AtthaPali Vol.55

6. Chatthavagga 1. Niyamakathavannana [445-447] Idani niyamakatha nama hoti. Tattha niyamoti "bhabba niyamam okkamitum kusalesu dhammesu sammattan"ti ^1- vacanato ariyamaggo vuccati. Yasma pana tasmim uppajjitva niruddhepi puggalo aniyato nama na hoti, tasma "so niyamo niccatthena asankhato"ti yesam laddhi seyyathapi andhakanam, te sandhaya puccha sakavadissa, patinna itarassa. Tato "yadi so asankhato, evarupena tena bhavitabban"ti dipento nibbanantiadimaha. Samsandanapuccha uttanatthayeva. @Footnote: ¹ abhi. 36/13/120

--------------------------------------------------------------------------------------------- page217.

Atthi kecitiadi niyamassa sankhatabhavadipanattham vuttam. Maggo asankhatoti panhe tassa uppadanirodhabhavato patikkhipati. ^1- Niyamo sankhatoti panhe niruddhepi magge niyamassa atthitam sandhaya patikkhipati. Sotapattiniyamotiadipanhesupi anulomato ca patilomato ca iminava nayena attho veditabbo. Panca asankhataniti puttho pancannam asankhatanam agatatthanam apassanto patikkhipati. Dutiyam puttho catunnam sammattaniyamanam niyamavacanato nibbanassa ca asankhatabhavato patijanati. Micchattaniyamapanho niyamavacanamattena asankhatataya ayuttabhavadipanattham vuttoti. Niyamakathavannana nitthita. ----------

The Pali Atthakatha in Roman Book 55 page 216-217. http://84000.org/tipitaka/atthapali/read_rm.php?B=55&A=4866&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=4866&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36