|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
538/126. 6. Bahiyattherapadanavannana chatthapadane ito satasahassamhitiadikam ayasmato bahiyassa daruciriyat- therassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale brahmanakule nibbatto brahmanasippesu nipphattim gantva vedangesu anavayo ekadivasam satthu santikam gantva dhammam sunanto pasannamanaso sattharam ekam bhikkhum khippabhinnanam aggatthane thapentam disva tam thanam pattukamo sattaham buddhappamukhassa bhikkhusamghassa mahadanam datva sattahassa accayena bhagavato padamule nipanno "bhagava bhante ito sattame divase yam bhikkhum khippabhinnanam aggatthane thapesi, so viya ahampi anagate ekassa buddhassa sasane khippabhinnanam aggo bhaveyyan"ti patthanam akasi. Bhagava anagatamsananena oloketva samijjhanabhavam natva "anagate gotamassa bhagavato sasane pabbajitva khippabhinnanam aggo bhavissati"ti byakasi. So yavatayukam punnani katva tato cuto devaloke nibbatto tattha cha kamavacarasampattiyo anubhavitva puna manussesu cakkavattiadisampattiyo anekakappakotisatesu anubhavitva kassapassa bhagavato kale ekasmim kule nibbatto, bhagavati parinibbute pabbajito yada sasane osakkamane satta bhikkhu catunnam parisanam ajjhacaram disva samvegappatta arannam pavisitva "yava sasanassa antaradhanam na hoti, tava attano patittham karissama"ti suvannacetiyam vanditva tattha aranne ekam pabbatam disva "jivitasalaya nivattantu, niralaya imam pabbatam abhiruhantu"ti nissenim bandhitva sabbe tam pabbatam abhiruyha nissenim patetva samanadhammam karimsu. Samghatthero ekarattatikkamena arahattam papuni. So anotattadahe--------------------------------------------------------------------------------------------- page287.
Nagalatadantakattham khaditva mukham dhovitva uttarakuruto pindapatam aharitva te bhikkhu aha "avuso imam pindapatam bhunjatha"ti. Te ahamsu "kim bhante amhehi evam katika kata `yo pathamam arahattam papunati, tenabhatam pindapatam avasesa paribhunjantu"ti. No hetam avusoti. "tena hi sace mayampi tumhe viya visesam nibbattessama, sayam aharitva bhunjissama"ti na icchimsu. Dutiyadivase dutiyatthero anagami hutva tatheva pindapatam aharitva itare nimantesi. Te evamahamsu "kim panavuso katika kata, `mahatherena abhatam pindapatam abhunjitva anutherena abhatam bhunjissama"ti. "no hetam avusoti. "evam bhante tumhe viya mayampi visesam nibbattetva attano attano purisakarena bhunjitum sakkonta bhunjissama"ti na icchimsu. Tesu arahattappattatthero parinibbayi, dutiyo anagami brahmaloke nibbatti, itare panca visesam nibbattetum asakkonta sussitva sattame divase kalam katva devaloke nibbattimsu. Tattha dibbasukham anubhavitva imasmim buddhuppade tato cavitva manussesu nibbattimsu. Tesu eko pukkusati raja ahosi, eko gandhararatthe takkasilayam kumarakassapo, eko bahiyo daruciriyo, eko dabbo mallaputto, eko sabhiyo paribbajakoti, tesu ayam bahiyo daruciriyo supparakapattane vanijakule nibbatto vanijakamme nipphattim gato mahaddhano mahabhogo, so suvannabhumim gacchantehi vanijehi saddhim navamaruyha videsam gacchanto katipaham gantva bhinnaya navaya sesesu macchakacchapabhakkhesu jatesu ekoyeva avasittho ekam phalakam gahetva vayamanto sattame divase supparakapattanatiram okkami. Tassa nivasanaparupanam natthi, so annam kinci apassanto sukkhakatthadandake vakehi palivethetva nivasetva parupitva ca devakulato--------------------------------------------------------------------------------------------- page288.
Kapalam gahetva supparakapattanam agamasi. Manussa tam disva yagubhattadini datva "ayam eko araha"ti sambhavesum. So vatthesu upanitesu "sacaham nivasemi, parupami va, labhasakkaro me parihayissati"ti tani patikkhipitva daruciraneva parihari. Athassa "araha, araha"ti bahuhi sambhaviyamanassa evam cetaso parivitakko udapadi "ye keci loke arahanto va arahattamaggam va samapanna, aham tesam annataro"ti so tena niyamena kuhanakammena jivikam kappeti. Kassapadasabalassa sasane sattasu janesu pabbatam aruyha samanadhammam karontesu eko anagami hutva suddhavasabrahmaloke nibbattitva attano brahmasampattim olokento agatatthanam avajjento pabbatamaruyha samanadhammam karanatthanam disva sesanam nibbattanatthanam avajjento ekassa parinibbutabhavam itaresanca pancannam kamavacaradevaloke nibbattabhavam natva te kalanukalam avajjesi "imasmim pana kale kaham nu kho te"ti avajjento daruciriyam supparakapattanam nissaya kuhanakammena jivikam kappentam disva "nattho vatayam balo, pubbe samanadhammam karonto atiukkatthabhavena arahatapi abhatam pindapatam aparibhunjitva idani udarahetu anarahava samano arahattam patijanitva lokam vancento vicarati, dasabalassa uppannabhavam na janati, gacchami nam samvejetva buddhuppadam janapessami"ti khaneneva brahmalokato otaritva supparakapattane rattibhagasamanantare daruciriyassa sammukhe paturahosi. So attano vasanatthane obhasam disva bahi nikkhamitva mahabrahmanam disva anjalim paggayha "ke tumheti pucchi. "aham tumhakam poranakasahayo anagamiphalam patva brahmaloke nibbatto, amhakam sabbajetthako araha hutva--------------------------------------------------------------------------------------------- page289.
Parinibbuto, tumhe pana pancajana devaloke nibbatta. Svaham dani tam imasmim thane kuhanakammena jivikam kappentam disva damitum agato"ti vatva idam karanam aha "neva kho tvam bahiya araha napi arahattamaggam va samapanno, sapi te patipada natthi, yaya tvam araha va assa arahattamaggam va samapanno"ti. Athassa satthu uppannabhavam savatthiyam vasanabhavanca acikkhitva "satthu santikam gaccha"ti tam uyyojetva brahmalokameva agamasi. Bahiyo pana akase thatva kathentam mahabrahmanam oloketva cintesi "aho bhariyam kammam maya katam, anaraham araha ahanti cintesim, ayanca mam `na tvam araha, napi arahattamaggam va samapannasi'ti vadati, atthi nu kho loke anno araha"ti. Atha nam pucchi "atha ke carahi sadevake loke arahanto va arahattamaggam va samapanna"ti. Athassa devata acikkhi "atthi bahiya uttaresu janapadesu savatthi nama nagaram, tattha so bhagava etarahi viharati araham sammasambuddho. So hi bahiya bhagava araha ceva arahattaya ca dhammam desesi"ti. Bahiyo rattibhage devata katham sutva samviggamanaso tankhanamyeva supparaka nikkhamitva ekarattivasena 1- savatthim agamasi, gacchanto ca pana devatanubhavena buddhanubhavena ca visayojanasatikam maggam atikkamitva savatthim anuppatto, tasmim khane sattha savatthiyam pindaya pavittho hoti. So jetavanam pavisitva abbhokase cankamante sambahule bhikkhu pucchi "kuhim etarahi sattha"ti. Bhikkhu "savatthiyam pindaya pavittho"ti vatva "tvam pana kuto agatosi"ti pucchimsu. Supparaka agatomhiti. Kada nikkhantositi, hiyyo sayanhasamaye nikkhantomhiti. "duratopi agato, nisida tava pade dhovitva telena makkhetva thokam vissamahi, @Footnote: 1 Ma. nikkhamitva sabbattha ekarattivasena.--------------------------------------------------------------------------------------------- page290.
Agatakale sattharam dakkhissati"ti ahamsu. "aham bhante satthu va attano va jivitantarayam na janami, katthaci atthatva anisiditva ekaratteneva visayojana- satikam maggam agato, sattharam passitvava vissamissami"ti aha. So evam vatva taramanarupo savatthim pavisitva bhagavantam anopamaya buddhasiriya carantam disva "cirassam vata me gotamo sammasambuddho dittho"ti ditthatthanato patthaya onatasariro gantva antaravithiyam pancapatitthitena vanditva gopphakesu dalham gahetva evamaha "desetu bhante bhagava dhammam, desetu sugato dhammam, yam mamassa digharattam hitaya sukhaya"ti. Atha nam sattha "akalo kho tava bahiya antaragharam pavitthamha pindaya"ti patikkhipi. Tam sutva bahiyo "bhante samsare samsarantena kabalikaraharo na aladdhapubbo, tumhakam va mayham va jivitantarayam na janami, desetu me bhante bhagava dhammam, desetu sugato dhamman"ti puna yaci. Sattha dutiyampi tatheva patikkhipi. Evam kirassa ahosi "imassa ditthakalato patthaya sakalasariram pitiya nirantaram ajjhotthatam hoti, balavapitivego dhammam sutvapi na sakkhissati pativijjhitum, majjhattupekkhaya tava titthatu, ekaratteneva visayojanasatikam maggam agatassapi cassa daratho balava sopi tava patippassambhatu"ti. Tasma dvikkhattum patikkhipitva tatiyam yacito antaravithiyam thitova "tasmatiha te bahiya evam sikkhitabbam, ditthe ditthamattam bhavissati"tiadina 1- nayena anekapariyayena dhammam desesi. So satthu dhammam sunantoyeva sabbasave khepetva saha patisambhidahi arahattam papuni. [178] So arahattam pattakkhaneyeva pubbakammam saritva sanjatasomanasso pubbacaritapadanam pakasento ito satasahassamhitiadimaha. Tam hettha vuttanayatta uttanatthameva. Anuttanapadavannanameva karissama @Footnote: 1 khu.u. 25/10/102.--------------------------------------------------------------------------------------------- page291.
[181] Hasanam paccavekkhananti 1- paripunnasomanassajatam paccavekkhanam, komaravannam atikomalanti attho. [182] Hemayannopacitanganti suvannasuttayannopacitasuttaavayavam sariram dehanti attho. Palambabimbatambotthanti olambitabimbaphalasadisam rattavannam otthadvayasamannagatanti attho. Setatinhasamam dijanti 2- sunisitatikhinaayalohaghamsanena ghamsitva samam katam viya samadantanti attho. [183] Pitisamphullitanananti pitiya sutthu phullitam vikasitam ananam mukham adasatalasadisamukhavantanti attho. [184] Khippabhinnassa bhikkhunoti khippam desanaya samugghatitakkhaneyeva abhivisesena natum samatthassa bhikkhunoti attho. [186] Saggam agam sabhavanam yathati attano geham viya saggam lokam agamasinti attho. [196] Na tvam upayamaggannuti tvam nibbanadhigamupayabhutamaggannu na ahositi attho. [200] Satthuno sada jinanti sada sabbakalam jinam jinanto parajitakopo satthuno sammasambuddhassa vimalananam adasatalasadisamukham passissami passitum nikkhamamiti yojana. Dije apucchim kuhim lokanandanoti kuhim thane lokapasadakaro satthati dije brahmane aham bhikkhu apucchinti attho. [201] Sasova khippam munidassanussukoti munidassane tathagatadassane ussukko ussahajato saso iva khippam papunatiti attho. [202] Tuvatam gantvati sigham gantva. Pindattham apihagidhanti pindapatam paticca apiham apagatapiham agidham nittanham. @Footnote: 1 pali. pinasampannavekkhanam. 2 pali. sitatinhasamandijam.--------------------------------------------------------------------------------------------- page292.
[203] Alolakkhanti ito cito ca anolokayamanam uttame savatthinagare pindaya vicarantam adakkhinti sambandho. Sirinilayasankasanti siriya lakkhananu- byanjanasobhaya nilayam sankasam jalamanatoranasadisam. Ravidittiharanananti vijjotamana- suriyamandalam viya vijjotamanamukhamandalam. [204] Kupathe vippanatthassati kucchitapathe sopaddavamagge mulhassa miccha- patipannassa me saranam hohi patittha hohi. Gotamati bhagavantam gottena alapati. [218] Na tattha sukka jotantiti sukkapabhasampanna jotamanaosadhitarakadayo na jotanti nappabhasanti. Sesam uttanatthameva. So evam pubbacaritapadanam pakasetva tavadeva ca bhagavantam pabbajjam yaci. "paripunnam te pattacivaran"ti ca puttho "na paripunnan"ti aha. Atha nam sattha "tena hi pattacivaram pariyesahiti vatva pakkami. So kira visativassasahassani samanadhammam karonto "bhikkhuna nama attana paccaye labhitva annam anoloketva sayameva paribhunjitum vattati"ti vatva ekabhikkhussapi pattena va civarena va sangaham nakasi, "na tenassa iddhimayam pattacivaram uppajjissati"ti natva bhagava ehibhikkhubhavena pabbajjam nadasi. Tampi pattacivaram pariyesamanameva sankaratthanato colakkhandani sankaddhentam pubbaveriko amanusso ekissa tarunavacchaya gaviya sarire adhimuccitva vamaurumhi paharitva jivitakkhayam papesi. Sattha pindaya caritva katabhattakicco sambahulehi bhikkhuhi saddhim nikkhamanto bahiyassa sariram sankaratthane patitam disva "ganhatha bhikkhave etam bahiyam daruciriyanti ekasmim gehadvare thatva mancakam aharapetva imam sariram nagaradvarato niharitva jhapetva dhatuyo gahetva thupam karotha"ti bhikkhu anapesi.--------------------------------------------------------------------------------------------- page293.
Te bhikkhu dhatum mahapathe thupam karetva sattharam upasankamitva attano katakammam arocesum. Tato samghamajjhe katha udapadi "tathagato bhikkhusamghena sarirajhapanakiccam karesi, dhatuyo ca gahapetva cetiyam karapesi, kataramaggo nu kho tena samadhigato, samanero nu kho so, bhikkhu nu kho"ti. Sattha tam atthuppattim katva "patitthito bhikkhave bahiyo daruciriyo arahatto"ti upari dhammadesanam vaddheti. Tassa parinibbutabhavanca acikkhitva "etadaggam bhikkhave mama savakanam bhikkhunam khippabhinnanam yadidam bahiyo daruciriyo"ti 1- etadagge thapesi. Atha nam bhikkhu pucchimsu "tumhe bhante `bahiyo daruciriyo arahattam patto'ti vadetha, kada so arahattam patto"ti. Mama dhammam sutakale bhikkhaveti. Kada panassa bhante tumhehi dhammo kathitoti. Bhikkhaya carantena antaravithiyam thitenati. Appamattako bhante tumhehi antaravithiyam thatva kathitadhammo katham so tavattakena visesam nibbattesiti. Atha ne sattha "bhikkhave mama dhammam `appam' va `bahum va'ti ma cintayittha. Anekanipi hi anatthapadasamhitani gathasahassani na seyyo, atthanissitam pana ekampi gathapadam seyyo"ti vatva anusandhim ghatetva dhammam desento imam gathamaha:- "sahassamapi ce gatha anatthapadasamhita ekam gathapadam seyyo yam sutva upasammati"ti. 2- Desanapariyosane caturasitiya panasahassanam dhammabhisamayo ahositi. Bahiyattherapadanavannana nitthita. ----------- @Footnote: 1 am.ekaka. 20/216/25. 2 khu.dha. 25/101/35.The Pali Atthakatha in Roman Book 50 page 286-293. http://84000.org/tipitaka/atthapali/read_rm.php?B=50&A=6132&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=6132&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=32&i=126 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3749 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4590 The Pali Tipitaka in Roman Character :- http://84000.org/tipitaka/read/roman_read.php?B=32&A=4590 Contents of The Tipitaka Volume 32 http://84000.org/tipitaka/read/?index_32
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]