บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Jahatikatha 1. Nasuttaharanakathavannana [279] Idani jahatikatha nama hoti. Tattha yesanca 1- "jhanalabhi puthujjano saha saccabhisamaya anagami nama hoti, tassa puthujjanakaleyeva kamaragabyapada pahina"ti laddhi seyyathapi etarahi samitiyadinam, 2- tesam tam laddhim bhinditum jahati puthujjanoti puccha sakavadissa, jhanavikkhambhitanam pana tesam pariyutthanam apassantassa patinna paravadissa. Yasma pana tesam jhanavikkhambhitanampi anagamimaggeneva accantam pahanam hoti, tasma puna accantantiadianuyogo sakavadissa, tatharupassa pahanassa abhavato patikkhepo itarassa. Vikkhambhetiti accantavikkhambhanameva sandhaya puccha sakavadissa. Tato param anagamimaggatthena saddhim puthujjanasamsandanam hoti. Tam uttanatthameva. [280] Tato param anagamiphale santhatiti puttho jhananagamitam sandhaya patijanati. Arahatte santhatiti puttho dassanamaggena uddhambhagiyanam pahanabhavato patikkhipati. Apubbam acarimam tayo maggeti puttho tatharupaya bhavanaya abhava patikkhipati. Puna puttho tinnam magganam kiccasabhavam 3- sandhaya patijanati. Samannaphalapucchasupi eseva nayo. Katamena maggenati puttho anagamimaggenati jhananagamitam sandhaya vadati. Puna sannojanappahanam puttho tinnam anagamimaggena tesam kilesanam appahinatta 4- patikkhipati. Dutiyam puttho pathamamaggasseva jhananagamimaggabhavam sandhaya patijanati. Sesamettha uttanatthamevati. Jahatikathavannana nitthita. --------- @Footnote: 1 cha.Ma. yesam 2 cha.Ma. sammitiyanam 3 cha.Ma. kiccasabbhavam 4 cha.Ma. appaheyyattaThe Pali Atthakatha in Roman Book 55 page 169. http://84000.org/tipitaka/atthapali/read_rm.php?B=55&A=3781&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=3781&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=529 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2710 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2756 The Pali Tipitaka in Roman Character :- http://84000.org/tipitaka/read/roman_read.php?B=36&A=2756 Contents of The Tipitaka Volume 36 http://84000.org/tipitaka/read/?index_36
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]