บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
398. 6. Bakulattherapadanavannana 1- chatthapadane himavantassaviduretiadikam ayasmato 2- bakulattherassa apadanam. Ayam kira thero atite ito kappasatasahassadhikassa asankhyeyyassa matthake anomadassissa bhagavato uppattito puretarameva brahmanakule nibbattitva vayappatto tayo vede ugganhitva tattha saram apassanto "samparayikattham gavesissami"ti isipabbajjam pabbajitva pabbatapade viharanto pancabhinna- atthasamapattinam labhi hutva viharanto buddhuppadam sutva satthu santikam gantva dhammam sutva saranesu patitthito satthu vatabadhe uppanne arannato bhesajjani anetva tam vupasametva tam punnam arogyatthaya parinametva tato cuto brahmaloke nibbatto ekam asankhyeyyam devamanussesu samsaranto padumuttarabuddha- kale hamsavatinagare ekasmim kule nibbatto vinnutam patva satthu dhammadesanam sutva sattharam ekam bhikkhum appabadhanam aggatthane thapentam disva sayam tam thanantaram akankhanto panidhanam katva yavajivam kusalakammam upacinitva sugatisuyeva samsaranto vipassissa bhagavato uppattito puretarameva bandhumatinagare brahmanakule nibbatto sabbasippesu nipphattim patto ttatha saram apassanto isipabbajjam pabbajitva jhanabhinnalabhi hutva pabbatapade vasanto buddhuppadam sutva satthu santikam @Footnote: 1 pali. bakkala... 2 cha.Ma. ayam patho na dissati. Gantva saranesu patitthaya bhikkhunam tinapupphakaroge uppanne tam vupasametva tattha yavatayukam thatva tato cuto brahmaloke nibbattitva tato ekanavutikappe devamanussesu samsaranto kassapassa bhagavato kale baranasiyam kulagehe nibbattitva gharavasam vasanto ekam jinnam vinassamanam mahaviharam disva tattha uposathagaradikam sabbam avasatham karapetva tattha bhikkhusamghassa sabbam bhesajjam patiyadetva yavajivam kusalam katva ekam buddhantaram devamanussesu samsaranto amhakam bhagavato uppattito puretarameva kosambiyam setthikule nibbatti. So matukucchito nikkhamitva dhatihi arogabhavaya yamunayam nhapiyamano tasam hatthato muccitva macchena gilito ahosi. Kevatta tam maccham jalaya gahetva baranasiyam setthibhariyaya vikkinimsu. Sa tam gahetva phalayamana pubbe katapunnaphalena arogam darakam disva "putto me laddho"ti gahetva posesi. So janakehi matapituhi tam pavattim sutva agantva "ayam amhakam putto, detha no puttan"ti anuyoge kate ranna "ubhayesampi sadharano hotu"ti dvinnam kulanam dayadabhavena vinicchayam katva thapitatta bakuloti laddhanamo vayappatto mahasampattim anubhavanto dvisu setthikulesu ekekasmim chamasam chamasam vasati. Te attano vare sampatte navasanghatam bandhitva tatrupari ratanamandapam karetva pancangikaturiye nipphadetva kumaram tattha nisidapetva ubhayanagara- majjhatthanam gangaya agacchanti, aparasetthimanussapi evameva sajjetva tam thanam gantva kumaram tattha aropetva gacchanti. So evam vaddhamano asitiko hutva ubhayasetthiputtoti pakato. Satthu santikam gantva dhammam sutva patiladdha- saddho pabbajitva sattaham vayamanto atthame divase saha patisambhidaya arahattam papuni. [386] So araha hutva attano pubbakammam saritva somanassajato pubbacaritapadanam pakasento himavantassaviduretiadimaha. Tassattho hettha vuttova. Apadanapaliatthopi suvinneyyova. So arahattam patva vimuttisukhena viharanto satthivassasatayuko hutva parinibbayiti. Bakulattherapadanavannana nitthita.The Pali Atthakatha in Roman Book 50 page 250-252. http://84000.org/tipitaka/atthapali/read_rm.php?B=50&A=5331&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=5331&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=398 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=8613 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=10184 The Pali Tipitaka in Roman Character :- http://84000.org/tipitaka/read/roman_read.php?B=32&A=10184 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]