อรรถกถาเล่มที่ ๑๓ ภาษาบาลีอักษรไทย
 สํ.อ. (สารตฺถ.๓)

    ตฺวํ อาจริย อตฺตานํ รกฺข, อหํ อตฺตานํ รกฺขิสฺสามีติ เอตฺถ อยมธิปฺปาโย:-
อาจริโย วํสํ สุคฺคหิตํ คณฺหนฺโต, อนฺเตวาสิเกน ปกฺขนฺตปกฺขนฺตทิสํ
คจฺฉนฺโต, สพฺพกาลํ จ วํสคฺคํ โอโลเกนฺโต ๑- อตฺตานเมว รกฺขติ นาม, น
อนฺเตวาสิกํ อนฺเตวาสิโกปิ กายมฺปิ เอกโต ภาคิยํ กตฺวา วาตูปตฺถมฺภํ คาหาเปตฺวา
สตึ สูปฏฺิตํ กตฺวา นิจฺจโลว นิสีทมาโน อตฺตานํเยว รกฺขติ นาม, น อาจริยํ.
    โส ตตฺถ าโยติ ยํ เมทกถาลิกา อาห, โส ตตฺถ าโย, โส
อุปาโย, ตํ การณนฺติ อตฺโถ. สติปฏฺานํ เสวิตพฺพนฺติ จตุพฺพิธํ สติปฏฺานํ
เสวิตพฺพํ. อาเสวนายาติ กมฺมฏฺานเสวนาย. เอวํ โข ภิกฺขเว อตฺตานํ รกฺขนฺโต
ปรํ รกฺขตีติ โย ภิกฺขุ กามราคาทีนิ ๒- ปหาย รตฺติฏฺานทิวาฏฺาเนสุ
มูลกมฺมฏฺานํ อาเสวนฺโต ภาเวนฺโต อรหตฺตํ ปาปุณาติ, อถ นํ ปโร ทิสฺวา
"ภทฺทโก วตายํ ภิกฺขุ สมฺมาปฏิปนฺโน"ติ ตสฺมึ จิตฺตํ ปสาเทตฺวา สคฺคปรายโน
โหติ, อยํ อตฺตานํ รกฺขนฺโต ปรํ รกฺขติ นาม.
    ขนฺติยาติ อธิวาสนขนฺติยา. อวิหึสายาติ สปุพฺพภาคาย กรุณาย.
เมตฺตจิตฺตตายาติ สปุพฺพภาคาย เมตฺตาย. อนุทยตายาติ อนุวฑฺฒิยา, สปุพฺพภาคาย
มุทิตายาติ อตฺโถ. ปรํ รกฺขนฺโต อตฺตานํ รกฺขตีติ เอตฺถ โย ภิกฺขุ
รตฺติฏฺานทิวาฏฺานํ คโต ตีสุ ๓- พฺรหฺมวิหาเรสุ ติกจตุกฺกชฺฌานานิ
นิพฺพตฺเตตฺวา ฌานํ ปาทกํ กตฺวา สงฺขาเร สมฺมสนฺโต วิปสฺสนํ วฑฺเฒตฺวา
อรหตฺตํ ปาปุณาติ, อยํ ปรํ รกฺขนฺโต อตฺตานํ รกฺขติ นามาติ เวทิตพฺโพ.

             อรรถกถาภาษาบาลีอักษรไทย เล่มที่ ๑๓ หน้า ๓๐๑.
http://84000.org/tipitaka/atthapali/read_th.php?B=13&A=6578&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=13&A=6578&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=19&i=758
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=19&A=4454
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=19&A=4351
             The Pali Tipitaka in Roman Character :-
http://84000.org/tipitaka/read/roman_read.php?B=19&A=4351
             สารบัญพระไตรปิฎกเล่มที่ ๑๘
http://84000.org/tipitaka/read/?index_19