อรรถกถาเล่มที่ ๑ ภาษาบาลีอักษรไทย
 วินย.อ. (สมนฺต.๑)

     {๑๒๒} อิทานิ ตตฺถ ตตฺถ านา จาวนวเสน วุตฺตสฺส อทินฺนาทานสฺส
องฺคญฺจ วตฺถุเภเทน จ อาปตฺติเภทํ ทสฺเสนฺโต ปญฺจหากาเรหีติ-
อาทิมาห ฯ ตตฺถ ปญฺจหากาเรหีติ ปญฺจหิ การเณหิ ฯ
ปญฺจองฺเคหีติ วุตฺตํ โหติ ฯ ตตฺรายํ สงฺเขปตฺโถ อทินฺนํ อาทิยนฺตสฺส
ปรปริคคหิตญฺจ โหตีติอาทินา นเยน วุตฺเตหิ ปญฺจหากาเรหิ
ปาราชิกํ โหติ น ตโต อูเนหีติ ฯ ตตฺริเม ปญฺจ อาการา
ปรปริคฺคหิตํ ปรปริคฺคหิตสญฺา ปริกฺขารสฺส ครุกภาโว เถยฺยจิตฺตํ
านา จาวนนฺติ ฯ อิโต ปเรหิ ปน ทฺวีหิ วาเรหิ ลหุเก ปริกฺขาเร
วตฺถุเภเทน ถุลฺลจฺจยญฺจ ทุกฺกฏญฺจ ทสฺสิตํ ฯ {๑๒๕} ฉหากาเรหีติอาทินา
นเยน วุตฺตวารตฺตเยปิ น สกสญฺิตา น วิสฺสาสคฺคาหิตา น
ตาวกาลิกตา ปริกฺขารสฺส ครุกภาโว เถยฺยจิตฺตํ านา จาวนนฺติ เอวํ
ฉ อาการา เวทิตพฺพา ฯ วตฺถุเภเทน ปเนตฺถาปิ ปมวาเร ปาราชิกํ
ทุติยตติเยสุ ถุลฺลจฺจยทุกฺกฏานิ วุตฺตานิ ฯ ตโต ปเรสุ ปน ตีสุ
วาเรสุ วิชฺชมาเนปิ วตฺถุเภเท วตฺถุสฺส ปเรหิ อปริคฺคหิตตฺตา
ทุกฺกฏเมว วุตฺตํ ฯ ตตฺร ยเทตํ น จ ปรปริคฺคหิตนฺติ วุตฺตํ ตํ
อนชฺฌาวตฺถุกํ วา โหตุ ฉฑฺฑิตํ ฉินฺนมูลกํ อสฺสามิกํ วตฺถุ อตฺตโน
สนฺตกํ วา อุภยมฺปิ น จ ปรปริคฺคหิตนฺเตฺวว สงฺขฺยํ คจฺฉติ ฯ
ยสฺมา ปเนตฺถ ปรปริคฺคหิตสญฺา จ อตฺถิ เถยฺยจิตฺเตน จ คหิตํ
ตสฺมา อนาปตฺติ น วุตฺตาติ ฯ

             อรรถกถาภาษาบาลีอักษรไทย เล่มที่ ๑ หน้า ๔๕๒-๔๕๓.
http://84000.org/tipitaka/atthapali/read_th.php?B=1&A=9506&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=1&A=9506&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=1&i=122
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=6611
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=1946
             The Pali Tipitaka in Roman Character :-
http://84000.org/tipitaka/read/roman_read.php?B=1&A=1946
             สารบัญพระไตรปิฎกเล่มที่ ๑
http://84000.org/tipitaka/read/?index_1