Atthakatha Book 54 : PALI ROMAN
Vibhanga.A. (sammoha.)

                        8. Atthakaniddesavannana
     [952] Atthakaniddese kilesayeva kilesavatthuni. Kusitavatthuniti kusitassa
alasassa vatthuni patittha, kosajjakarananiti attho. Kammam kattabbam hotiti
civaravicaranadikammam katabbam hoti. Na viriyam arabhatiti duvidhampi viriyam narabhati.
Appattassati jhanavipassanamaggaphaladhammassa appattassa pattiya. Anadhigatassati tasseva
anadhigatassa adhigamatthaya. Asacchikatassati tasseva asacchikatassa sacchikaranatthaya. Idam
pathamanti idam "handaham nipajjami"ti evam osidanam pathamam kusitavatthu. Imina nayena
sabbattha attho veditabbo.
     Masacitam manneti ettha pana masacitam tintamaso. Yatha tintamaso
garuko hoti, evam garukoti adhippayo. Gilana vutthito 1- hotiti gilano hutva
paccha vutthito hoti.
     [954] Atthasu lokadhammesuti ettha lokassa dhammati lokadhamma. Etehi
vimutta nama 2- natthi, buddhanampi hontiyeva, tasma "lokadhamma"ti vuccanti.
Patighatoti patihannanakaro. Labhe saragoti "aham labham labhami"ti evam
gehasitasomanassavasena uppanno sarago, so cittam patihanati. Alabhe 3-
pativirodhoti "aham labham na labhami"ti domanassavasena uppanno virodho, sopi
cittam patihanati, tasma "patighato"ti vutto. Yasadisupi "aham mahaparivaro, aham
appaparivaro, aham pasamsappatto, aham garahappatto, aham sukhappatto, aham
dukkhappatto"ti evametesam uppatti veditabba. Anariyavoharati anariyanam vohaRa.
     [957] Purisadosati purisanam dosa. Na saramiti "maya etassa kammassa
katatthanam na sarami na sallakkhemi"ti evam asatibhavena nibbedheti moceti.
Codakamyeva patippharatiti pativiruddho hutva pharati, patibhanitabhavena titthati. Kinnu
kho tuyhanti tuyham balassa abyattassa bhanitena nama kim, yo tvam neva vatthuna
apattim, na codanam janasiti dipeti. Tvampi nama evam kinci ajananto
bhanitabbam mannissasiti ajjhottharati. Paccaropetiti "tvampi khosi"tiadini vadanto
patiaropeti. Patikarohiti desanagaminim desehi, vutthanagaminito vutthahi. Tato
suddhante patitthito annam codessasiti dipeti.
     Annenannam paticaratiti annena karanena vacanena va annam karanam
vacanam va paticchadeti. "apattim apannosi"ti vutto "ko apanno, kim
apanno, katham apanno kismim apanno, kam bhanatha, kim bhanatha"ti vadati.
@Footnote: 1 saddanitiyam "gilanavutthito"ti patho dissati      2 cha.Ma. vimutto nama
@3 Si. alabhena
"evarupam kinci taya ditthan"ti vutte "na sunami"ti sotam va upaneti.
Bahiddha katham apanametiti "itthannamam apattim apannosi"ti puttho "pataliputtam
gatomhi"ti vatva puna "tava pataliputtagamanam na pucchama"ti vutte "tato
rajagaham gatomhi"ti. "rajagaham va yahi brahmanageham va, apattim apannosi"ti.
"tattha me sukaramamsam laddhan"tiadini vadanto katham bahiddha vikkhipati. Kopanti
kupitabhavam. Dosanti dutthabhavam. Ubhayampetam kodhasseva namam. Appaccayanti
asantutthakaram, domanassassetam namam. Patukarotiti dasseti pakaseti.
Bahavikkhepakam bhanatiti baha vikkhipitva alajjivacanam vadati. Vihesetiti vihetheti
badhati. Anadiyitvati cittikarena aggahetva avajanitva, anadaro hutvati attho.
     Atibalhanti atidalham atippamanam. Mayi byavatati mayi byaparam apanna.
Hinayavattitvati hinassa gihibhavassa  atthaya avattitva, gihi hutvati
attho. Attamana hothati tutthacitta hotha, "maya labhitabbam labhatha, maya
vasitabbatthane vasatha, phasuviharo vo maya kato"ti adhippayena vadati.
     [958] Asanniti pavatto vado asannivado, so tesam atthiti
asannivada. Rupi attatiadisu labhino kasinarupam attati gahetva rupiti ditthi
uppajjati, alabhino takkamatteneva ajivakanam viya. Labhinoyeva ca pana
arupasamapattinimittam attati gahetva arupiti ditthi uppajjati, alabhino
takkamatteneva niganthanam viya. Asannibhave panettha na ekanteneva karanam
pariyesitabbam. Ditthigatiko hi ummattako viya yam va tam va ganhati. Rupi
ca arupi cati ruparupajjhanamissakagahavasena 1- vuttam. Ayam ditthi
rupavacararupavacarasamapattilabhinopi takkitassapi uppajjati, neva rupi narupiti pana
ekantato takkitaditthiyeva. Antavati parittakasinam attato ganhantassa ditthi.
Anantavati
@Footnote: 1 cha.Ma. ruparupamissaka.....
Appamanakasinam. Antava ca anantava cati uddham adho sapariyantam tiriyam apariyantam
kasinam attati gahetva uppannaditthi. Nevantava nanantavati takkitaditthiyeva.
Sesam sabbattha uttanatthamevati.
                      Atthakaniddesavannana nitthita.
                           -----------


             The Pali Atthakatha in Roman Book 54 page 553-556.
http://84000.org/tipitaka/atthapali/read_rm.php?B=54&A=13000&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=54&A=13000&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=35&i=1012
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=35&A=13281
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=35&A=10519
             The Pali Tipitaka in Roman Character :-
http://84000.org/tipitaka/read/roman_read.php?B=35&A=10519
             Contents of The Tipitaka Volume 35
http://84000.org/tipitaka/read/?index_35