AtthaPali Vol.13

3-10. Paṭhamaānandasuttādivaṇṇanā [989-996] Tatiye pavicinatīti aniccādivasena pavicinati. Itaraṃ padadvayaṃ etasseva vevacanaṃ. Nirāmisāti nikkilesā. Kāyikacetasikadarathapaṭippassaddhiyā kāyopi cittampi passambhati. Samādhiyatīti sammā ṭhapiyati, appanācittaṃ ^1- viya hoti. Ajjhupekkhitā hotīti sahajātaajjhupekkhanāya ajjhupekkhitā hoti. Evaṃ cuddasavidhena kāyapariggāhakassa bhikkhuno tasmiṃ kāye ^2- sati satisambojjhaṅgo, tāya satiyā sampayuttañāṇaṃ dhammavicayasambojjhaṅgo, taṃ sampayuttameva kāyikacetasikavīriyaṃ vīriyasambojjhaṅgo, pītipassaddhicittekaggatā pītipassaddhisamādhisambojjhaṅgā imesaṃ channaṃ bojjhaṅgānaṃ anosakkanaanativattana- saṅkhāto majjhattākāro upekkhāsambojjhaṅgo. Yatheva hi samappavattesu assesu sārathino "ayaṃ olīyatī"ti tudanaṃ vā, "ayaṃ atidhāvatī"ti ākaḍḍhanaṃ vā natthi, kevalaṃ evaṃ passamānassa ṭhitākārova hoti, evameva imesaṃ channaṃ bojjhaṅgānaṃ anosakkanaanativattanasaṅkhāto majjhattākāro upekkhāsambojjhaṅgo nāma hoti. Ettāvatā kiṃ kathitaṃ? ekacittakkhaṇikā nāma ^3- sallakkhaṇā vipassanā bojjhaṅgā ^3- nāma kathitā. Vivekanissitantiādīni vuttatthāneva. Ettha pana soḷasakkhattukā ānāpānassati missakā kathitā, ānāpānamūlakā satipaṭṭhānā pubbabhāgā tesaṃ mūlabhūtā ānāpānassatipubbabhāgā. Bojjhaṅgamūlakā satipaṭṭhānā pubbabhāgā, tepi bojjhaṅgā pubbabhāgāva vijjāvimuttipūrakā pana bojjhaṅgā nibbattitalokuttarā, vijjāvimuttiyo ariyaphalasampayuttā. Vijjā samānaparicchedāna. Vā catutthamaggasampayuttā, vimuttiphalasampayuttāti. Catutthapañcamachaṭṭhānipi imināva sesaṃ sabbattha uttānamevāti. Ānāpānasaṃyuttavaṇṇanā ----------- @Footnote: ¹ appanāpattaṃ (?) ² Ma. samaye ^3-3 cha.Ma. nānāsarasalakkhaṇā vipassanābojjhaṅgā

The Pali Atthakatha in Roman Book 13 page 355. http://84000.org/tipitaka/atthapali/rm_line.php?B=13&A=7732 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=7732 อ่านอรรถกถาแปลไทย :- http://84000.org/tipitaka/attha/attha.php?b=19&i=1380 เนื้อความพระไตรปิฎกฉบับหลวง :- http://84000.org/tipitaka/read/r.php?B=19&A=8010 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=19&A=8099 The Pali Tipitaka in Roman Character :- http://84000.org/tipitaka/read/roman_read.php?B=19&A=8099 Contents of The Tipitaka Volume 18 http://84000.org/tipitaka/read/?index_19