AtthaPali Vol.50

159. 7. Tinasulakattherapadanavannana himavantassaviduretiadikam ayasmato tinasulakattherassa apadanam. Ayampi thero purimajinavaresu katapunnasambharo uppannuppannabhave kusalani upacinanto sikhissa bhagavato kale kulagehe nibbatto gharavasam santhapetva tattha dosam disva tam pahaya tapasapabbajjam pabbajitva vasanto himavantasamipe bhutagane nama pabbate vasantam ekakam vivekamanubruhantam sikhim sambuddham disva pasannamanaso tinasulapuppham gahetva padamule pujesi. Buddhopi tassa anumodanam akasi. [35] So tena punnena devamanussesu samsaranto ubhayasampattiyo anubhavitva imasmim buddhuppade savatthiyam vibhavasampanne ekasmim kule nibbatto vuddhimanvaya sasane pasanno pabbajitva upanissayasampannatta nacirasseva arahattam papunitva pubbakammam saritva somanassajato ^1- pubbacaritapadanam @Footnote: ¹ cha.Ma. somanassappatto. Pakasento himavantassaviduretiadimaha. Bhutagano nama pabbatoti bhutagananam devayakkhasamuhanam avasabhutatta bhavanasadisatta avirulhabhavena pavattatta ca bhutagano nama pabbato, tasmim eko adutiyo jino jitamaro buddho vasate dibbabrahmaariyairiyapathaviharehi viharatiti attho. [36] Ekunasatasahassam kappam na vinipatikoti tena tinasulapupphapujakarana- phalena nirantaram ekunasatasahassakappanam avinipatako caturapayavinimutto saggasampattibhavameva upapannoti attho. Sesam suvinneyyamevati. Tinasulakattherapadanavannana nitthita. ------------

The Pali Atthakatha in Roman Book 50 page 200-201. http://84000.org/tipitaka/atthapali/read_rm.php?B=50&A=4337&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=4337&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=159 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4326 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5240 The Pali Tipitaka in Roman Character :- http://84000.org/tipitaka/read/roman_read.php?B=32&A=5240 Contents of The Tipitaka Volume 32 http://84000.org/tipitaka/read/?index_32