อรรถกถาเล่มที่ ๙ ภาษาบาลีอักษรไทย
 ม.อ. (ปปญฺจ.๓)

                     "โย เว กิเลสานิ ปหาย ปญฺจ
                      ปริปุณฺณเสโข อปริหานธมฺโม
                      เจโตวสิปฺปตฺโต สมาหิตินฺทฺริโย
                      ส เว ิตตฺโตติ นโร ปวุจฺจตี"ติ. ๑-
      อนาคามิปุคฺคโล หิ เอกนฺตปริปุณฺณเสโข. ตํ สนฺธาย "เสขาย วิชฺชาย
ปตฺตพฺพนฺ"ติ อาห. มตฺตสฺส ปน เอกจิตฺตกฺขณิกตฺตา ตตฺถ ิตสฺส ปุจฺฉา
นาม นตฺถิ. อิมินา จ สุตฺเตน มคฺโคปิ พหุจิตฺตกฺขณิโก โหตูติ เจ. เอตํ
น พุทฺธวจนํ, วุตฺตกถาย ๒- จ อตฺโถ วิรุชฺฌติ. ตสฺมา อนาคามิผเล ตฺวา
อรหตฺตมคฺคสฺส วิปสฺสนํ กถาเปตีติ เวทิตพฺโพ. ยสฺมา ปนสฺส น เกวลํ
สุทฺธอรหตฺตสฺเสว อุปนิสฺสโย, ฉนฺนํปิ อภิญฺานํ อุปนิสฺสโย อตฺถิ, ตสฺมา
ภควา "เอวมยํ  สมเถ กมฺมํ กตฺวา ปญฺจ อภิญฺา นิพฺพตฺเตสฺสติ, วิปสฺสนาย
กมฺมํ กตฺวา อรหตฺตํ ปาปุณิสฺสติ. เอวํ ฉฬภิญฺโ มหาสาวโก ภวิสฺสตี"ติ
วิปสฺสนามคฺคํ ๓- อกเถตฺวา สมถวิปสฺสนา อาจิกฺขิ.
      [๑๙๘] สติ สติ อายตเนติ สติ สติ การเณ. กึ เจตฺถ การณํ?
อภิญฺา วา อภิญฺาปาทกชฺฌานํ วา อวสาเน ปน อรหตฺตํ วา การณํ
อรหตฺตสฺส วิปสฺสนา วาติ เวทิตพฺพํ.
      [๒๐๐] ปริจิณฺโณ เม ภควาติ สตฺต หิ เสขา ภควนฺตํ ปริจรนฺติ
นาม, ขีณาสเวน ภควา ปริจิณฺโณ โหติ. อิติ สงฺเขเปน อรหตฺตํ พฺยากโรนฺโต
เถโร เอวมาห. เต ปน ภิกฺขู ตํ อตฺถํ น ชานึสุ, อชานนฺตาว ตสฺส วจนํ
สมฺปฏิจฺฉิตฺวา ภควโต อาโรเจสุํ. เทวตาติ เตสํ คุณานํ ลาภิเทวตา. เสสํ
สพฺพตฺถ อุตฺตานเมวาติ.
                    ปปญฺจสูทนิยา มชฺฌิมนิกายฏฺกถาย
                    มหาวจฺฉโคตฺตสุตฺตวณฺณนา นิฏฺิตา.
                              ตติยํ.
                          -------------
@เชิงอรรถ: ๑ องฺ. จตุกฺก. ๒๑/๕/๗ อนุโสตสุตฺต   ๒ ฉ.ม. วุตฺตคาถาย   ๓ ฉ.ม. วิปสฺสนามตฺตํ

             อรรถกถาภาษาบาลีอักษรไทย เล่มที่ ๙ หน้า ๑๔๙.
http://84000.org/tipitaka/atthapali/read_th.php?B=9&A=3741&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=9&A=3741&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=13&i=253
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=13&A=4441
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=13&A=5118
             The Pali Tipitaka in Roman Character :-
http://84000.org/tipitaka/read/roman_read.php?B=13&A=5118
             สารบัญพระไตรปิฎกเล่มที่ ๑๓
http://84000.org/tipitaka/read/?index_13