AtthaPali Vol.10

9. Aranavibhangasuttavannana [323] Evamme sutanti aranavibhangasuttam. Tattha nevussadeyya na apasadeyyati gehasitavasena kinci puggalam neva ukkhipeyya na avakkhipeyya. Dhammameva deseyyati sabhavameva katheyya. Sukhavinicchayanti vinicchitasukham. Raho vadanti parammukha avannam pisunavacanti attho. Sammukha na khinanti sammukha khinam akinnam kilittham vacam na bhaneyya. Nabhiniveseyyati na adhitthahitva @Footnote: ¹ Ma. mu. 12/242/204

--------------------------------------------------------------------------------------------- page197.

Adaya vohareyya. Samannanti lokasamannam lokapannattim. Natidhaveyyati natikkameyya. [324] Kamapatisandhisukhinoti kamapatisandhina kamupasamhitena sukhena sukhitassa. Sadukkhoti vipakadukkhenapi sankilesadukkhenapi sadukkho. Suupaghatoti vipakupaghatakilesupaghateheva saupaghato. Tatha saparilaho. Micchapatipadati ayathavapatipada akusalapatipada. [326] Ittheke apasadetiti evam gehasitavasena ekacce puggale apasadeti. Ussadanepi eseva nayo. Bhavasamyojananti bhavabandhanam, tanhayetam namam. Subhutitthero kira imam catukkam nissaya etadagge thapito. Bhagavato hi dhammam desentassa puggalanam ussadanapasadana pannayanti, tatha sariputtattheradinam. Subhutittherassa pana dhammadesanaya "ayam puggalo appatipannako anaradhako"ti va, "ayam silava gunava lajji pesalo acarasampanno"ti va, natthi, dhammadesanaya panassa "ayam micchapatipada, ayam sammapatipada"tveva pannayati. Tasma bhagava "etadaggam bhikkhave mama savakanam bhikkhunam aranaviharinam yadidam subhuti"ti ^1- aha. [329] Kalannu assati asampatte ca atikkante ca kale akathetva "idani vuccamanam mahajano ganhissati"ti yuttapayuttakalam natvava parammukha avannam bhaseyya. Khinavadepi eseva nayo. [330] Upahannatiti ghatiyati. Saropi upahannatiti saddopi bhijjati. Aturiyatiti aturo hoti. Gelannappatto sabadho hoti. ^2- Avisatthanti vissattham apalibuddham na hoti. [331] Tadevati tam yeva bhajanam. Abhinivissa voharatiti pattanti sanjananajanapadam gantva "pattam aharatha dhovatha"ti sutva "andhabalaputhujjano, @Footnote: ¹ an. ekaka. 20/201/24 ² cha.Ma. ayam patho na dissati

--------------------------------------------------------------------------------------------- page198.

Nayidam pattam, pati namesa, evam vadahi"ti abhinivissa voharati. Evam sabbattha padehi yojetabbam. Atisaroti ativadanam. [332] Tatha tatha voharati aparaparanti amhakam janapade bhajanam patiti vuccati, ime pana nam pattanti vadanti tato patthaya janapadavoharam muncetva pattam pattanteva aparamasanto voharati. Sesapadesupi eseva nayo. [333] Idani mariyadabhajaniyam karonto tatra bhikkhavetiadimaha. Tattha saranoti sarajo sakileso. Aranoti arajo nikkileso. Subhuti ca pana bhikkhaveti ayam thero dvisu thanesu etadaggam arulho "aranaviharinam yadidam subhuti, dakkhineyyanam yadidam subhuti"ti. ^1- Dhammasenapati kira vatthum sodheti, subhutitthero dakkhinam sodheti. Tatha hi dhammasenapati pindaya caranto gehadvare thito yava bhikkham aharanti, tava pubbabhage paricchinditva nirodham samapajjati, nirodha vutthaya deyyadhammam patigganhati. Subhutitthero ca tatheva mettajhanam samapajjati, mettajhana vutthaya deyyadhammam patigganhati. Evam pana katum sakkati. Ama sakka, neva acchariyancetam, yam mahabhinnappatta savaka evam kareyyum. Tasmimpi hi tambapannidipe poranakarajakale pingalabuddharakkhitatthero nama uttaragamam nissaya vihasi. Tattha satta kulasatani honti, ekampi tam kuladvaram natthi, yattha thero samapattim na samapajji. Sesam sabbattha uttanamevati. Papancasudaniya majjhimanikayatthakathaya aranavibhangasuttavannana nitthita. ----------

The Pali Atthakatha in Roman Book 10 page 196-198. http://84000.org/tipitaka/atthapali/rm_line.php?B=10&A=4996&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=4996&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=653 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=8511 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=8422 The Pali Tipitaka in Roman Character :- http://84000.org/tipitaka/read/roman_read.php?B=14&A=8422 Contents of The Tipitaka Volume 14 http://84000.org/tipitaka/read/?index_14