahattam patva katadhupapujapunnatta namena
dhupadayakattheroti sabbattha pakato. So pattaarahattaphalo attano pubbakammam saritva
somanassajato pubbacaritapadanam dassento siddhatthassa bhagavatotiadimaha.
Siddho paripunno sabbannutannanadigunasankhato attho payojanam yassa
bhagavato soyam siddhattho, tassa siddhatthassa bhagavato bhagyadigunavantassa
lokajetthassa sakalalokuttamassa tadino itthanitthesu tadisassa acalasabhavassati
attho. Sesam uttanamevati.
                   Dhupadayakattherapadanavannana nitthita.
                           -----------


             The Pali Atthakatha in Roman Book 50 page 50.
http://84000.org/tipitaka/atthapali/read_rm.php?B=50&A=1091&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=50&A=1091&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=32&i=28
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=1787
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=2330
             The Pali Tipitaka in Roman Character :-
http://84000.org/tipitaka/read/roman_read.php?B=32&A=2330
             Contents of The Tipitaka Volume 32
http://84000.org/tipitaka/read/?index_32