บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{๕๖} เอวํ อุทฺทิฏฺสิกฺขาปทํ ปทานุกฺกเมน วิภชิตฺวา อิทานิ ยนฺตํ ปฏิเสเวยฺยาติ เอตฺถ เยนากาเรน ปฏิเสเวยฺยาติ วุจฺจติ ตสฺสาการสฺส ทสฺสนตฺถํ ปฏิเสวติ นามาติ อิทํ มาติกาปทํ เปตฺวา นิมิตฺเตน นิมิตฺตํ องฺคชาเตน องฺคชาตนฺติ วุตฺตํ ฯ ตตฺถ ยสฺมา น เกวลํ อิตฺถิยาเอว นิมิตฺตํ ปาราชิกวตฺถุ น จ มนุสฺสิตฺถิยาเอว สุวณฺณรชตาทิมยานญฺจ อิตฺถีนมฺปิ นิมิตฺตํ วตฺถุเอว น โหติ ตสฺมา ยํยํ วตฺถุ โหติ ตํตํ ทสฺเสตุํ ติสฺโส อิตฺถิโยติอาทินา นเยน เยสํ นิมิตฺตานิ วตฺถูนิ โหนฺติ เต สตฺเต วตฺวา มนุสฺสิตฺถิยา ตโย มคฺเคติอาทินา นเยน ตีณิ วตฺถูนิ อาห ฯ ตตฺถ ติสฺโส อิตฺถิโย อุภโตพฺยญฺชนกา ตโย ปณฺฑกา ตโย ปุริสาติ ปาราชิกวตฺถูนํ นิมิตฺตานํ นิสฺสยา ทฺวาทส สตฺตา โหนฺติ ฯ เตสุ อิตฺถีปุริสา ปากฏา เอว ฯ ปณฺฑกอุภโตพฺยญฺชนกเภโท ปพฺพชฺชาขนฺธกวณฺณนายํ ปากโฏ ภวิสฺสติ ฯ มนุสฺสิตฺถิยา ตโย มคฺเค--------------------------------------------------------------------------------------------- หน้าที่ ๓๑๒.
เมถุนํ ธมฺมํ ปฏิเสวนฺตสฺสาติ เอตฺถ จ มนุสฺสิตฺถิยา ตีสุ มคฺเคสูติ อตฺโถ เวทิตพฺโพ ฯ เอวํ สพฺพตฺถ ฯ สพฺเพเอว เจเต มนุสฺสิตฺถิยา ตโย มคฺคา อมนุสฺสิตฺถิยา ตโย ติรจฺฉานคติตฺถิยา ตโยติ นว มนุสฺสอุภโตพฺยญฺชนกาทีนํ นว มนุสฺสปณฺฑกาทีนํ เทฺว เทฺว กตฺวา ฉ ตถา มนุสฺสปุริสาทีนนฺติ สมตฺตึส มคฺคา โหนฺติ ฯ เอเตสุ นิมิตฺตสญฺาเตสุ ยตฺถ กตฺถจิ อตฺตโน องฺคชาตํ ติลผลมตฺตมฺปิ ปเวเสตฺวา เมถุนํ ธมฺมํ ปฏิเสวนฺโต ปาราชิกํ อาปชฺชติ ฯ {๕๗} อาปชฺชนฺโต ปน ยสฺมา เสวนจิตฺเตเนว อาปชฺชติ น วินา เตน ตสฺมา ตํ ลกฺขณํ ทสฺเสนฺโต ภควา ภิกฺขุสฺส เสวนจิตฺตํ อุปฏฺิเตติอาทิมาห ฯ ตตฺถ ภิกฺขุสฺสาติ เมถุนเสวนกสฺส ภิกฺขุสฺส ฯ เสวนจิตฺตํ อุปฏฺิเตติ ภุมฺมตฺเถ ปจฺจตฺตวจนํ ฯ เสวนจิตฺเต ปจฺจุปฏฺิเตติ อตฺโถ ฯ วจฺจมคฺคํ องฺคชาตํ ปเวเสนฺตสฺสาติ เยน มคฺเคน วจฺจํ นิกฺขมติ ตํ มคฺคํ อตฺตโน องฺคชาตํ ปุริสนิมิตฺตํ ติลผลมตฺตมฺปิ ปเวเสนฺตสฺส ฯ อาปตฺติ ปาราชิกสฺสาติ อาปตฺติ ปาราชิกา อสฺส โหตีติ อตฺโถ ฯ อถวา อาปตฺตีติ อาปชฺชนํ โหติ ฯ ปาราชิกสฺสาติ ปาราชิกธมฺมสฺส ฯ เอเสวอรรถกถาภาษาบาลีอักษรไทย เล่มที่ ๑ หน้า ๓๑๑-๓๑๒. http://84000.org/tipitaka/atthapali/read_th.php?B=1&A=6550&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=1&A=6550&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=38 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=1254 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=995 The Pali Tipitaka in Roman Character :- http://84000.org/tipitaka/read/roman_read.php?B=1&A=995 สารบัญพระไตรปิฎกเล่มที่ ๑ http://84000.org/tipitaka/read/?index_1
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]