AtthaPali Vol.47

page257.

4. Dhammatthitinananiddesavannana [45] Dhammatthitinananiddese avijjasankharanam uppadatthititiadisu titthanti etaya sankharati thiti. Ka sa? avijja. Sa hi sankharanam uppadaya nibbattiya thiti karananti uppadatthiti. Uppannanam pavattiyapi karananti pavattatthiti. Kincapi hi janakapaccayassa jananakkhaneyeva kiccanubhavo hoti, tena pana janakanamyeva pavattatta sakakkhane pavattiyapi karanam nama hoti, santativasena va pavattiya karananti attho. Pavattanti ca napumsake bhavavacanametam, tasma pavattam pavattiti atthato ekam. Pavattisaddassa pana pakatatta tena yojetva attho vutto. Bhavepi thitisaddassa sijjhanato na idha bhave thitisaddo, karane thitisaddoti dassanattham nimittatthititi vuttam, nimittabhuta thititi attho, karanabhutati vuttam hoti. Na kevalam nimittamattam hoti, atha kho sankharajanane sabyapara viya hutva ayuhati vayamatiti paccayasamatthatam dassento ayuhanatthititi aha, ayuhanabhuta thititi attho. Yasma avijja sankhare uppadayamana uppade samyojeti nama, ghatetiti attho, sankhare pavattayamanava pavattiyam palibundhati ^1- nama, bandhatiti ^2- attho, tasma sannogatthiti palibodhatthititi vutta, sannogabhuta thiti, palibodhabhuta thititi attho. Avijjavasankharaupadayamana uppadaya pavattiya ca mulakaranatthena samudayo nama, samudayabhuta thititi samudayatthiti, mulakaranabhuta thititi attho. Avijjava sankharanam uppade janakapaccayatta, pavattiyam upatthambhakapaccayatta hetutthiti paccayatthititi vutta, hetubhuta thiti, paccayabhuta thititi attho. Janaka- paccayo hi hetuti, upatthambhakapaccayo paccayoti vuccati. Evam sesesupi yojetabbam. Bhavo jatiya jati jaramaranassati ettha pana uppadatthiti sannogatthiti hetutthiti uppadavasena yojitani padani jatijaramaranavantanam khandhanam vasena @Footnote: ¹ Si. palibujhjati ² Ma. ganthatiti

--------------------------------------------------------------------------------------------- page258.

Pariyayena vuttaniti veditabbani. Keci pana "upadaya thiti uppadatthiti"ti evamadina nayenettha attham vannayanti. Avijja paccayoti avijjaya sankharanam paccayabhavam apekkhitva vuttam. Avijjayapi paccayasambhutatta tassa api paccaya- pariggahanadassanattham ubhopete dhamma paccayasamuppannati paccayapariggahe pannati vuttam. Evam sesesupi yojetabbam. Jati paccayo, jaramaranam paccaya- samuppannanti pana pariyayena vuttam. Atitampi addhananti atikkantampi kalam. Anagatampi addhananti appattampi kalam. Ubhayatthapi accantasamyogatthe upayogavacanam. [46] Idani navakaravaranantaram te navakare vihaya hetupaticcapaccaya- padeheva yojetva avijja hetu, sankhara hetusamuppannatiadayo tayo vara niddittha navakaravare janakaupatthambhakavasena paccayo vutto. Idha pana hetuvarassa ca paccayavarassa ca visum agatatta hetuti janakapaccayattam paccayo ti upatthambhakapaccayattam veditabbam ekekassapi avijjadikassa paccayassa ubhayatha sambhavato. Paticcavare avijja paticcati attano uppade sankharanam avijja- pekkhatta sankhare hi avijja patimukham etabba gantabbati paticca. Etena avijjaya sankharuppadanasamatthata vutta hoti. Sankhara paticcasamuppannati sankhara avijjam paticca tadabhimukha pavattanato patimukham katva na vihaya samam uppanna. Evam sesesupi linganurupena yojetabbam. Avijja paticcati ussukkavasena va patho, attho panettha avijja attano paccaye paticca pavattati pathasesavasena yojetabbo. Evam sesesupi. Catusupi ca etesu varesu dvadasannam paticcasamuppadanganam paccayasseva vasena dhammatthitinanassa niddisitabbatta avijjadinam ekadasannamyeva anganam vasena dhammatthitinanam niddittham, jaramaranassa pana ante thitatta tassa vasena na niddittham. Jaramaranassapi sokaparidevadukkhadomanassupayasanam paccayatta

--------------------------------------------------------------------------------------------- page259.

Jaramaranam tesam paccayam katva upaparikkhamanassa tassapi jaramaranassa vasena dhammatthitinanam yujjateva. [47] Idani taneva dvadasa paticcasamuppadangani visatiakaravasena vibhajitva catusankhepatiyaddhatisandhiyo dassetva dhammatthitinanam niddisitukamo purimakammabhavasmintiadimaha. Tattha purimakammabhavasminti purime kammabhave, atita- jatiyam kammabhave kariyamaneti attho. Moho avijjati yo tada dukkhadisu moho, yena mulho kammam karoti, sa avijja. Ayuhana sankharati tam kammam karontassa purimacetanayo, yatha "danam dassami"ti cittam uppadetva masampi samvaccharampi danupakaranani sajjentassa uppanna purimacetanayo. Patiggahakanam pana hatthe dakkhinam patitthapayato cetana bhavoti vuccati. Ekavajjanesu va chasu javanesu cetana ayuhana sankhara nama, sattamajavane cetana bhavo. Ya kaci va pana cetana bhavo, tamsampayutta ayuhana sankhara nama. Nikanti tanhati yam kammam karontassa tassa phale upapattibhave nikamana patthana, sa tanha nama. Upagamanam upadananti yam kammam bhavassa paccayabhutam "imasmim nama kamme kate, kama sampajjanti"ti va "idam katva asukasmim nama thane kame sevissami"ti va "atta ucchinno suucchinno hoti"ti va "sukhi hoti vigataparilaho"ti va "silabbatam sukhena paripurati"ti va pavattam upagamanam dalhaggahanam, idam upadanam nama. Cetana bhavoti ayuhanavasane vutta cetana bhavo nama. Purimakammabhavasminti atitajatiya kammabhave kariyamane pavatta. Idha patisandhiya paccayati paccuppannapatisandhiya paccayabhuta. Idha patisandhi vinnananti yam paccuppannabhavassa bhavantarapatisandhanavasena uppannatta patisandhiti vuccati, tam vinnanam. Okkanti namarupanti ya

--------------------------------------------------------------------------------------------- page260.

Gabbhe ruparupadhammanam okkanti agantva pavisanam viya, idam namarupam. Pasado ayatananti yo pasannabhavo, idam ayatanam. Jatiggahanena ekavacanam katam. Etena cakkhadini pancayatanani vuttani. "pabhassaramidam bhikkhave cittam, tanca kho agantukehi upakkilesehi upakkilitthan"ti ^1- ettha bhavangacittam adhippetanti vacanato idhapi manayatanassa vipakabhutatta, tassa ca kilesakalussiyabhavena pasannatta pasadavacanena manayatanampi vuttanti veditabbam. Phuttho phassoti yo arammanam phuttho phusanto uppanno, ayam phasso. Vedayitam vedanati yam patisandhivinnanena va salayatanapaccayena va phassena saha uppannam vipakavedayitam, ayam vedana idhupapattibhavasmim purekatassa kammassa paccayati paccuppanne vipakabhave atitajatiyam katassa kammassa paccayena pavattantiti attho. Idha paripakkatta ayatanananti paripakkayatanassa kammapakaranakale mohadayo dassita. Ayatim patisandhiyati anagate patisandhiya. Ayatim patisandhi vinnanantiadini vuttatthani. Katham pana dvadasahi paticcasamuppadangehi ime visati akara gahita hontiti? avijja sankharati ime dve atitahetuyo sarupato vutta. Yasma pana avidva paritassati, paritassito upadiyati, tassupadanapaccaya bhavo, tasma tehi dvihi gahitehi tanhupadanabhavapi gahitava honti. Paccuppanne vinnana- namarupasalayatanaphassavedana sarupato vuttayeva. Tanhupadanabhava paccuppanna- hetuyo sarupato vutta. Bhave pana gahite tassa pubbabhaga tamsampayutta va sankhara gahitava honti, tanhupadanaggahanena ca tamsampayutta. Yaya va mulho kammam karoti, sa avijja gahitava honti. Anagate jati jaramarananti dve @Footnote: ¹ an.ekaka. 20/51/9

--------------------------------------------------------------------------------------------- page261.

Sarupena vuttani, jatijaramaranaggahaneneva pana vinnanadini panca anagataphalani gahitaneva honti. Tesamyeva hi jatijaramarananiti evam dvadasahi angehi visati akara gahita honti. Atite hetavo panca idani phalapancakam idani hetavo panca ayatim phalapancakanti gathaya ayamevattho vutto. Itimeti iti ime. Iti imeti va patho. Catusankhepeti caturo raSi. Atite panca hetudhamma eko hetusankhepo paccuppanne panca phaladhamma eko phalasankhepo, paccuppanne panca hetudhamma eko hetusankhepo anagate panca phaladhamma eko phalasankhePo. Tayo addheti tayo kale. Pathamapancakavasena atitakalo, dutiyatatiyapancakavasena paccuppannakalo, catutthapancakavasena anagatakalo veditabbo. Tisandhinti tayo sandhayo assati tisandhi, tam tisandhim. Atitahetupaccuppanna- phalanamantara eko hetuphalasandhi, paccuppannaphalaanagatahetunamantara eko phalahetusandhi, paccuppannahetuanagataphalanamantara eko hetuphalasandhi. Paticcasamuppadapaliyam sarupato anagatavasena pana avijjasankhara eko sankhepo, vinnananamarupasalayatanaphassavedana dutiyo, tanhupadanabhava tatiyo, jatijaramaranam catuttho. Avijja sankharati dve angani atitakalani, vinnanadini bhavavasanani attha paccuppannakalani, jati jara marananti dve anagatakalani. Sankharavinnananam antara eko hetuphalasandhi, vedanatanhanamantara eko phalahetu sandhi, bhavajatinamantara eko hetuphalasandhi. Visatiya akarehiti visatiya kotthasehi. Catusankhepe ca tayo addhe ca sandhim paticcasamuppadanca visatiya akarehi janatiti sambandho.

--------------------------------------------------------------------------------------------- page262.

Janatiti sutanusarena bhavanarambhananena janati. Passatiti natameva cakkhuna dittham viya hatthatale amalakam viya ca phuttham katva naneneva passati. Annatiti ditthamariyadeneva asevanam karonto naneneva janati. Mariyadattho hi ettha akaro. Pativijjhatiti bhavanaparipuriya dittham papento naneneva patividham karoti. Sallakkhanavasena va janati, sarasavasena passati, paccupatthanavasena annati, padatthanavasena pativijjhati. Tattha paticcasamuppadoti paccayadhamma veditabba. Paticcasamuppanna dhammati tehi tehi paccayehi nibbattadhamma. Kathamidam janitabbanti ce? bhagavato vacanena. Bhagavata hi paticcasamuppadapaticcasamuppannadhammadesanasutte:- "katamo ca bhikkhave paticcasamuppado, jatipaccaya bhikkhave jaramaranam, uppada va tathagatanam anuppada va tathagatanam thitava sa dhatu dhammatthitata dhammaniyamata idappaccayata, tam tathagato abhisambujjhati abhisameti, abhisambujjhitva abhisametva acikkhati deseti pannapeti patthapeti vivarati vibhajati uttanikaroti `passatha'ti caha. Jatipaccaya bhikkhave jaramaranam, bhavapaccaya bhikkhave jati .pe. Avijjapaccaya bhikkhave sankhaRa. Uppada va tathagatanam .pe. Uttanikaroti `passatha'ti caha. Avijjapaccaya bhikkhave sankhaRa. Iti kho bhikkhave ya tatra tathata avitathata anannathata idappaccayata. Ayam vuccati bhikkhave paticcasamuppado"ti. ^1- Evam paticcasamuppadam desentena tathatadihi ceva vacanehi paccayadhammava paticcasamuppadoti vutta. Tasma jaramaranadinam paccayalakkhano paticcasamuppado, @Footnote: ¹ sam.ni. 16/20/25

--------------------------------------------------------------------------------------------- page263.

Dukkhanubandharaso kammaggapaccupatthano sayampi sapaccayatta attano visesappaccayapadatthano. Uppada va anuppada vati uppade va anuppade va, tathagatesu uppannesupi anuppannesupiti attho. Thitava sa dhatuti thitova so paccayasabhavo, na kadaci jatijaramaranassa paccayo na hotiti attho. Dhammatthitata dhammaniyamata idappaccayatati jatipaccayoyeva. Jatipaccayena hi jaramaranasankhato paccayasamuppannadhammo tadayattataya titthati, jatipaccayova jaramaranam dhammam niyameti, tasma "jati dhammatthitata dhammaniyamata"ti vuccati jatiyeva imassa jaramaranassa paccayoti idappaccayo, idappaccayova idappaccayata. Tanti tam paccayam. Abhisambujjhatiti nanena abhisambujjhati. Abhisametiti nanena abhisamagacchati. Acikkhatiti katheti. Desetiti dasseti. Pannapetiti janapeti. Patthapetiti nanamukhe thapeti. Vivaratiti vivaritva dasseti. Vibhajatiti vibhagato dasseti. Uttanikarotiti pakatam karoti. Iti khoti evam kho. Ya tatrati ya tesu "jatipaccaya jaramaranan"tiadisu. So panayam paticcasamuppado tehi tehi paccayehi anunadhikeheva tassa tassa dhammassa sambhavato tathatati, samaggim upagatesu paccayesu muhuttampi tato nibbattanadhammanam asambhavato avitathatati, annadhammapaccayehi annadhammanuppattito anannathatati, yathavuttanam etesam jaramaranadinam paccayato va paccayasamuhato va idappaccayatati vutto. Tatrayam vacanattho imesam paccaya idappaccaya, idappaccayayeva idappaccayata, idappaccayanam va samuho idappaccayata. Lakkhanam panettha saddasatthato veditabbanti. Dhammatthitinananiddesavannana nitthita. ---------------

The Pali Atthakatha in Roman Book 47 page 257-263. http://84000.org/tipitaka/atthapali/rm_line.php?B=47&A=5739&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=5739&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=94 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=1130 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=1420 The Pali Tipitaka in Roman Character :- http://84000.org/tipitaka/read/roman_read.php?B=31&A=1420 Contents of The Tipitaka Volume 31 http://84000.org/tipitaka/read/?index_31