บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
16. Bandhujivakavagga 153. 1. Bandhujivakattherapadanavannana candamva vimalam suddhantiadikam ayasmato bandhujivakattherassa apadanam. Ayampayasma purimabuddhesu katadhikaro tattha tattha bhave vivattupanissayani punnani upacinanto sikhissa bhagavato kale kulagehe nibbatto vinnutam patto gharavasam santhapetva vasanto sikhissa bhagavato rupakayasampattim disva pasannamanaso bandhujivakapupphani gahetva bhagavato padamule pujesi. Bhagava tassa cittappasada- vaddhanatthaya anumodanam akasi. So yavatayukam thatva tena eva punnena devaloke nibbatto cha kamavacarasampattiyo anubhavitva manussesu ca cakkavatti- adisampattiyo anubhavitva imassa amhakam sammasambuddhassa uppannakale gahapatikule nibbatto satthu dhammadesanam sutva saddhajato geham pahaya pabbajito arahattam papuni. [1] So pubbenivasananena pubbe katakusalakammam anussaritva somanassajato pubbacaritapadanam pakasento candamva vimalam suddhantiadimaha. Tattha candamva vimalam suddhanti abbha, mahika, dhumo, rajo, rahuti imehi upakkilesamalehi vimuttam candam iva diyaddhasahassupakkilesamalanam pahinatta vimalam nikkilesatta suddham pasannam sikhim sambuddhanti sambandho. Kilesakaddamanam abhavena anavilam. Nandibhavasankhataya balavasnehaya 1- parisamantato khinatta nandibhavaparikkhinam tinnam. Loketi lokattayato tinnam uttinnam atikkantam. Visattikanti visattikam vuccati tanha, nittanhanti attho. [2] Nibbapayantam janatanti dhammavassam vassanto janatam janasamuham kilesaparilahabhavena nibbapayantam vupasamentam. Sayam samsarato tinnam, sabbasatte @Footnote: 1 Si. phalavisesaYu. Samsarato tarayantam atikkamentam catunnam saccanam munanato jananato munim, sikhim sambuddhanati sambandho. Vanasmim jhayamananti 2- arammanupanijjhanalakkhanupanijjhanehi jhayantam cintentam cittena bhaventam vanamajjheti attho. Ekaggam ekaggacittam susamahitam sutthu arammane ahitam thapitacittam sikhim munim disvati sambandho. [3] Bandhujivakapupphaniti bandhunam natinam jivakam jivitanissayam hadayamamsalohitam bandhujivakam hadayamamsalohitasamanavannam puppham bandhujivakapuppham gahetva sikhino lokabandhuno pujesinti attho. Sesam uttanatthamevati. Bandhujivakattherapadanavannana nitthita. --------------The Pali Atthakatha in Roman Book 50 page 195-196. http://84000.org/tipitaka/atthapali/read_rm.php?B=50&A=4216&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=4216&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=153 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4242 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5141 The Pali Tipitaka in Roman Character :- http://84000.org/tipitaka/read/roman_read.php?B=32&A=5141 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]