AtthaPali Vol.54

3. Panhapucchakavannana [462] Panhapucchake palianusareneva iddhipadanam kusaladibhavo veditabbo. Arammanattikesu pana sabbepete appamanam nibbanam arabbha pavattito appamanarammanaeva, na maggarammana. Sahajatahetuvasena pana maggahetuka, na maggadhipatino. Cattaro hi adhipatayo annamannam garum na karonti. Kasma? Sayam jetthakatta. Yatha hi samajatika samavaya samathama samasippa cattaro rajaputta attano attano jetthakataya annamannassa apacitim na karonti, evamimepi cattaro adhipatayo patiyekkam patiyekkam jetthakadhammataya annamannam garum na karontiti ekanteneva na maggadhipatino. Atitadisu ekarammanabhavepi ^1- na vattababa. Nibbanassa pana bahiddhadhammatta bahiddharammana nama hontiti evametasmim panhapucchake nibbattitalokuttarava iddhipada kathita. Sammasambuddhena hi suttantabhajaniyasmimyeva lokiyalokuttaramissaka iddhipada kathita. Abhidhammabhajaniyapanhapucchakesu pana lokuttarayevati evamayam iddhipadavibhangopi teparivattam niharitvava bhajetva ^2- dassitoti. Panhapucchakavannana nitthita. Sammohavinodaniya vibhangatthakathaya iddhipadavibhangavannana nitthita. ------------- @Footnote: ¹ cha.Ma.....bhavenapi ² cha.Ma. ayam patho na dissati

The Pali Atthakatha in Roman Book 54 page 330-331. http://84000.org/tipitaka/atthapali/read_rm.php?B=54&A=7852&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=7852&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=35&i=536 เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=7107 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=6126 The Pali Tipitaka in Roman Character :- http://84000.org/tipitaka/read/roman_read.php?B=35&A=6126 Contents of The Tipitaka Volume 35 http://84000.org/tipitaka/read/?index_35