AtthaPali Vol.15

7. Ahirajasuttavannana [67] Sattame imani cattani ahirajakulaniti idam datthavisaneva sandhaya vuttam. Ye hi keci datthavisa, sabbe te imesam catunnam ahirajakulanam abbhantaragatava honti. Attaguttiyati attano guttatthaya. Attarakkhayati attano rakkhanatthaya. Attaparittayati attano parittanatthaya. Parittam nama anujanamiti attho. Idani yathatam parittam katabbam, tam dassento virupakkhehi metiadimaha. Tattha virupakkhehiti virupakkhanagakulehi. Sesesupi eseva nayo. Apadakehiti apadakasattehi. Sesesupi eseva nayo. Sabbe sattati ito pubbe ettakena thanena odissakamettam kathetva idani anodissakamettam kathetum idamaraddham. Tattha satta pana bhutati sabbanetani puggalavevacananeva. Bhadrani passantuti bhadrani arammanani passantu. Ma kanci papamagamati kanci saggam papakam lamakam ma agacchatu. Appamano buddhoti ettha buddhoti buddhaguna veditabba. Te hi appamana nama. Sesapadadvayepi eseva nayo. Pamanavantaniti gunappamanena yuttani. Unnanabhiti ^2- lomasanabhiko makkatako. ^3- Sarabuti gharagolika. Kata me rakkha, kata me parittati maya ettakassa janassa rakkha ca parittananca katam. Patikkamantu bhutaniti sabbepi me kataparittana satta apagacchantu, ma mam vihethayimsuti attho. @Footnote: ¹ Si. nassevanti ² cha.Ma. unnanabhiti ³ Ma. lomanabhilomamakkatako

The Pali Atthakatha in Roman Book 15 page 356. http://84000.org/tipitaka/atthapali/rm_line.php?B=15&A=8234&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=8234&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=21&i=67 เนื้อความพระไตรปิฎกฉบับหลวง :- http://84000.org/tipitaka/read/r.php?B=21&A=1937 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=21&A=1968 The Pali Tipitaka in Roman Character :- http://84000.org/tipitaka/read/roman_read.php?B=21&A=1968 Contents of The Tipitaka Volume 20 http://84000.org/tipitaka/read/?index_21